JIʼTE 45

Ne tchyete ko, ke de pak ne tse dzu le, thoute ge ke ?

YOU’ NE

Yéso le ghôm ge pekhu pye ‘te gô pe ne dzu peʼ. (Yohané 15:19) A thoute ge wap te kho, ke de pak le, ne nwe krekre ba ne shou pe. A te be goung tam awè be mou pfe ywe ne tchyete ko ne tse dzu, ke de pak ne le pe. A fing ne ghe ge pou té bya ne pe ke gwi wôkpe le. Pe fing ne tchwe pe te ko ne tse dzu, ke de pak ne le, neng tchwe pe dendeng bi Jéova m tchi ge ke ?

1. Mkritè nyenyô djô mnefo pômsoung m tchi ge ke ?

Mkwithè Jéova ha mkouʼ mgôpnaʼ. Paʼ Yéso le ghôm a, taʼ kritè gô “paʼ ywe ye a be ye kasa a bi kasa”—a thoute ge, é gô youʼgne ne mtchoʼ goung, paʼ ne pé mtaksi a. (Markousi 12:17) Bible jiʼte ge mnefo pômsoung bo saʼ dou daʼ m ge Jéova thak ge wap ghe ya. (Roma 13:1) Poʼo, pe tchente jye ge pawa yap be a ghe dze. Pe sè ne Si ba ne Nefo é kèbeng ne ne nyapte mnwe goung pômsoung awè demtchaʼ.

2. Pe fing ne laʼte ge pe te kho ke de pak le, ne tse dzu m tchi ge ke ?

Paʼ Yéso a, pe te kho ne nwe krekre pe. A le pe taʼ tyèʼ, tchwe ye pômneng le yô taʼ ne msya Yéso a, wap tcheng ne le é gre fo, daʼge é kengne. (Yohané 6:15) Nweke ? É le ti thoute ywe ye a le gre a gôm ge, “Nefo tse te be ne yeng dzu pe.” (Yohané 18:36) Tyôʼô, pekhu Yéso daʼte ge wap te kho ne tse dzu, ke de pak ne le pe, ne tchitchi mtchi. She mfoʼte : pe te de pak ne shou pe. (Ké Mishé 4:3.) Pe daʼte mkouʼ ne potse goung—paʼ dze goung a—daʼge pe te tchaʼte ya bô pe, nekele ne ghe ya bô be ne ghamte ya. (1 Yohané 5:21) Pe te neng de ye gheng, ke khengne taʼ mo le, ye é bo tcheng ge pou tchwôʼ é ne pe gè saʼ a. Pe le neng be de ye gheng ke khengne taʼ parti politik le. Tchye m ne mtchi ne ghe meng ba she, pe daʼte ge pe tchente be dendeng bi daʼ taʼ nefo—Nefo Si.

PING TCHENG NE GÔ DZE

Yô mtchwe mye a fing ne tuô bi pe ne tchyete ko, ke de pak ne tse dzu le, neng djô tchi paʼ o fing ne le mkhète mye a gô poung bi Jéova a.

3. Mkritè nyenyô te be ne dzu pe

Yéso pou a pekhu pye be wap lé ha foʼte bi pe. Ké Roma 13:1, 5-7 ba 1 Pètro 2:13, 14. Lou djô VIDÉO neng dou gômte ne mhente menge.

VIDÉO: La neutralité des vrais chrétiens (partie 1) (4:28)

Nweke pe gô ha mkouʼ mgôpnaʼ a ?
Pe fing ne laʼte ge pe djouʼgne bi pou m tchi ge ke ?

Ne mtam shou, she mgoung gôm ge wap te bo de pak ne ma bô pe, daʼge bo tchu pou ne mgheng mebue mye wap bo doʼ shou a. Ne tchyete ko ke de pak ne tse dzu le, thoute ge ke kwaʼ nyenyô ? Ké Yohané 17:16. Lou djô VIDÉO neng gômte ne hente yenge.

VIDÉO: La neutralité des vrais chrétiens (partie 2) (3:11)

Ne tchyete ko ke de pak ne tse dzu le, thoute ge ke ?

Gôpnaʼ ghôm ge o ghe taʼ ywe ye Si khengne a, be o gô ghe la ? Ké Mfaʼ 5:28, 29. Lou djô VIDÉO neng gômte ne mhente menge.

VIDÉO: La neutralité des vrais chrétiens (partie 3) (1:18)

A pe ge taʼ mtchoʼ gôpnaʼ bo gôm ge pou ghe taʼ ywe ye mtchoʼ Si khengne a, be pou gô youʼgne ne ya a ?
O fing ne naʼ gôm she mtchwe mye a te tcheng ge mkritè youʼgne bi gôpnaʼ ne a pe a ?

4. Ke le pak ne dzu tchum mkwègne mou ba mghetse mou

Ké 1 Yohané 5:21. Lou djô VIDÉO neng gômte ne mhente menge.

VIDÉO: Ywe ye a gre te a pe tcheng sôktum bi mkritè nyenyô—Ne ne takte le pak ne nwe khekhe a (2:49)

Tchum vidéo, nweke Ayenge le kengne ne tchyete pe ne nwe krekre, ke ba ne ghe potse goung paʼ ne tchaʼte dze goung a ?
O kwè ge é le le taʼ khète pepoung a ?

A fing ne ping tchuô ne tchyete le pak ke kho ne tse dzu le, ne ma mtchwe ? Yô VIDÉO, neng gômte ne mhente menge.

VIDÉO: Tirons des leçons de La Tour de Garde : Reste neutre dans un monde divisé (5:16)

Pe fing ne tchwe pe te le pak ne tse dzu, tchwe ye pou bo djô taʼ spôr ye she mgoung bo tham pou a she mgoung a m tchi ge ke ?
Pe fing ne tchwe pe te le pak ne tse dzu, ba m be ye mkhète gôpnaʼ bo gô kwite wôkpe ke gè a le, m tchi ge ke ?
Ne pe djouʼ mtchoung ne nwe krekre, ke ne pe pou a pô pye wap khoung ne ghôm nwe ne nwe krekre a le, fing ne ghe ge a tuô bi pe ne tchyete le pak ne tse dzu m tchi ge ke ?