NIKASEMƆ 45
Te Wɔɔfee Tɛŋŋ Wɔhã Ana Akɛ Wɔfiɔ Nyɔŋmɔ Nɔyeli Lɛ Pɛ Sɛɛ?
Yesu kɛɛ esaaa akɛ esɛɛnyiɛlɔi lɛ ‘fataa je lɛ he.’ (Yohane 15:19) Enɛ tsɔɔ akɛ wɔfiɔ Nyɔŋmɔ Maŋtsɛyeli lɛ pɛ sɛɛ, wɔkɛ wɔhe wooo je lɛŋ saji amli, ni wɔfiii mɔ ko sɛɛ yɛ saji nɛɛ amli. Akɛ nɔkwɛmɔnɔ lɛ, wɔkɛ wɔhe wooo pɔlitis mli, ni kɛ́ aawu ta lɛ, wɔkɛ wɔhe wooo mli ni wɔfiii kuu ko sɛɛ hu. Yɛ anɔkwale mli lɛ, enɛ feemɔ bɛ mlɛo. Mɛi baanyɛ aye wɔhe fɛo yɛ no hewɔ. Te wɔɔfee tɛŋŋ wɔhã ana akɛ wɔfiɔ Nyɔŋmɔ Maŋtsɛyeli lɛ pɛ sɛɛ, ni wɔyeɔ Yehowa anɔkwa?
1. Te anɔkwa Kristofoi naa adesai anɔyelii amɛhãa tɛŋŋ?
Kristofoi buɔ adesai anɔyelii lɛ. Wɔboɔ Yesu toi ni ‘wɔkɛ Kaisare nibii hãa Kaisare,’ ni tsɔɔ akɛ, wɔyeɔ maŋ lɛ mlai anɔ. Eko ji akɛ, wɔwoɔ toi ni abiɔ ni wɔwo lɛ. (Marko 12:17) Biblia lɛ tsɔɔ akɛ, adesai anɔyelii ni yeɔ nɔ lɛ, Yehowa ji mɔ ni eŋmɛ amɛ gbɛ ni amɛyeɔ nɔ lɛ. (Romabii 13:1) Enɛ hewɔ lɛ, wɔle akɛ hegbɛ ni adesai anɔyelii yɔɔ lɛ yawaa he ko. Wɔheɔ wɔyeɔ akɛ, wɔ-Nyɔŋmɔ lɛ kɛ eŋwɛi Maŋtsɛyeli lɛ pɛ ni baanyɛ atsu adesai anaagbai lɛ ahe nii.
2. Te wɔɔfee tɛŋŋ wɔhã ana akɛ wɔfiɔ Nyɔŋmɔ Nɔyeli lɛ pɛ sɛɛ?
Wɔkɛ wɔhe wooo pɔlitis mli tamɔ Yesu fee lɛ nɔŋŋ. Be ni mɛi komɛi na naakpɛɛ nii ko ni Yesu fee, ni amɛka akɛ amɛbaawó lɛ maŋtsɛ yɛ shikpɔŋ lɛ nɔ lɛ, ekpɛlɛɛɛ amɛ. (Yohane 6:15) Mɛni hewɔ? Ejaakɛ sɛɛ mli lɛ ewie akɛ, “mi-Maŋtsɛyeli lɛ jɛɛɛ je nɛɛ mli.” (Yohane 18:36) Wɔ, ni ji Yesu sɛɛnyiɛlɔi lɛ, wɔhãa anaa yɛ gbɛi srɔtoi anɔ akɛ, wɔfiɔ Nyɔŋmɔ Nɔyeli lɛ pɛ sɛɛ. Akɛ nɔkwɛmɔnɔ lɛ, wɔyaaa ta. (Kanemɔ Mika 4:3.) Wɔjieɔ bulɛ kpo wɔtsɔɔ maŋ okadii—tamɔ aflaŋaa nɛkɛ—shi wɔkɛ woo ni wɔkɛhãa Nyɔŋmɔ lɛ hãaa okadii nɛɛ. (1 Yohane 5:21) Wɔfiii paati ko loo mɔ ko ni miibi ni afɔ̃ oshiki ahã lɛ lɛ sɛɛ, ni wɔwieee wɔshiii amɛ hu. Wɔtsɔɔ gbɛi nɛɛ kɛ ekrokomɛi anɔ wɔhãa anaa akɛ, wɔfiɔ Nyɔŋmɔ Nɔyeli lɛ, ni ji e-Maŋtsɛyeli lɛ, pɛ sɛɛ.
KASEMƆ PII OFATA HE
Obaana shihilɛi amli ni kɛ́ okwɛɛɛ ni ahi lɛ, okɛ ohe baawo je lɛŋ saji amli, kɛ bɔ ni obaafee okpɛ yiŋ ni baasa Yehowa hiɛ.
3. Anɔkwa Kristofoi kɛ amɛhe wooo je nɛŋ saji amli
Yesu kɛ esɛɛnyiɛlɔi lɛ fee nɔkwɛmɔnɔ kpakpa amɛfɔ̃ shi amɛhã wɔ. Nyɛkanea Romabii 13:1, 5-7 kɛ 1 Petro 2:13, 14 lɛ. No sɛɛ lɛ, jiemɔ VIDIO lɛ ni nyɛsusua sanebimɔi ni nyiɛ sɛɛ nɛɛ ahe.
