LESONI 45
Na iBalebale ni Tawaveitovaki
E vakavulici ira na nona imuri o Jisu mera kua ni “vakavuravura.” (Joni 15:19) Qori nira tawaveitovaki, mera kua ni tovaka e dua na isoqosoqo vakapolitiki se vakaitavi ena ivalu. Ia e sega ni rawarawa meda tawaveitovaki nida dau vakalialiai. Eda na tawaveitovaki qai yalodina tiko ga vakacava vua na Kalou o Jiova?
1. Era raica vakacava na veiliutaki na lotu vaKarisito?
Era doka na veiliutaki na lotu vaKarisito. Eda muria na ka e tukuna o Jisu nida “solia vei Sisa na ka e nei Sisa,” eda cakava qori nida muria na lawa ni vanua me vaka na saumi ni ivakacavacava. (Marika 12:17) E tukuni ena iVolatabu ni vakatara tiko o Jiova na nodra veiliutaki na matanitu vakatamata. (Roma 13:1) Eda kila kina ni vakaiyalayala na veiliutaki se lewa vakatamata. Eda nuitaka na Kalou kei na nona Matanitu vakalomalagi me vakaotia na noda leqa na kawatamata.
2. Eda na vakaraitaka vakacava nida tawaveitovaki?
Me vakataki Jisu, eda na sega ni vakaitavi ena veika vakapolitiki. Nira raica na tamata na nona cakamana o Jisu, era via buli koya me tui ni vuravura qo, ia e qai dro. (Joni 6:15) Na vuna? E tukuna o koya ena dua na gauna e muri, “e sega ni vakavuravura na noqu Matanitu.” (Joni 18:36) Nida tisaipeli i Jisu, eda vakaraitaka noda tawaveitovaki ena levu na sala. Kena ivakaraitaki, eda sega ni vakaitavi ena ivalu. (Wilika Maika 4:3.) Eda doka na ivakatakilakila ni matanitu—me vaka na kuila—ia eda na sega ni sokaloutaka. (1 Joni 5:21) Eda na sega ni tovaka se saqata e dua na isoqosoqo vakapolitiki se na kena mata. Qori na sala eda vakaraitaka kina ni vakatabakidua noda yalodina vua na Matanitu ni Kalou.
VAKEKELI
Dikeva eso na ituvaki e rawa ni vakatovolei kina noda tawaveitovaki, kei na sala me vakamarautaki Jiova kina nomu vakatulewa.
3. Era tawaveitovaki na lotu vaKarisito dina
E ivakaraitaki vinaka vei keda o Jisu kei ira na nona imuri. Wilika Roma 13:1, 5-7 kei na 1 Pita 2:13, 14. Sarava na VIDIO qai veivosakitaka na taro tarava.
-
Na cava meda dokai ira kina na vakailesilesi vakamatanitu?
-
Na cava eso na sala eda na talairawarawa kina vei ira?
Ena gauna ni valu, eso na matanitu era kaya nira tawaveitovaki. Ia era tokona na ito ruarua. Na cava na ibalebale ni tawaveitovaki? Wilika Joni 17:16, sarava na VIDIO qai veivosakitaka na taro tarava.
-
Na cava na ibalebale ni tawaveitovaki?
Vakacava ke ra vakarota na vakailesilesi vakamatanitu meda cakava e dua na ka e veisaqasaqa kei na lawa ni Kalou? Wilika Cakacaka 5:28, 29. Sarava na VIDIO qai veivosakitaka na taro tarava.
-
Ke veisaqasaqa na lawa ni tamata kei na lawa ni Kalou, na lawa cava meda muria?
-
O rawa ni vakasamataka e dua na ituvaki eda na sega ni muria kina na ka era vakarota na vakailesilesi vakamatanitu?
4. Me tawaveitovaki nomu rai kei na nomu itovo
Wilika 1 Joni 5:21. Sarava na VIDIO qai veivosakitaka na taro tarava.
-
Ena vidio, na cava e sega ni vakaitavi kina ena veika vakapolitiki kei na vakarokorokotaki ni kuila o Ayenge?
-
O nanuma ni vakatulewa vakayalomatua?
Na ituvaki cava ena rawa ni vakatovolei kina noda tawaveitovaki? Sarava na VIDIO, qai veivosakitaka na taro tarava.
-
Eda na tawaveitovaki tiko ga vakacava ni caka na qito lelevu?
-
Eda na tawaveitovaki tiko ga vakacava ke ca se vinaka na ka era vakatulewataka na daunipolitiki?
-
Era na vakaleqa vakacava na noda tawaveitovaki na tabana ni itukutuku kei ira noda ilala?
Na ituvaki cava ena tawaveitovaki kina na lotu vaKarisito ena nona rai kei na ka e cakava?
KE TAROGA E DUA: “Na cava o sega ni vakarokorokotaka kina na kuila se lagata na sere ni matanitu?”
-
O na sauma vakacava?
KA O VULICA
Era saga vagumatua na lotu vaKarisito mera tawaveitovaki ena veika vakapolitiki ena nodra rai, na ka era tukuna kei na nodra itovo.
Railesuvi
-
Eda na doka vakacava na matanitu vakatamata?
-
Na cava meda tawaveitovaki tiko ga kina ena veika vakapolitiki?
-
Na ituvaki cava ena vakatovolei kina noda tawaveitovaki?
IKURI
Na cava eda na vakuai keda kina meda tawaveitovaki tiko ga?
Na cava mera cakava na vuvale mera vakarautaki ira ena veivakatovolei?
Na cava e sega ni ka dokai kina vua e dua me valataka nona matanitu?
Dikeva na sala mo kua kina ni vakavuravura ni o digia nomu cakacaka.
“Dui Colata ga na Nona iColacola na Tamata Yadua” (Na Vale ni Vakatawa, 15 Maji, 2006)
Rawa ni o Wilika Tale ga
TARO E TAROGI WASOMA
Era Veivakavulici Vakacava na iVakadinadina i Jiova ena iVolatabu?
E sega ni saumi nodra veivakavulici na iVakadinadina i Jiova ena iVolatabu. O rawa ni vakayagataka ga na ivakadewa ni iVolatabu o vinakata. Rawa tale ga ni o sureti ratou nomu vuvale, se itokani me ratou veitomani ena vuli.
