Yésus a nga dzo ai beyègè boé na ‘ba wogé ki ai siʼ (Yohannes 15:19). Nala wa tilen na ba nòng ki ngab a mam me politik nge a bita. A ne été na, a seki ébugubu ya baala étié sesala. Étié té é ne bò na be ve bi bidzo ai a kpele bia. Nde hm, akia afé bi ne baala étié sesala dzaan, bi bò fe Yéhova mewog?

1. Akia afé mimfang bekristen mia yen bidzoé ya si?

Beboala be Yéhova ba semé bidzoé ya minnam be toa. Ane Yésus a nga dzo, kristen ése ya yeane “dugen Kaiser biem bi Kaiser”, nala a tilen na a baala memvéndé ya nnam ai a yaane betoya (Markus 12:17). Bibel a lere na bidzoé bi si bi tele amu Yéhova a dzogè biè (Romani 13:1). Édzoé dzaba é mbele minnyié. Bia firi ve Zamba étam ai Édzoé dzié amu nnye étam a yi mana mindzug mibot mise.

2. Akia afé kristen ya lere na a baala étié sesala dzié?

Beboala be Yéhova ba nòng ki ngab a mam me politik mbol ba tong mvulna Yésus. Amos zing, mbol bot be nga yen mesimba Yésus a nga bò, nde be nga yi na ba telé nyè nkukuma, dzam da a nga ben (Yohannes 6:15). Asu dzé? Mmos mfe a nga dzo na “Édzoé dzama é seki dzi ya si mu” (Yohannes 18:36). É melu ma, nyègè Yésus a ne dzam lere étié sesala dzié mekia mekia. A nòng ki ngab a bita (Langʼa Mikéa 4:3). A nòng mendem ya nnam ai dzin ane nlinga (drapeau), veda a ve ki biè olugu a yeane ai Zamba (1 Yohannes 5:21). A lugu ki mot ngeki andzogoro politik zing. Ai mezen meté ai mefe fe, a lere na a sug ve nyène Édzoé Zamba.

 TUENE FAG

3. Mimfang bekristen mia baala étié sesala

Yésus ai beyègè boé be nga lig bia é mvulna bia yeane tong. Langʼa Romani 13:1, 5-7 ai 1 Pétrus 2:13, 14. Amvus ya été, bebege VIDÉO ai yalen minsili mi tsaa mi:

• Asu dzé bia yeane semé bidzoé ya si?

• Ai mezen mefé bi ne lere na bia bò bidzoé bité mewog?

Abog bita, minnam mizing mia dzo na mi tele étié sesala, ve mfaa mbòk mia sug mengam mebè ma lumen. Nde hm, dzé ya tilen na a tebe étié sesala a mfang mfang? Langʼa Yohannes 17:16. Amvus ya été, bebege VIDÉO ai yalen a nsili hi:

• Dzé ya tilen na a tebe étié sesala?

Nge bidzoé ya si bia dzo hm na o bò é dzom ya selen ai memvéndé me Zamba, wò yi bò ya? Langʼa Mimbòen mi apostel 5:28, 29. Amvus ya été, bebege VIDÉO ai yalen minsili mi tsaa mi:

• Nge mvéndé zing ya édzoé ya si mu ya lumen ai mvéndé Zamba, fé wò yeane tong?

• Asu mam mefé kristen é ne dzam bò te tong memvéndé bidzoé ya si?

 4. Baala étié sesala dzoé a mintsogen ai a mimbòen mié

Langʼa 1 Yohannes 5:21. Amvus ya été, bebege VIDÉO ai yalen minsili mi tsaa mi:

• Asu dzé Ayenge a nga ben nyii ékoen politik ngeki a nòng ngab a mebok ma ngoné mam me politik ya nnam?

• Ye wò tsog na a nga nòng mbembe ntsigen?

A mam mefé fe é ne bi bò ayié ya baala étié sesala dzaan? Bebege VIDÉO ai yalen minsili mi tsaa mi:

• Akia afé bi ne tebe étié sesala éyòng minnam mibè mia bò bivoé ane éyòng ba lè ndamba?

• Akia afé bi ne lere étié sesala éyòng bidzoé ya si bia nòng mintsigen mizing?

• Akia afé mefoé bia wog ngeki é mam bot ya ngòra dzaan ba dzo me ne namba étié sesala dzaan?

 OBALBAS

A mintsogen, a minkòbò ai a mimbòen kristen ése ya yeane baala étié sesala dzié é mam ma bebe politik.

Dzé bia baala

• Akia afé bia yeane nying ai bidzoé ya si?

• Asu dzé kristen ya yeane baala étié sesala dzié é mam ma bebe politik?

• Bitié bizing bifé bi ne bò ayié ya baala étié sesala dzaan?