DILONGI 44
Zifeti zioso zieta yangidika Nzambi?
Yehova tidi tuyangalala mu luzingu ayi tidi phe tutulanga zifeti. Vayi zifeti zioso zieta kunyangidika? Bue tulenda monisina luzolo lueto kuidi Yehova mu diambu ditedi zifeti?
1. Bila mbi zifeti ziwombo ka ziyangidikilanga ko Yehova?
Wela yituka kuwombo thangu wela mona ti kuidi ayi zifeti ziwombo zio zisi ko nguizani ayi Bibila voti zio zitonina kuidi bapakanu. Zinkaka nguizani zidi ayi ziphevi zimbimbi voti zimvana diyindu ti muela wufuanga ko, zifeti zinkaka zibedi mu lukuikulu lu luvunu (superstition) ayi mu luwiluku lu zisansi. (Yesaya 65:11) Tuvisidi bila mbi Yehova kavanini ndubu yayi kuidi bisadi biandi ti: “Vambaneno yawu [. . .] lubika simba biobi bisumuka.”—2 Kolinto 6:17. *
2. Bue Yehova keta muena zifeti zio zieta zitisa kuwombo batu?
Yehova wutulubudi ti kidi vonza kinneni “mu tudila mutu ntima.” (Tanga Yelemia 17:5.) Zifeti zinkaka zieta zitisa bamfumu zi politiki voti basoda. Batu bankaka beta tula feti mu diambu di zitisa zidrapo ayi mu diambu di diphanda di tsi. (1 Yowani 5:21) Bankaka beta tula zifeti mu diambu di bambukila moyo mambu mo bavanga, mu diambu di nuanina tsi voti mambu ma politiki. Bue Yehova maka muena enati tulembo vani luzitu luviokakana kuidi mutu mosi voti khubukulu mosi, nduka nduka enati khubukulu beni yintomba nuanisa lukanu lu Nzambi?
3. Mambu mbi malenda tula ti feti mosi yiba yimbimbi?
Bibila kikandikidi ‘kolo malavu, zifeti zio zieta viokisa viangu ayi batu bo beta kolo malavu.’ (1 Piela 4:3) Zifeti zinkaka zieta kindisa ba phulu yidia, yinua ayi kitsuza. Mosi wuba nkundi Yehova, wufueti tatukila zifeti zi phila yoyi ayi mambu ma phila yoyi.
TUVISA MBOTI MBOTI
Tutala bue tulenda yangidikila Yehova mu baka zinzengolo zimboti mu mambu matadidi zifeti.
4. Manga zifeti zioso zio zinkambu yangidikanga Yehova
Tanga Efeso 5:10 ayi vana mimvutu mu biuvu biabi:
-
Tuamina wubaka nzengolo yi kuenda kufeti mosi voti kadi kuenda, mambu mbi wufueni teka tadila?
-
Ko weta vuanda, batu zifeti mbi beta luta tula?
-
Mu ngeyo, zifeti beni zieta yangidika Yehova?
Mu kifuani, meteka kiyuvula keni bue Nzambi keta muena zifeti zimbutukulu? Mu Bibila wedi mona ko kadi disolo dimosi dio dintubila sadi ki Yehova kimosi kio kitula feti yi mbutukulu. Vayi, kieta tubila masolo ma batu buadi bo basi ba ko bisadi bi Yehova bo batula zifeti ziawu zimbutukulu. Tanga 1 Mose 40:20-22 ayi Matayi 14:6-10 ayi vana mimvutu mu biuvu biabi:
-
Batu buadi bo batula zifeti ziawu zimbutukulu bobo Bibila kitubidi, zifeti ziawu nguizani mbi zidi?
-
Mu ngeyo, masolo beni momo, mbi makutulonga mu tadila phila yoyi Yehva keta tadila zifeti zimbutukukulu?
Vayi mananga wume teka kiyuvula keni kuidi Yehova yidi mbimbi kuenda kufeti yi mbutukulu, voti kufeti yoyi Bibila kayisi kikinina ko? Tanga 2 Mose 32:1-8. Ayi tala VIDEO ayi vana mimvutu mu biuvu biabi bilandikini.
-
Bila mbi yididi mfunu mu fionguninanga keni feti mosi yeta yangidika Yehova?
-
Bue tulenda butudila?
Bue buzabila keni feti mosi yeta yangidika Yehova
-
A bue, yisimbulu mu mayindu mo makambulu nguizani ayi Bibila? Mosi wuzaba, fueti tomba zaba kue kutotukila feti beni.
