ADZESUA 45
Ebɛnadze Na Yɛyɛ Dze Kyerɛ Dɛ Yenngyina Ɔfa Biara Ekyir?
Jesus kaa kyerɛɛ n’ekyirdzifo no dɛ mma wɔmmfa hɔnho mmbɔ wiadze no ho. (John 15:19) Dza dɛm asɛm yi kyerɛ nye dɛ ɔnnsɛ dɛ yegyina ɔfa biara ekyir wɔ amanyɛsɛm anaa akodzi mu. Naaso dza ɔwɔ mu nye dɛ, iyi ne yɛ nnda famu. Ɔtɔfabi a osiandɛ yenngyina ɔfa biara ekyir ntsi, ɔyɛ a nkorɔfo serew hɛn. Ntsi yebesi dɛn akɔ do edzi Jehovah Nyankopɔn nokwar na ber kor no ara yeenngyina ɔfa biara ekyir?
1. Nokwar Christianfo bu nyimpa n’aban dɛn?
Christianfo bu aban no paa. Jesus aka akyerɛ hɛn dɛ ‘yɛndan dza ɔyɛ Caesar dze mma Caesar.’ Osiandɛ yɛbɔ mbɔdzen dze dɛm asɛm no yɛ edwuma ntsi, yedzi aban ne mbra do na yetua hɛn tow. (Mark 12:17) Bible no ma yehu dɛ, ɔyɛ Jehovah na ɔama kwan ma nyimpa aban ridzi tum. (Romefo 13:1) Ntsi yɛtse ase dɛ, tum a nyimpa aban wɔ no, onndu Jehovah nedze ho beebiara. Christianfo dze, Nyankopɔn nye hɛn enyidado, na yenyim paa dɛ n’Ahendzi no nkotsee na obotum eyi adasamba haw nyina efi hɔ.
2. Yebesi dɛn akyerɛ dɛ yenngyina ɔfa biara ekyir?
Jesus ammfa noho annhyehyɛ amanyɛsɛm mu, na dɛmara na hɛn so yɛyɛ. Aber a Jesus wɔ asaase do no, ɔyɛɛ anwanwadze bi ma nkyɛ nkorɔfo a nna wɔwɔ hɔ no rekyer no esi no hen. Naaso Jesus ammpen do. (John 6:15) Ebɛnadze ntsi a? Ekyir yi, nankasa kyerɛɛ mu dɛ: “M’ahendzi mmfi wiadze yi mu.” (John 18:36) Hɛn a yedzi Jesus n’ekyir no so, yɛyɛ ndzɛmba ahorow bi dze kyerɛ dɛ yenngyina ɔfa biara ekyir. Dɛ mfatoho no, yɛnnkɔ ɔko. (Kenkan Micah 4:3.) Afei so, ɔwɔ mu dɛ yemmbu ɔman no n’ahyɛnsewdze tse dɛ frankaa enyimtsia dze, naaso yɛmmfa enyidzi soronko biara mma dɛm ahyɛnsewdze no. (1 John 5:21) Yɛnntaa amanyɛkuw biara ekyir, na sɛ obi so gyina dɛ wɔntow aba mma no ma ɔmbɛyɛ ɔmampanyin a, yɛrenntaa n’ekyir. Dɛmara so na yɛrennkasa nntsia dɛm kuw no anaa nyimpa no. Yɛyɛ dɛm ndzɛmba yi nye ndzɛmba afofor so dze kyerɛ dɛ, Nyankopɔn n’aban anaa n’Ahendzi no nkotsee na yɛtaa ekyir.
PƐNSAPƐNSA MU KƆ EKYIR
Ma yɛnhwɛ tsebea ahorow bi a obotum ama wɔaayɛ dzen ama hɛn dɛ yerinngyina ɔfa biara ekyir, nye kwan a ibotum afa do esisi gyinae a Jehovah n’enyi bɛgye ho.
3. Nokwar Christianfo nngyina ɔfa biara ekyir
Jesus nye n’ekyirdzifo no yɛɛ nhwɛdo kamakama bi maa hɛn. Ma yɛnkenkan Romefo 13:1, 5-7 na 1 Peter 2:13, 14. Afei, ma yɛnhwɛ VIDEO yi, na yensusu nsɛmbisa a odzidzi do no ho.
-
Ehwɛ a, ebɛnadze ntsi na ɔsɛ dɛ yebu aban etumfo?
-
Ebɛn ndzɛmba dɛm na sɛ yɛyɛ a ɔkyerɛ dɛ yɛbrɛ hɛnho adze hyɛ etumfo no ase?
Sɛ aman bi roko a, ɔyɛ a aman afofor bi tum ka dɛ wonngyina ɔfa biara ekyir. Naaso ebɔhwɛ mu paa no, nna wɔreyɛ ndzɛmba ahorow bi aboa aman a wɔroko no. Ntsi sɛ wɔka dɛ obi nngyina ɔfa biara ekyir a, ɔkyerɛ dɛn ankasa? Ma yɛnkenkan John 17:16. Afei, ma yɛnhwɛ VIDEO yi, na yensusu asɛmbisa a odzi do no ho.
-
Sɛ wɔka dɛ obi nngyina ɔfa biara ekyir a, ɔkyerɛ dɛn?
