Yesesi be leli den bakaman fi en taki den á mu ‘mumui anga a goontapu ya’ (Yohanisi 15:19). Dati wani taki den nai teke se aini politiki anga den feti di e feti na a goontapu ya. Ma a sani ya á makiliki. Son sama e si u wan fasi fu di u nai teke se. Faw sa soi taki u nai gwe fika Yehofa te a abi fu du anga politiki anga den taa sani fu a goontapu ya?

1. Fa tuu Kelesten e si den tiiman fu a goontapu?

Wi enke Kelesten e lesipeki lanti. We du san Yesesi be taigi u, di a taki ‘u mu pai Gaankownu san a fu Gaankownu’ (Malikisi 12:17). A sani ya wani taki we holi a weiti fu a kondee. We pai lanti moni tu. Beibel e soi taki a Yehofa gi den libisama tiiman a okasi fu tii (Romesama 13:1). Den tiiman ya á poi losi ala den polobelema fu libisama. Na a Kownukondee fu Gadu wawan poi losi den polobelema fu u.

2. Fai sa soi taki i nai teke se aini a goontapu?

Wan leisi di wantu sama si wan fu den wonduu di Yesesi du, den be wani poti en enke kownu. Ma Yesesi á be wani (Yohanisi 6:15). Saide Yesesi á be wani den poti en enke kownu? Bakaten Yesesi be taki: ‘Mi Kownukondee a ná fu a goontapu ya’ (Yohanisi 18:36). A omen fasi wi enke bakaman fu Yesesi e soi taki u nai teke se. Wan fu den fasi fa we du a sani ya, a di u nai holibaka gi den feti di e feti na a goontapu ya. (Leisi Mika 4:3.) We lesipeki a faaka fu a kondee, ma toku u nai gi en gaandi, bika a sani de be o soi taki we dini en (1 Yohanisi 5:21). U nai holibaka gi wan politiki palitei. U nai sitemu tu. A so we soi taki na a Kownukondee fu Gadu we holibaka gi.

 LUKU A TOLI YA MOO FINI

3. Tuu Kelesten nai teke se

Yesesi anga den bakaman fi en á be e teke se aini a goontapu. Leisi Romesama 13:1, 5-7 anga 1 Peitilisi 2:13, 14. Baka dati pee a FELON, da i luku efii poi piki den akisi ya.

• Saide u mu lesipeki lanti?

• San a wantu fasi faw sa soi taki we saka useefi a lanti ondoo?

Son yuu te tu kondee e feti, da taa kondee e taki den nai mumui anga a feti, ma toku den e yeepi ala den tu kondee fu fende san den abi fanowdu fu feti. On ten u sa taki wan sama nai teke se? Leisi Yohanisi 17:16. Baka dati pee a FELON, da i luku efii poi piki a akisi ya.

• On ten u sa taki wan sama nai teke se?

San u mu du te lanti wani u du wan sani di nai kai anga den weiti fu Gadu? Leisi Toli fu den apostel 5:28, 29. Baka dati, pee a FELON, da i luku efii poi piki den akisi ya.

• Efu lanti taki u mu du wan sani, ma Gadu taki wa mu du en, sama u mu aliki?

• Kai wantu okasi pe wan Kelesten á mu aliki lanti?

 4. Soi taki i nai teke se anga den sani di ye denki anga den san di ye du

Leisi 1 Yohanisi 5:21. Baka dati pee a FELON, da i luku efii poi piki den akisi ya.

• Ayenge á be wani de aini wan politiki palitei. Aa be wani singi gi a faaka tu. Saide aa be wani du den sani ya?

• I si enke a wan koni sani a du?

San a wantu taa okasi pe a sa taanga fu soi taki i nai teke se? Pee a FELON, da i luku efii poi piki den akisi ya.

• Faw sa soi taki u nai teke se aini sport te tu kondee e pee anga denseefi?

• Faw sa soi taki u nai teke se te politikiman e du sani di sa tyai wini gi u?

• Fa den mati fu wi anga den nyunsu di we aliki sa meke u bigin teke se?

 SAI LELI?

Kelesten e du ala san den poi fu den á holibaka gi politiki palitei aini den ati, aini den sani di den e taki anga den sani di den e du.

Sai be o piki?

• Saide u mu saka useefi a lanti ondoo?

• Saide u nai teke se aini den politiki fu a goontapu ya?

• San a wantu okasi di sa meke a taanga gi u fu soi taki u nai teke se?