HAAPIIRAA 44
Mea au anei na te Atua i te mau oroa atoa?
Te hinaaro ra Iehova ia oaoa tatou i to tatou oraraa e ia faatupu atoa i te reira i te tahi taime. E au anei râ Iehova i te mau oroa atoa? Nafea tatou e faaite ai i to tatou here ia Iehova i roto i teie tupuraa?
1. No te aha e rave rahi oroa ta Iehova e ore e au?
E maere paha oe i te ite no roto mai e rave rahi oroa i te mau haapiiraa hape aore ra no ǒ mai i te feia e rave rahi atua to ratou. E nehenehe teie mau oroa e taaihia i te haapaoraa hape. E ô atoa mai te peu tahutahu aore ra te manaˈo te vai ra te tahi tuhaa e ora ˈtu ia pohe te taata. Ua î te tahi mau oroa i te peu tahutahu aore ra te tiaturiraa i te manuïa. (Isaia 65:11) Te faaara ra Iehova i ta ˈna mau tavini: “A faataa ê mai ia outou . . . atira i te tapea i te mea viivii.”—Korinetia 2, 6:17. a
2. Eaha to Iehova manaˈo no nia i te mau oroa o te faahanahana ra i te mau taata?
Te faaara mai ra Iehova eiaha e tuu i to tatou “tiaturi i te taata.” (A taio i te Ieremia 17:5.) E faahanahana te tahi mau oroa i te mau tia faatere aore ra te mau faehau. E faahanahana vetahi i te mau taipe nunaa rau aore ra te tiamâraa. (Ioane 1, 5:21) Te faatianiani ra te tahi i te ohipa poritita aore ra te mau faanahonahoraa. Eaha ïa to Iehova manaˈo ia faahanahana tatou i te hoê taata aore ra te hoê faanahonahoraa o te patoi ra i ta ˈna opuaraa?
3. Eaha te peu i roto i te mau oroa eita e tano?
Te opani ra te Bibilia i “te inu-hua-raa, te mau arearearaa ahoahoa, [e] te inu faataero.” (Petero 1, 4:3) Te faaite ra te tahi mau oroa aita e otia e e peu taotoraa tia ore to roto. No te riro noa ei hoa no Iehova mea tia ia atea ê tatou i teie huru haerea viivii.
A FAAHOHONU ATU Â
A hiˈo nafea oe e faaoaoa ˈi ia Iehova ma te rave i te mau faaotiraa paari no nia i te mau oroa.
4. A patoi i te mau oroa o te ore e faahanahana ia Iehova
A taio i te Ephesia 5:10, e a aparau i teie mau uiraa:
-
Eaha te titauhia ia haapao tatou ia faaoti anaˈe i te faatupu i te hoê oroa?
-
Eaha te mau oroa matauhia i to oe vahi?
-
No oe, e au anei Iehova i teie mau oroa?
Ei hiˈoraa, ua ui anei oe eaha to te Atua manaˈo no nia i te mau oroa mahana fanauraa? Aita roa ˈtu te Bibilia e faahiti ra i te hoê tavini a Iehova tei faatupu i te oroa mahana fanauraa, te faahiti râ oia e piti oroa mahana fanauraa faatupuhia e te mau taata aita e tavini ra ia ˈna. A taio i te Genese 40:20-22 e te Mataio 14:6-10. E a aparau i teie mau uiraa:
-
Eaha te tuatiraa i roto i na oroa mahana fanauraa e piti?
-
I roto i teie mau aamu Bibilia, eaha to oe manaˈo no nia i ta Iehova hiˈoraa no nia i te mau oroa mahana fanauraa?
Te ui nei paha oe: ‘Mea faufaa mau anei no Iehova ia ite e te apiti nei au i te oroa mahana fanauraa aore ra te tahi atu oroa aita i niuhia i nia i te Bibilia?’ A taio i te Exodo 32:1-8. E a pata i te VIDEO, e a aparau i te mau uiraa i muri nei.
-
No te aha mea tia ia papu ia tatou eaha te mea ta Iehova e au?
-
E nafea tatou e na reira ˈi?
E nafea tatou e ite ai mea au ore na te Atua te hoê oroa?
-
Ua niuhia anei te reira i nia i te mau haapiiraa hape? A rave i te mau maimiraa no te ite nohea mai teie oroa.
-
Te faahanahana ra anei te reira i te mau taata, te mau faanahonahoraa aore ra te mau taipe nunaa rau? Te faahanahana ra tatou ia Iehova na mua roa e te tiaturi nei tatou e faatitiaifaro oia i te mau fifi o teie nei ao.
