Ziova a ŋwɛlii a gɛɛ ku kɛ-ɣeniɛ ŋaa-nɛ̃ɛ kula, ku kpiŋ ɣele kuu kɛtɛ kula a tãi taŋa. Kɛlɛ, I laai la ɣele kuu kɛtɛ kelee kulaa a nii laa? Kwa pɔri kuwɛli-kɛ-maai lɛi leŋ Ziova ma mɛnii ŋi su?

1. Le mɛni ɓe Ziova fa nyee see la ɣele kuu kɛtɛ kelee kulaa mui?

A pai kɛi a gulaa a ya a gɛɛ ɣele kuu kɛtɛ tamaa kɔɔ e pilaŋ lɛɛ ɣala-mɛni-ŋa dia, nyaŋ ve a Ŋala-kɔlɔi ŋɔsɛŋ-lɛɛi. Da pɔri kɛi a di pilaŋɔɔ sale-mɛni nyɔmɔɔ ma kpaa gili-ŋa-siai a gɛɛ nuu a saa, sɛŋ ta a kula gbonoi e kɛ-ɣeniɛ kɛ kwaa takpɛni ma. Kuu kɛtɛ taŋa pilaŋɔɔi lɛɛ mɛni-pɔlɔ-ŋa dia kpaa gili-ŋa-siai a gɛɛ a pa a lɔku nua pɔ. (Azaya 65:​11) Ziova e vɛli-ɓela lia-woo ɓo nyɛɛi: “Ka kakpiŋ kɛi koya dia. Kafe lɛɣɛ sɛŋ nyii kelee ma maa fe waa nii.”​—2 Kɔleŋtiɛŋ 6:​17. a

2. Ziova lii a kɛ leŋ nua da ɣele kuu kɛtɛ kula a gɛɛ di ɓaa-kɛ-maa tɛɛ nuu-kpune pɔ?

Ziova a ku lia-woo ɓo a gɛɛ kufe ‘kukili tɔɔ nuu-kpune ma.’ (Zɛlemaya 17:5 lono.) Ɣele kuu kɛtɛ taŋa kaa naa nyii da gula a gɛɛ di ɓaa-kɛ-maa tɛɛ lɔii-mɛi-ɓela kpaa soya-ŋa pɔ. Nua taŋa da dilɔii ŋɔflag kpaa dilɔii ŋuŋ maa ɓo folo maa ɣele kuu kula. (1 Zɔŋ 5:​21) Gɛ ni, ŋele kuu kɛtɛ-ŋai taŋa kaa gɔmɛti kpaa kpɔŋ-gie-ma takpɛni-ŋa mɛni ma. Ziova lii a kɛ leŋ kwa ɓaa-kɛ-maa tɛɛ nuu ta kpaa kpɔŋ-gie-ma ta pɔ yɛɛ nyii-ŋai disɛŋ-lɛɛi fa nii laai?

3. Tua-pere-ŋa kɛɛ leŋ ɓe a ɣele kuu kɛtɛ kulaa kɛ a nyɔmɔɔi?

Ŋala-kɔlɔi e mo a gɛɛ, ‘lɔɔ-ya kpeleɛ da lɔɔ-kpele kuu’ fa Ziova lii laa. (1 Pitɛ 4:3) Ɣele kuu kɛtɛ taŋa ma, nua da mɛni nyɔmɔɔ tamaa kɛ, dikɛ wulu-wulu kpɛ. A gɛɛ kukɛ a Ziova naoi, maa nɛ̃ɛi ku kukɛi koya mɛni nyɔmɔɔ-ŋa kɛɛ ti ma.

 MƐNI TAMAA MAA-KƆRI

 5. Kpɔŋ maa tɛɛ nua pɔ a gɛɛ di ɓaa-kɛ-maa tɛɛ ipɔ ilaa-lai mɛni ma

6. Ziova a ŋwɛlii a gɛɛ kulii e kɛ a nɛ̃ɛ

Ziova a ŋwɛlii a gɛɛ ku lii-nɛ̃ɛ kula gie ma a kukaayɔɔi da kulaoi-ni. Ikilisiati 8:​15 lono, gɛ ni ka lono e pilaŋ mare-kɛɛ ŋi ma:

• Ŋala-kɔlɔ-kpuai ŋi e nɛ leŋ a gɛɛ Ziova a ŋwɛlii kulii e kɛ a nɛ̃ɛ?

Ziova a ŋwɛlii ŋɔnuai di pele kɛ, di lii-nɛ̃ɛ kula gie ma. VILOI su kaa a gɛɛ I berei kaa nyiŋi aa tua kɛi la kukɔ̃ŋvensɔŋ kpaya-kpaya-ŋai dia nyii lɔii-ŋuŋ takpɛni su-ɓela da pa mai.

Galesiɛŋ 6:​10 lono, gɛ ni ka lono e pilaŋ mare-kɛɛ-ŋai ŋi dia:

• Ɣele kuu kɛtɛ kula tãi nɔ ɓe maa nɛ̃ɛi ku “mɛni lɛlɛɛ kɛ” la nua diɛ?

• Ɓɛlɛ-see kɛ pere kɛɛ leŋ ɓe a ilii nɛ̃ɛi​—nyii gaa ya a kpa a gɛɛ I gɛ a ɣele kuu kɛtɛ kpaa nyii ya gula ilii su a gɛɛ I gɛi?

• Ziova Ŋɔsere-faa Kɛ-ɓelai damaa ɣele da pele-ŋa too dinĩa-pɛlɛɛi mɛni ma a tãi taŋa, di kpiŋ ɓɛlɛ-see-sɛŋ tɛɛ dipɔ di tɛi pere. A kɛ nĩa-pɛlɛɛ kaa iyeei, le mɛni lɛlɛɛ-ŋa ɓe ya pɔri gɛi dimɛni ma?

 MƐNI-ŊUŊ-ŊAI YAA MAA-KƆRII

Ziova a ŋwɛlii a gɛɛ ku lii-nɛ̃ɛ kula gie ma a kukaayɔɔi da kulaoi-ni. Kɛlɛ, ve ŋwɛlii a gɛɛ ku kuyee pu ɣele kuu kɛtɛ kula mɛni su nyii va nii laai.

Gili-too-ŋa mare-kɛɛ-ŋai

• Mare-kɛɛ-ŋa kɛɛ leŋ ɓe a pɔri kpɔnii kua ku gaa a kɛ ɣele kuu kɛtɛ ta kulaa fa Ziova lii laa?

• Kwa pɔri kpɔŋ maa tɛɛi leŋ kukaayɔɔi da kulaoi-ni pɔ a gɛɛ di kukili-ŋa-siai kɔlɔŋ e pilaŋ ɣele kuu kɛtɛ kulaa ma?

• I gɔlɔŋ leŋ a gɛɛ Ziova a ŋwɛlii a gɛɛ ku lii-nɛ̃ɛ kula?