Na akoʼi e Sesu ki ana tisipulo ‘ke leʼaise lotou kau ki neʼa alā o le mālamanei.’ (Soane 15:19) Ko lona fakaʼuiga, e tonu ke lotou fakalauātea mai mei le politike ti mo tau. E tou matala, e leʼaise faigaofie tuʼumaʼu le fakalauātea mai mei koga anā. E mafai ke fatufatuʼi pe ke kataʼi ai tātou. E fefeʼaki ke leʼese tou kau ki neʼa alā o le mālamanei ti ke tou nofo agatonu kia Seova?

1. Koleā le manatu a le kau Kilisiteano māʼoki o uiga mo puleʼaga fakatagata la?

E fakaʼapaʼapa le kau Kilisiteano ki puleʼaga alā kua fakatuʼu. Na pati feneʼeki a Sesu: “Kotou liufaki kia Sesale le nea a Sesale,” ko lona fakaʼuiga e tonu ke tou fakalogo ki lao o le fenua o fai pe le totogi o atātou tukusau. (Maleko 12:17) E fakamatala mai i le Tosi-Tapu, e pule faʼi a puleʼaga talie e fakataga e Seova. (Loma 13:1) Ko lalātou pule e faka temi faʼi. E tou fānaki ki le Atua talie ko lona Puleʼaga faʼi leia i selo e mafai ke fakatokatokaʼia a faigataʼaʼia alā o le tagata la.

2. E fakasā fefeʼaki e se Kilisiteano e leʼese kau aia ki neʼa alā o le mālamanei?

E leʼaise faipolitike a le Kau Fakamāʼoki a Seova, e lotou mulimuli ki le faifaitaki a Sesu. I le tasi a aso i le ʼoki o le fai e Sesu se milakulo, na fia fakanofo e le kakai aia ke sau kae na fakafiti aia ki ai. (Soane 6:15) Koleā lona tupuʼaga? I le tasi lakaga na pati feneʼeki Sesu: “E leaise kau loku puleaga i le malama nei.” (Soane 18:36) I aso nei, e tou fakasā e leʼese tou kau ki anoʼaga kesekese alā e fai i le mālamanei sakinake la e leʼese tou kau ki tau. (Lau Mikea 4:3.) E tou fakaʼapaʼapa ki le manumanu kae leʼaise tou tulolo loa ki ai. (1 Soane 5:21) E leʼaise tou kau pe fakafesagai ki se tasi pe ko se koga fakapolitike. I anoʼaga anā, e tou fakasā ai e tou pipiki ātā ki le Puleʼaga o le Atua.

 MANATU LOLOTO

3. E leʼaise kau le kau Kilisiteano māʼoki ki neʼa alā o le mālamanei

Na tuku mai e Sesu mo ana tisipulo se faifaitaki ke tou mulimuli ki ai. Lau Loma 13:1, 5-7 mo 1 Petelo 2:13, 14 mo tioʼi le GĀ ʼATA, ti fai a vesili e soa atu ki ai.

• Koleā leia e maʼua ai ke tou fakaʼapaʼapa ki puleʼaga fakatagata la?

• E fefeʼaki latātou fakasā e tou fakalogo kia lātou?

Ka soko se tau, e pati a ʼiki fenua e leʼaise lotou kau ki neʼa alā o le mālamanei. Kae i lona fakaʼagatonu e lotou lagolago ki ai. Koleā le fakaʼuiga māʼoki o lakita leʼaise kau ki neʼa alā o le mālamanei? Lau Soane 17:16 mo tioʼi le GĀ ʼATA, ti fai le vesili e soa atu ki ai.

• Koleā le fakaʼuiga ke leʼaise kau ki neʼa alā o le mālamanei?

E fefeʼaki mo kāpau e kole mai e le puleʼaga, ke tou fai se neʼa e fakafesagai ki lao a le Atua? Lau Tosi Gaoi 5:28, 29 mo tioʼi le GĀ ʼATA, ti fai a vesili e soa atu ki ai.

• Kāpau e fakafesagai se lao o le puleʼaga ki se lao a le Atua, ko le lao fea loa leia e tonu ke tou fakalogo ki ai?

• Ko anoʼaga fea alā e leʼaise fakalogo loa se Kilisiteano ki puleʼaga fakatagata?

 4. E tonu ke sā i atātou manatu mo atātou a aga

Lau 1 Soane 5:21 mo tioʼi le GĀ ʼATA, ti fai a vesili e soa atu ki ai.

• Koleā na fakafiti ai a Ayenge ki le faipolitike pe ko le kau ki aso fakafenua o fai pe le fakaʼapaʼapa ki le manumanu?

• Ki lau manatu, na toʼo ko ia e ia se tonu e mālie?

Koā a ʼiki anoʼaga e faigataʼa ai latātou leʼese kau ki neʼa alā o le mālamanei? Tioʼi le GĀ ʼATA, ti fai a vesili e soa atu ki ai.

• E fefeʼaki latātou leʼese kau ki neʼa alā o le mālamanei mo kāpau e soko se faimānogi fakamālamanei?

• E fefeʼaki latātou leʼese kau ki neʼa alā o le mālamanei mo kāpau e fai e le puleʼaga se lao?

• Kāpau e leʼese tou kau ki neʼa alā o le mālamanei, koleā e mafai ke soko kia tātou mo kāpau e tou fakalogo ki neʼa alā e māsau ki ai i fakasāsā logo pe ko kakai alā e tou fakatasi mo ia?

 MANATU TĀFITO

E tonu ke sā i manatu a se Kilisiteano mo ana māsau ti mo lana aga e leʼaise kau aia ki visi fakapolitike alā o le mālamanei.

Fakamanatu

• E tonu ke fefeʼaki latātou a aga ki puleʼaga?

• Koleā e leʼese kau ai se Kilisiteano ki visi fakapolitike?

• Ko anoʼaga fea alā e faigataʼa ai latātou leʼese kau ki neʼa alā o le mālamanei?