DUNGU 45
¿Chumngechi incaabüiñ Chau Ngünechen tañi Ngünenel müten?
Jesús eipibi tañi pu inanequetu: “Mapu mülechi pu che reque bemngelaimün” (Juan 15:19). Beimu hueichaquelaingün ca concülequelaingün politica dungu mu. Yeneal bemngechi mongen cüdaungeabüi ca quiñeque mu ayetungeabüiñ. Beimu, ¿chumabüiñ taiñ nor piuqueyeabel Jehová ca connoal politica dungu mu?
1. Iñchiñ taiñ cristianongen, ¿chem raquiduamquiiñ pu gobierno mu?
Taiñ cristianongen mu yamnequebiiñ pu gobierno. Beimu Jesús eipi: “Elubimün tati Lonco Ülmen quidu tañi llohual”. Beimu inaquebiiñ billque ley tañi elcünoel pu gobierno, culliquiiñ impuesto (Marcos 12:17). Biblia quimelelqui com pu ngünenel müli Jehová tañi duam mu (Romanos 13:1). Beimu quimniiñ pu che tañi ngünenel doicülelai Chau Ngünechen mu. Maneluucüliiñ Chau Ngünechen tañi Ngünenel cümeltobi com hueyaque dungu Mapu mu.
2. ¿Chumabüiñ taiñ deyüyaunoal politica dungu mu?
Jesús reque iñchiñ deyüconquelaiñ politica dungu mu. Pu che pebilu quiñe amatun dungu bemlu Jesús, ayübüingün ñi lonco ülmencünoabel, huelu Jesús catrütueyu engün, ¿chemu? (Juan 6:15). Quidu eipi: “Iñche tañi Ngünenel deyülequelai mapu mu mülechi ngünenel mu” (Juan 18:36). Billque dungu bemquiiñ taiñ deyüyaunoal politica dungu mu, bemngechi inaquebiiñ Jesús, beimu conquelaiñ hueichan mu (papiltunge Miqueas 4:3). Cabei iñchiñ huenupüramquelabiiñ billque chemcün elcünolu pu gobierno tañi huenupüramngeal, tati bandera, huelu yamnequebiiñ müten (1 Juan 5:21). Ca bemngechi inaquelaiñ quiñe politico trahuluhun no ume ca incaquelabiiñ quiñe che no ume tañi loncoleal. Com bemngechiliiñ, pengelaiñ taiñ doyümnebel Chau Ngünechen tañi Ngünenel.
DOI CÜME QUIMNGE
Quiñeque dungu mu cüdautuabüiñ taiñ deyüconnoal politica dungu mu, beimu ¿chumabüiñ taiñ ayühulabel Jehová taiñ bemquen mu?
3. Pu rübngechi cristiano deyüconquelai politica cam hueichan mu
Jesús ca tañi pu inanequetu deyüconlaingün politica dungu mu. Papiltoiñ Romanos 13:1, 5-7 ca 1 Pedro 2:13, 14. Papiltungele hula quintulbe tati VIDEO. Quintulngele hula ngütramcaabiiñ tübachi epu ramtun:
-
¿Chemu yamnequebiiñ pu autoridad elcünongelu?
-
¿Chumabüiñ taiñ yamneabel pu autoridad?
Hueichamequelu epu pais, caquelu pais eipiabüingün: “Iñchiñ chumlaiñ ume beichi hueichan mu”, huelu billque dungu bemquingün tañi incaabel pu hueichaquelu, beimu ¿rübngepi mai tañi deyüconquenon engün? Papiltoiñ Juan 17:16. Papiltungele hula quintulbe tati VIDEO. Quintulngele hula ngütramcaabiiñ tübachi ramtun:
-
¿Chumquingün pu che rüb deyüconquenolu politica cam hueichan mu?
Quiñeque mu pu gobierno eipieliiñmu taiñ bemal quiñe dungu Chau Ngünechen tañi ayüquenol, ¿chumabüiñ? Papiltoiñ Hechos 5:28, 29. Papiltungele hula quintulbe tati VIDEO. Quintulngele hula ngütramcaabiiñ tübachi pu ramtun:
-
Pu gobierno tañi eipin huelulele Chau Ngünechen tañi eipin mu, ¿chuchi am inaabiiñ?
-
¿Chem dungu mu pu cristiano inalaabüi pu autoridad tañi eipin? ¿Chem raquiduamquimi?
4. Cuñiutucuabiiñ taiñ raquiduam ca taiñ bemquen
Papiltoiñ 1 Juan 5:21. Papiltungele hula quintulbe tati VIDEO. Quintulngele hula ngütramcaabiiñ tübachi pu ramtun:
-
Taiñ peñi, ¿chemu pilai tañi conal billque dungu mu nüucülelu politica dungu mu?
-
¿Cümepi mai tañi bemün? ¿Chem pimi cai?
¿Ca chem dungu mu cüdautuabüiñ taiñ deyüconnoal politica dungu mu? Quintulbe tati VIDEO. Quintulngele hula ngütramcaabiiñ tübachi cüla ramtun:
-
Pebiliiñ bütraque campeonato cam torneo cheu tañi aucatuquen billque pais, ¿chumngechi pengelabüiñ taiñ doyümnebel Chau Ngünechen tañi Ngünenel müten?
-
Pu politico tañi bemün cümelcaeliiñmu cam hueyalcaeliiñmu, ¿chumngechi pengelabüiñ taiñ deyüconquenon politica dungu mu?
-
Inaneliiñ billque noticia ngütramcalu politica mu cam trahuluuliiñ pu che ngütramcaquelu politica mu, ¿chumngechi hueyalcaabeiñmu?
QUIÑEQUE CHE EIPIELMU: “¿Chemu chaliquelabimi tati bandera ca ülcatuquelaimi tati himno nacional?”.
-
¿Chem piabüimi?
CHEM PEIÑ TÜBAMU
Iñchiñ pu cristiano taiñ eipin, raquiduam ca bemquen mu pengelquiiñ taiñ deyüconquenon politica dungu mu.
Chem quimeleleiñmu tüba
-
¿Chumtepoabüi taiñ yamnebel pu gobierno?
-
¿Chemu deyüconquelaiñ politica dungu mu?
-
¿Chem dungu mu cüdautuabüiñ taiñ doyümneabel Chau Ngünechen tañi Ngünenel müten?
DOI QUIMABÜIMI
¿Chem dungu elcünoabüiñ taiñ connoal politica dungu mu?
Pu familia, ¿chumngechi pepicahuabüi tañi doyümneabel Jehová chem dungu upale ume?
Cheu ume müleliiñ, incaabiiñ Chau Ngünechen tañi Ngünenel müten (4:25)
Bentren che eipiqui: “Incaabel tañi pais doi manelbali caquelu dungu mu”, huelu ¿rübngepi mai tüba?
Taiñ cüdau mu, ¿chumngechi pengelabüiñ taiñ inaquenobel pu che mülelu Mapu mu?
“Caque quiñeque che bempe quidu tañi dungu” (Ti Huerquen 15 marzo 2006)