-
Feti beni yeta vana luzitu luviokakana tezo kuidi batu, khubukulu mosi voti mu zidrapo zi zitsi? Tueta zitisa Yehova viokila bima bioso ayi kuidi niandi tueta tudila ntima mu diambu ditadidi sukisa mambu moso mambimbi madi va nza yayi.
-
Feti beni nguizani yidi ayi bifu biobi Bibila ki kikininanga ko? Tufueti tatamana ba na bumutu bukhati buvedila.
5. Sadisa batu bankaka bakinzika luwiluku luaku
Yilenda ba thangu zinkaka bakundi baku batidi kukuika mu kingolo wenda kufeti yoyi Yehova ka kayangalalanga ko. Mu diambu beni diodi, zaba bue wulenda bavutudila mu mvibudulu woso, mu diela mu thangu yoyi weka basudikisa nzengolo’aku. Bue wulenda butudila? Mosi wuzaba bue butudila, tala VIDEO.
Tanga Matayi 7:12 ayi vana mimvutu mu biuvu biabi:
-
Mu tadila tsikudukusu yayi, wulenda kamba wumosi mu bakhomba ziaku bo basi ko Bambangi zi Yehova babika kuenda kufeti mosi?
-
Bue wulenda vanina sikididi kuidi bakhomba ziaku ba dikanda ayi kubasadisa basudika ti weta kubazola kaka, buba ti wukadi bundana yawu kithuadi mu diambu di feti mosi?
6. Yehova katidi tuba mu mayangi
Yehova katidi tuviokisanga thangu yimboti ayi basi dikanda dieto voti ayi bakundi beto. Tanga Mpovi 8:15 ayi vana mvutu mu kiuvu kiaki:
-
Bue verse yayi yilembo monisina ti Yehova katidi tuba mu mayangi?
Yehova katidi bisadi biandi bivukusanga ayi biviokisanga thangu yimboti va kimosi. Tala VIDEO yo yilembo monisa bumboti mboti diambu beni mu thangu yi zikhutukunu zinneni zio zieta bundisa zitsi ziwombo.
Tanga Ngalatiya 6:10 ayi vana mimvutu mu biuvu biabi:
-
Fueti kaka kuenda mu zifeti zio zieta kuenda batu boso mu diambu di monisa batu bankaka khini?
-
Mbi bieta luta kuvana mayangi: kabila mutu kima bila feti buawu yi tididi, voti kabila mutu kima bila buawu buididi mayindu maku?
-
Bambangi bawombo ba Yehova, beta kubika mua zifeti mu diambu di yangidika bana bawu ayi beta kubavana thangu zinkaka mua zikado. Enati bana widi bue wulenda kuba yangidikila?
BATU BANKAKA BETA TUBA TI: “Buba feti beni kue yitonina voti bue yikadila, kilutidi mfunu, viokisa thangu ayi basi dikanda diaku voti ayi bakundi baku.”
-
Mbi wulenda vutula?
MU BUKHUFI
Yehova tidi tuviokisanga thangu yimboti ayi basi dikanda dieto voti ayi bakundi beto. Vayi katidi phe tumanga zifeti ziozi kazinyangidikanga ko.
Phutukulu
-
Biuvu mbi bilenda kutusadisa mosi tuzaba keni feti mosi yeta yangidika Yehova?
-
Bue tulenda sadisila bakhomba zieto ayi bakundi beto basudika zinzengolo zieto mu diambu ditadidi zifeti zinkaka?
-
Bue tuzabidi ti Yehova tidi ti tuba mu zikhini ayi tuvukusanga?
TALA MAMBU MANKAKA
Zifeti ziozi bakristu kaba tulanga ko.
“Mpo na nini Batatoli ya Yehova basalaka bafɛti mosusu te?” (Lisolo oyo ezali na Internet)
Bi bila biya bio bieta tula ti Yehova kabika yangalala zifeti zi mbutukulu.
“Mpo na nini Batatoli ya Yehova basalaka fɛti ya mbotama te?” (Lisolo oyo ezali na Internet)
Bue ntueni mosi kabela mu thangu bakundi bandi ba nzo nkanda ayi bayisi bandi babe kunsoka mu bila kioki kakatudilanga ko feti yi Nuela?
Zimilio zibakristu babaka nzengolo yi manga tula feti yi Nuela. Bue beta tadila nzengolo beni?
“Bazwi eloko moko ya malamu koleka” (Linɔ́ngi ya Mosɛnzɛli ya 01/12/2012)
^ Tala noti No. 5 yilembo tusudikisa bue buvangila mambu madi nguizani ayi zifeti.
