Yésu a bi kal le banigil bé ba nlama bé ‘ba ba nkoñ ’isi.’ (Yôhanes 15:19) Hala a nkobla le di nlama bé yoñ ngaba i mam ma m’bô to i gwét. I pot maliga, hala a ta bé jam li ntomb i tjél yoñ ngaba i mam ma nkoñ ’isi. Hala a nla yak boñ le bôt ba kahal yahal bés, ba nolok bés hiol. Lelaa di nla éba le di nyoñ bé ngaba i mam ma nkoñ ’isi, i nlélém ngéda di téñbege ni Yéhôva?

1. Lelaa bañga bikristen i ntehe bangomin?

Mbôgi Yéhôva i nti bangomin lipém. Kiki Yésu a bi kal, ‘di ntimbhe Kaisa mam ma Kaisa,’ hala a nkobla le di nôgôl mambén ma ngomin, di nsaa ki tas. (Markô 12:17) Bibel i niiga le Yéhôva a bi ti baane kunde. (Rôma 13:1) Hala a ngwés kal le kunde i bangomin i gwé minwaa. Di mbôdôl Djob ñem, di mbot ki ñem le Ane yé ndik yon i ga mélés mandutu ma nkoñ ’isi.

2. Lelaa kristen i nla éba le i nyoñ bé ngaba i mam ma nkoñ ’isi?

Kiki Yésu, Mbôgi Yéhôva i nyoñ bé ngaba i mam ma nkoñ ’isi. Kel yada, i ngéda ba bi tehe manyaga Yésu a bi boñ, ba bi gwés téé nye kiñe, ndi Yésu a bi tjél. (Yôhanes 6:15) Inyuki? Kel ipe, a bi timbhe le: “Ane yem i ta bé i nkoñ ’isi unu.” (Yôhanes 18:36) I len ini, ikété ngandak manjel, banigil ba Yésu ba ñunda le ba nyoñ bé ngaba i mam ma nkoñ ’isi. Kiki ’héga, ba nyoñ bé ngaba i gwét. (Añ Mika 4:3.) Di ndiihe biyimbne bi loñ, ndi di mbégés bé gwo. (1 Yôhanes 5:21) Di nit bé to ngim nlôñ m’bô, di ngwés bé to ba ñéga i ngim nlôñ. I mam ma ni mape, ma ñéba le di nit ndik Ane Djob yotama.

 KÔNDE TÉM

3. Bañga bikristen i nyoñ bé ngaba i mam ma nkoñ ’isi

Yésu ni banigil bé ba bi yigle bés ndémbél ilam. Añ Rôma 13:1, 5-7 ni 1 Pétrô 2:13, 14. I mbus, tuk VIDÉÔ ni kwélél mambadga mana:

• Inyuki bañga bikristen i nlama ti bangomin lipém?

• Lelaa di nla éba le di nsuhus bésbomede isi bangomin?

I ngéda gwét, ngim biloñ i nkal le i nyoñ bé ngaba i mam ma nkoñ ’isi, ki le bi nit bipes biba bi yé mu gwét. I tjél yoñ ngaba i mam ma nkoñ ’isi, wee kii? Añ Yôhanes 17:16. I mbus, tuk VIDÉÔ ni kwélél mbadga ini:

• I tjél yoñ ngaba i mam ma nkoñ ’isi, wee kii?

Kii di nla boñ ibale bangomin ba mbat bés le di boñ ngim mam i i nkiha bé ni mbén i Djob? Añ Minson mi baôma 5:28, 29. I mbus, tuk VIDÉÔ ni kwélél mambadga mana:

• Ibale ngomin i mbat bés ngim jam i i nkiha bé ni mbén i Djob, njee di nlama nôgôl?

• Imbe ngéda kristen i nlama bé nôgôl mbén i ngomin?

 4. Mahoñol més ni maboñok més ma nlama éba le di nyoñ bé ngaba i mam ma nkoñ ’isi

Añ 1 Yôhanes 5:21. I mbus, tuk VIDÉÔ ni kwélél mambadga mana:

• Mu vidéô, inyuki Ayenge a bi tjél jôp i nlôñ m’bô, a tjél ki yéga libadô li loñ?

• Baa u nhoñol le a bi yoñ makidik malam?

Imbe ngéda i nla ki ba ndutu i tjél yoñ ngaba i mam ma nkoñ ’isi? Tuk VIDÉÔ, i mbus, ni kwélél mambadga mana:

• Lelaa di nla tjél yoñ ngaba i mam ma nkoñ ’isi i ngéda loñ yés i yé i pémsan ni loñ ipe?

• Lelaa di nla éba le di nyoñ bé ngaba i mam ma nkoñ ’isi to i ngéda bangomin ba nyoñ makidik ma ma nlémél bé bés?

• Kii manwin di nok, ni bôt bés ni bo di nkiha, ba nla tinde bés i boñ?

 I SEM KWEP

Bañga kristen i nlama bé yoñ ngaba i mam ma nkoñ ’isi i mahoñol, to ni maboñok.

Mambadga ma mbigda

• Lelaa di nlama tehe bangomin?

• Inyuki kristen i nlama bé nyoñ ngaba i mam ma m’bô?

• Imbe ngéda hala a nla ba ndutu i tjél yoñ ngaba i mam ma m’bô?