Sɛ aban mpanyimfo anaa etumfo no ka dɛ yɛ biribi a otsia Nyankopɔn ne mbra a, ebɛyɛ w’adze dɛn? Ma yɛnkenkan Asomafo Ndwuma 5:28, 29. Afei, ma yɛnhwɛ VIDEO yi, na yensusu nsɛmbisa a odzidzi do no ho.
-
Sɛ aban no hyehyɛ mbra bi, na sɛ dɛm mbra no tsia Nyankopɔn ne mbra a, woana na ɔsɛ dɛ yetsie no?
-
Ehwɛ a, ebɛn tsebea ahorow na sɛ Christiannyi bi hyia a, ɔnnsɛ dɛ otsie aban no?
4. Fa dza edwendwen ho nye wo ndzeyɛɛ kyerɛ dɛ inngyina ɔfa biara ekyir
Ma yɛnkenkan 1 John 5:21. Afei, ma yɛnhwɛ VIDEO yi, na yensusu nsɛmbisa a odzidzi do no ho.
-
Wɔ video no mu no, ebɛnadze ntsi na Ayenge sii gyinae dɛ ɔronndɔm amanyɛkuw biara anaa orinnkyia frankaa?
-
Ehwɛ a, osii gyinae pa?
Ebɛn tsebea afofor na obotum ama wɔaayɛ dzen ama hɛn dɛ yerinngyina ɔfa biara ekyir? Ma yɛnhwɛ VIDEO yi, na yensusu nsɛmbisa a odzidzi do no ho.
-
Sɛ akansi bi rokɔ do wɔ aman ahorow bi ntamu a, yebesi dɛn akyerɛ dɛ yenngyina ɔfa biara ekyir?
-
Sɛ aban mpanyimfo si gyinae bi, na sɛ ihu dɛ ɔbɔkɔ yie ama wo anaa gyinaesi no rommboa wo a, ibesi dɛn akyerɛ dɛ inngyina ɔfa biara ekyir?
-
Ebɛn kwan do na hɔn a yɛnye hɔn bɔ nye amandzɛɛbɔ a yetsie wɔ TV, radio anaa intanɛt do no botum ama wɔaayɛ dzen ama hɛn dɛ yerinngyina ɔfa biara ekyir?
Ebɛn tsebea ahorow mu na ɔsɛ dɛ Christiannyi hwɛ yie na ɔaammfa dza ɔdwendwen ho anaa ne ndzeyɛɛ annkyerɛ dɛ ogyina ɔfa bi ekyir?
BI A OBI BEBISA DƐ: “Ebɛnadze ntsi na innkyia frankaa anaa enntow ɔman ndwom?”
-
Sɛ obi bisa wo dɛm a, ibeyi no ano dɛn?
DZA ESUA
Christianfo bɔ mbɔdzen paa dɛ wɔdze dza wɔdwendwen ho, dza wɔyɛ, nye nsɛm a wɔka nyina bɛkyerɛ dɛ wɔmmfa hɔnho nnhyɛ amanyɛsɛm mu na wonngyina ɔfa biara so ekyir.
Mbobɔdo
-
Ebɛnadze na ɔsɛ dɛ yɛyɛ ma nyimpa aban?
-
Ebɛnadze ntsi na yenngyina ɔfa biara ekyir wɔ amanyɛsɛm mu?
-
Ebɛn tsebea ahorow na obotum ama wɔaayɛ dzen ama hɛn dɛ yerinngyina ɔfa biara ekyir?
HWEHWƐ PII KA HO
Hwɛ video yi, na ibohu ndzɛmba bi a ɔsɛ dɛ yɛdze bɔ afɔr mbrɛ ɔbɛyɛ a yerinngyina ɔfa biara ekyir.
Hwɛ video yi, na ibohu dza mbusua botum ayɛ dze esiesie hɔnho, na sɛ wohyia tsebea bi a obotum ama wɔaayɛ dzen dɛ worinngyina ɔfa biara ekyir a, woeehu dza wɔbɛyɛ.
Mma Nngyina Afa Biara Wɔ Bagua Mu Dwumadzi Ahorow Ase (4:25)
Nkorɔfo susu dɛ sɛ obi ko gye ne man a, ɔyɛ enyimnyamhyɛ a ɔsen biara wɔ n’asetsena mu. Naaso iyi nnyɛ nokwar. Ebɛnadze ntsi a?
Hwɛ adze a ibotum ayɛ dze akyerɛ dɛ emmfa woho mmbɔ wiadze no aber a irisi edwuma a ebɛyɛ ho gyinae no.
“Obiara Bɔsoa Nankasa N’adzesoa” (Ɔweɔn-Aban, March 15, 2006)
Bi A W'enyi Bɛgye Iyi So Ho
NSƐM A WƆTAA BISA
Ebɛnadze Nye Bible Adzesua A Jehovah Adasefo Nye Nkorɔfo Yɛ No?
Wɔ dɛm Bible adzesua a Jehovah Adasefo nye nkorɔfo yɛ yi mu no, ibotum dze Bible nkyerɛase biara a ewɔ no esũa adze. Ibotum afrɛ w’ebusuafo anaa w’anyɛnkofo binom mpo ma wɔaabɛka woho ma hom eesũa.
