Yesu kpla nu mì mɔ ye dokplɔtɔwo deɖo anyi “xexe lɔtɔ o.” (Ʒan 15:19) Ecɛ dasɛ mɔ mìdanɔ akpa ɖekɛ ji o; yi gɔnmɛ nyi mɔ, mìdanɔnɔ akpa ɖe ji le politiki nyɔwo alo ahwawawawo mɛ o. Le nyɔnɔnwi mɛɔ, akpaɖekɛjimanɔmanɔ dele fafɛɖe gashiagamɛ o. Atɛnŋ ana amowo ako mì. Lé mìawɛ yí mìdanɔ akpa ɖe ji o, yí agbekpɔtɔ le gbeji nɔ Yehowa Mawuɔ?

1. Lé Kristotɔ adodwiwo kpɔnɔ agbetɔ cɛkpakpawo doɔ?

Kristotɔwo donɔ bubu acɛkpakpawo nu. Mìwanɔ shigbe lé Yesu nui nɛ yí “sɔ Seza nuwo [jonɔ] nɔ Seza.” Edasɛ mɔ, mìwanɔ do jukɔn lɔ mɛ sewo ji. Le kpɔwɛ mɛ, mìcunɔ taga shigbe lé ju mɛ se nui nɛ. (Maki 12:17) Bibla kpla nu mì mɔ agbetɔ cɛkpakpawo ɖukɔ fyɔ, ɖo Yehowa yí ɖe mɔ mɔ wo le ɖu fyɔ. (Rɔmatɔwo 13:1) Eyi taɖo mìnya mɔ, acɛ ci yí le agbetɔ cɛkpakpawo shi hwe wu Mawu tɔ xoxoxo. Mawu koɖo yi Fyɔɖuxu ci yí le jeŋkwi mɛ yí mìle te kpɔ mɔ woavakpɔ agbetɔviwo cukaɖawo gbɔ.

2. Lé mìawɛ adasɛ mɔ mìdele akpa ɖekɛ jiɔ?

Shigbe Yesu nɛɔ, mìdedonɔ nu politiki nyɔwo mɛ o. Ci amowo kpɔ enujiŋ ciwo Yesu wa yí ji mɔ yewoasɔ ɖo fyɔɔ, delɔn nɔ wo o. (Ʒan 6:15) Nyi yí taɖoɔ? Ðo évanu mɔ: “Anyi fyɔɖuɖu de le xexe cɛ mɛ o.” (Ʒan 18:36) Ci mìnyi Yesu nukplaviwoɔ, mìdanasɛ le enu sugbɔ mɛ mɔ, mìdele akpa ɖekɛ ji o. Le kpɔwɛ mɛ, mìdeyinɔ ahwa o. (Hlɛn Mishe 4:3.) Mìdonɔ bubu jukɔn lɔ jeshidunuwo nu. Ðeka yí nyi drapo; ele ahan gan, mìdejinɔ ha nɔ wo alo sɛnnɔ wo o. (1 Ʒan 5:21) Mìdexɔnɔ do politiki kpaxwe ɖekɛ ji o. Gbesɔ kpe niɔ, mìdetrɔnɔkpe politikiwatɔ ɖe alo danɔ akɔ nɔ ɖe o. Le nɔnɔmɛ cɛwo koɖo ebuwo mɛɔ, mìdanasɛ keŋkeŋ mɔ, Mawu cɛkpakpa ci yí nyi yi Fyɔɖuxu lɔ yí mìle gbeji nɔ.

 JI DWI NI KPƆ DOJI

3. Kristotɔ adodwiwo denɔnɔ akpa ɖe ji o

Yesu koɖo yi dokplɔtɔwo ɖo kpɔwɛ ɖɛ nɔ mì. Hlɛn Rɔmatɔwo 13:1, 5-7 koɖo 1 Piɛ 2:13, 14. Yi goduɔ, xo VIDEO lɔ keŋ agbeje nyɔbiɔse ciwo yí gbɔgbɔ mɛ.