-
Te ofati ra anei teie mau peu tumu e te mau oroa i te mau ture aveia Bibilia? Mea titauhia ia tatou ia vai viivii ore noa.
5. A tauturu ia vetahi ia faatura i ta oe mau tiaturiraa
E ere i te mea ohie ia parau, eita, ia faahepo mai vetahi ia amui i te mau oroa ta Iehova e ore e au. A faataa i ta oe mau faaotiraa ma te faaoromai e te hamani maitai. No te ite i te hoê hiˈoraa, a pata i te VIDEO.
A taio i te Mataio 7:12, e a aparau i teie mau uiraa:
-
Ia au i teie irava, titauhia anei ia oe ia parau i te mau mero o to oe utuafare eita ta ratou e nehenehe e faatupu i te oroa?
-
E nafea oe e haapapu ai i to oe utuafare e noa ˈtu eita oe e faatupu i te oroa e o ratou, te here ra oe e e mea faufaa ratou no oe?
6. Te hinaaro ra Iehova ia oaoa tatou
Te hinaaro ra Iehova ia oaoa tatou e to tatou utuafare e to tatou mau hoa. A taio i te Koheleta 8:15, e a aparau i teie uiraa:
-
E nafea teie irava e faaite ai e te hinaaro ra Iehova ia oaoa tatou?
Te hinaaro ra Iehova ia oaoa e ia faaanaanatae to ˈna nunaa. A pata i te VIDEO no te ite e nafea te reira e ite-papu-hia ˈi i ta tatou mau tairururaa nunaa rau.
A taio i te Galatia 6:10, e a aparau i teie mau uiraa:
-
Titauhia anei ia tatou ia faatupu i te mau oroa a teie nei ao no te “hamani maitai” ia vetahi ê?
-
Eaha te taoˈa e faaoaoa ia oe: te taoˈa faahepohia aore ra te taoˈa mea horoa-noa-hia mai?
-
E faataa e rave rahi mau Ite no Iehova i te tahi taime taa ê e ta ratou mau tamarii no te faafaaea e no te horoa ˈtu i te mau taoˈa. Mai te peu e tamarii ta oe, eaha ta oe e nehenehe e rave no ratou?
TE MANAˈO O VETAHI: “E ere i te mea faufaa ia ite nohea mai te hoê oroa. Ia oaoa amui râ te utuafare e te mau hoa.”
-
Eaha ta oe e parau?
HAAPOTORAA
Te hinaaro ra Iehova ia oaoa tatou e to tatou utuafare e to tatou mau hoa. Te hinaaro atoa râ oia ia patoi tatou i te mau oroa ta ˈna e ore e au.
Haamanaˈoraa
-
Eaha te mau uiraa ta tatou e ui no te ite eita Iehova e au i te hoê oroa?
-
E nafea tatou e tauturu ai i to tatou utuafare e to tatou mau hoa ia taa i ta tatou mau faaotiraa no nia i te mau oroa?
-
E nafea tatou e ite ai e te hinaaro ra Iehova ia oaoa e ia faaanaanatae ia tatou?
HIˈOPOA
A hiˈo te tahi mau oroa taa ê ta te mau Kerisetiano e ore e faatupu.
“No te aha te mau Ite no Iehova e ore ai e faatupu i te tahi mau oroa?” (Tumu parau natirara)
A hiˈo na tumu e maha o te faaite ra no te aha tatou e tiaturi ai mea au ore na te Atua i te mau oroa mahana fanauraa.
A hiˈo nafea te mau tamarii tei here ia Iehova e nehenehe ai e faaoaoa ia ˈna i te tau oroa.
E mirioni Kerisetiano tei faaoti eiaha e faatupu i te Noela. Eaha to ratou manaˈo no nia i ta ratou faaotiraa?
“E oaoa aˈe ratou i teie nei” (Tumu parau o Te Pare Tiairaa)
a A hiˈo i te faataaraa hau 5 no te haapii eaha te rave i roto i te tupuraa o te tahi mau oroa.
E au atoa outou . . .
UIRAA A TE TAATA
Eaha te ravehia i te hoê haapiiraa Bibilia pûpûhia na te mau Ite no Iehova?
Maoti teie aparauraa Bibilia tamoni ore pûpûhia na te mau Ite no Iehova, nehenehe outou e faaohipa i ta outou iho Bibilia. A titau atoa mai i to outou utuafare aore ra hoa.
