Yesu akegesa ku abegi beye ‘batashemerire kuba ab’ensi.’ (Yohaana 15:19) Eco nikitwariramu okutwejwanga omu by’obutegeki n’omu ntaro. Konka mazima, okutejwanga tiko burijo kiri kuba corobi. Abantu nibabasa kutushecerera ahabw’okutejwanga. Ni bata oku turi kubasa kwerinda kwejwanga kandi tukaguma turi abesigwa ahari Yehova Ruhanga?

1. Abakristo ab’amazima nibareba bata obutegeki bw’abantu?

Abakristo nibaha ekitinisa obutegeki bw’abantu. Nitukora nk’oku Yesu yagambire ngu: ‘Ebya Kayisari mubihe Kayisari’; eco nitukikora turi korobera ebiragiro by’ihanga eri tutwiremu, harimu nk’okushashura emishoro eyi turi kushabwa. (Mako 12:17) Bibuli neyegesa ku obutegeki bw’abantu buri kutegeka ahabw’okuba Yehova ari kubwikiririza kutegeka. (Abarooma 13:1) Obwe rero, nitumanya ku obutegeki bw’abantu bwine obugarukiro. Nitwesiga ku Ruhanga hamwe n’Obukama bweye bw’omu iguru barije kwihaho ebizibu by’abantu.

2. Nitubasa kwereka tuta ku tutari kugwera orubaju?

Nk’oku Yesu yakikozire, tituri kwejwanga omu by’obutegeki. Obu abantu barebire kimwe omu by’okutangaza ebi Yesu yakozire, bakagezaho kumugira omugabe, konka yabaraguho yayegendera. (Yohaana 6:15) Ahabw’enki? Ni ahabw’okuba, bwanyima akagamba ngu: ‘Obugabe bwange ti obw’egi nsi.’ (Yohaana 18:36) Itwe abegi ba Yesu nitwereka ku tutari kugwera orubaju omu buryo bwingi. Ecokureberaho: Tituri kwekwatanisa omu ntaro. (Shoma omuri Miika 4:3.) Nituha ekitinisa ebirango by’ihanga, ecokureberaho nk’ibendera, konka tituri kubiramya. (1 Yohaana 5:21) Nambwenu tituri kwekwatanisa n’emitwe y’eby’obutegeki ninga shi abari kwenda kutoranwa ngu babe abategeki. Ebyo ku turi kubikora, nituba twayereka ku turi abesigwa aha Bukama bwa Ruhanga omu bwijwire.

 YEGA BYINGI

3. Abakristo tibari kugwera orubaju

Yesu n’abakurasi beye bakatuteraho ecokureberaho kirungi. Shoma omu Barooma 13:1, 5-7 n’omu 1 Petero 2:13, 14. Bwanyima, ozane VIDIYO rero muganire ahari ebi bibuzo.

• Ahabw’enki tushemerire kuha ekitinisa obutegeki bw’abantu?

• Ni mu buha buryo obu turi kwerekamu ku nitubuha ekitinisa?

Omu bwire bw’orutaro, amahanga gamwe nigagamba ku gatari kugwera orubaju, konka oshanga gari kushagika embaju zombi eziri kurwana. Mbwenu shi okutagwera orubaju nikimanyisa ki? Shoma omuri Yohaana 17:16. Bwanyima, ozane VIDIYO rero muganire ahari eki kibuzo.

• Okutagwera orubaju nikimanyisa ki?

Ni enki eki turi kubasa kukora abategeki batushaba kukora ebintu ebiri kutana n’ebiragiro bya Ruhanga? Shoma omu Byakozirwe 5:28, 29. Bwanyima, ozane VIDIYO rero muganire ahari ebi bibuzo.

• Abantu batushaba kukora ebintu ebiri kutana n’ebiragiro bya Ruhanga, ni oha owu tushemerire korobera?

• Mbehi notekateka ngu hine obwire obu Abakristo bari kuba batashemerire korobera abategeki?

 4. Yerinde kugwera orubaju omu bitekateko n’omu bikorwa

Shoma omuri 1 Yohaana 5:21. Bwanyima, ozane VIDIYO rero muganire ahari ebi bibuzo.

• Nk’oku wakireba omuri vidiyo, ahabw’enki Ayenge yashaziremu kwanga kwekwatanisa n’omutwe gw’eby’obutegeki ninga shi kuramya ebirango by’ihanga, ecokureberaho nk’ibendera?

• Mbehi notekateka ngu ensharamu eyi yakozire ehikire?

Ni ziha mbera ezindi eziri kubasa kutuma twagwera orubaju? Zana VIDIYO, rero muganire ahari ebi bibuzo.

• Ni bata oku turi kubasa kuguma kutagwera orubaju omu by’emizano?

• Ni bata oku turi kubasa kuguma kutagwera orubaju ensharamu zitu zaba ziri kutana n’ez’abategeki?

• Ni bata oku amakuru agu turi kuhurira n’abanywani bitu biri kubasa kutuma twagwera orubaju?

 EMPINYE

Abakristo nibakora eki bari kubasa cona kugira ngu berinde kugwera orubaju omu bitekateko, omu bigambo, n’omu bikorwa.

Wayega ki?

• Ahabw’enki tushemerire kuha ekitinisa obutegeki bw’abantu?

• Ahabw’enki tushemerire kuguma kutagwera orubaju omu by’obutegeki?

• Ni biha bintu ebiri kubasa kutuma twagwera orubaju?