• Nyi yí taɖo mìɖo abu agbetɔ cɛkpakpawoɔ?

• Nɔnɔmɛ ciwo mɛ mìdanasɛ le mɔ, mìbubɔnɔ mìwoɖekiwo nɔ woɔ?

Le ahwa hwenuwoɔ, jukɔn ɖewo tɛnŋ nu mɔ yewodele akpa ɖekɛ ji o, gan yí akpekɔdo jukɔn buwo nu le ahwa lɔ mɛ. Gɔnmɛsese ci yí le akpaɖekɛjimanɔmanɔ nu teŋ ɔ? Hlɛn Ʒan 17:16. Yi goduɔ, xo VIDEO lɔ keŋ agbeje nyɔbiɔse ci yí gbɔgbɔ mɛ.

• Lé woawɛ yí anyi wodele akpa ɖekɛ jiɔ?

Nɔ agbetɔ cɛkpakpawo mɔ eɔ le wa ŋɖe ci yí trɔkpe Mawu se ɖe? Hlɛn Edɔwawawo 5:28, 29. Yi goduɔ, xo VIDEO lɔ keŋ agbeje nyɔbiɔse ciwo yí gbɔgbɔ mɛ.

• Nɔ agbetɔwo se ɖe trɔkpe Mawu sewo ɖe, mi se ji mìɖo awa doɔ?

• Nɔnɔmɛ ciwo mɛ èkpɔ mɔ Kristotɔwo dase tonu nɔ agbetɔ cɛkpakpawo leɔ?

 4. Ŋgbenɔ akpa ɖekɛ ji le susu koɖo nuwana mɛ o

Hlɛn 1 Ʒan 5:21. Yi goduɔ, xo VIDEO lɔ keŋ agbeje nyɔbiɔse ciwo yí gbɔgbɔ mɛ.

• Le video lɔ mɛɔ, Ayenge sɔ gbeta mɔ yedaɖu politiki zan koɖo amowo alo awa eju lɔnlɔn kɔnu ɖe o; le kpɔwɛ mɛ, égbe mɔ yedaji ha nɔ drapo o. Nyi yí taɖo ewɛ ahan ɔ?

• Ci èkpɔɛ ɖe, gbeta nywi esɔa?

Nɔnɔmɛ bu ciwo yí atɛnŋ ado akpaɖekɛjimanɔmanɔ mìwotɔ kpɔɔ? Xo VIDEO lɔ, keŋ agbeje nyɔbiɔse ciwo yí gbɔgbɔ mɛ.

• Lé mìawɛ yí mìdanɔ akpa ɖekɛ ji hwenu kanmɛtetɔ ciwo yí so jukɔn vovovo mɛ nɔ xexe lɔ wakɔ ehwlɛn ɔ?

• Lé mìawɛ yí mìdanɔ akpa ɖekɛ ji nɔ gbeta ciwo politikiwatɔwo sɔ kan mì tiin ɔ?

• Lé nyɔjɔjɔwo sese koɖo mɛ ciwo mìdonɔ ha koɖo atɛnŋ ana agbɔnnu nɔ mì mɔ mìdanɔ akpa ɖekɛ jiɔ?

 ENU CI ÈKPLA

Kristotɔwo jenɔ agbla mɔ yewodanɔ politiki kpaxwe ɖekɛ ji le yewo susu, nuxuxoxo koɖo nuwana mɛ o.

Enumɛtoto

• Nyiwo mìɖo awa nɔ agbetɔ cɛkpakpawoɔ?

• Nyi yí taɖo mìdenɔnɔ politiki kpaxwe ɖekɛ jiɔ?

• Nɔnɔmɛ ciwo yí atɛnŋ ado akpaɖekɛjimanɔmanɔ mìwotɔ kpɔɔ?