-
Mɛni hewɔ esa akɛ wɔkɛ woo ahã adesai anɔyelii lɛ?
-
Mɛɛ nibii komɛi kɛ́ wɔfee lɛ etsɔɔ akɛ wɔmiiba wɔhe shi wɔmiiwo amɛshishi?
Kɛ́ aawu ta lɛ, ekolɛ maji komɛi baakɛɛ akɛ amɛwuŋ eko, shi amɛwaa mɛi ni wuɔ ta lɛ. Kɛ́ eba lɛ nakai lɛ, mɛni esa akɛ anɔkwa Kristofoi afee? Nyɛkanea Yohane 17:16 lɛ. No sɛɛ lɛ, jiemɔ VIDIO lɛ ni nyɛsusua sanebimɔ ni nyiɛ sɛɛ nɛɛ he.
-
Te wɔɔfee tɛŋŋ wɔhã ana akɛ wɔkɛ wɔhe wooo maŋ saji amli?
Kɛ́ amralofoi lɛ kɛɛ ofee nɔ ko ni teɔ shi ewoɔ Nyɔŋmɔ mla lɛ hu? Nyɛkanea Bɔfoi 5:28, 29 lɛ. No sɛɛ lɛ, jiemɔ VIDIO lɛ ni nyɛsusua sanebimɔi ni nyiɛ sɛɛ nɛɛ ahe.
-
Kɛ́ amralofoi lɛ kɛɛ wɔfee nɔ ko, shi eteɔ shi ewoɔ Nyɔŋmɔ mla lɛ, namɔ toi esa akɛ wɔbo?
-
Ani ole shihilɛi komɛi amli ni Kristofoi boŋ amralofoi lɛ toi?
4. Yɛ wɔnifeemɔ kɛ wɔjwɛŋmɔ mli
Nyɛkanea 1 Yohane 5:21 lɛ. No sɛɛ lɛ, jiemɔ VIDIO lɛ ni nyɛsusua sanebimɔi ni nyiɛ sɛɛ nɛɛ ahe.
-
Mɛni hewɔ Ayenge kpɛ eyiŋ akɛ ekɛ ehe dɔmɔŋ paati ko, ni ekɛ ehe woŋ maŋ hedɔɔ nifeemɔ ko kwraa hu mli, tamɔ aflaŋaa ŋamɔ nɛkɛ lɛ?
-
Kɛ́ okwɛ lɛ, nilee yɛ yiŋ ni ekpɛ lɛ mli?
Mɛɛ shihilɛi krokomɛi amli kɛ́ wɔkwɛɛɛ ni ahi lɛ, wɔkɛ wɔhe baawo je lɛŋ saji amli? Jiemɔ VIDIO lɛ, ni nyɛsusua sanebimɔi ni nyiɛ sɛɛ nɛɛ ahe.
-
Kɛ́ maŋ ko kɛ maŋ kroko miishĩ akaŋ yɛ shwɛmɔ ko mli lɛ, te ooofee tɛŋŋ otsɔɔ akɛ ofiii amɛteŋ mɔ ko sɛɛ?
-
Kɛ́ amralofoi lɛ kpɛ yiŋ ko ni ye wɔ awui loo wɔná he sɛɛ po lɛ, mɛni wɔbaanyɛ wɔfee kɛtsɔɔ akɛ wɔkɛ wɔhe wooo maŋ saji amli?
-
Kɛ́ daa nɛɛ wɔkwɛɔ loo wɔkaneɔ pɔlitis he saji, loo wɔkɛ mɛi ni fɔɔ pɔlitis he wiemɔ bɔɔ lɛ, mɛɛ gbɛ nɔ ebaanyɛ ená wɔnɔ hewalɛ?
Mɛɛ shihilɛi amli esa akɛ Kristofonyo akwɛ jogbaŋŋ koni ekɛ ehe akawo pɔlitis kɛ maŋ saji amli yɛ enifeemɔ kɛ ejwɛŋmɔ mli?
EKOLƐ MƆ KO BAABI BO AKƐ: “Mɛni hewɔ oŋaaa aflaŋaa loo oláaa jakumaŋ lala lɛ?”
-
Mɛni obaakɛɛ lɛ?
EMLI OTI
Kristofoi kwɛɔ jogbaŋŋ koni amɛkɛ amɛhe akawo pɔlitis kɛ maŋ saji amli yɛ amɛwiemɔ, amɛnifeemɔ, kɛ amɛjwɛŋmɔ mli.
Mɛni Okase?
-
Mɛɛ nibii esa akɛ wɔfee wɔhã amralofoi lɛ?
-
Mɛni hewɔ wɔkɛ wɔhe wooo pɔlitis kɛ maŋ saji amli lɛ?
-
Mɛɛ shihilɛi amli kɛ́ wɔkwɛɛɛ ni ahi lɛ, wɔkɛ wɔhe baawo pɔlitis kɛ maŋ saji amli?
EHE SAJI KROKOMƐI
Mɛɛ nibii ekolɛ ehe baahia ni wɔkɛshã afɔle bɔ ni afee ni wɔkɛ wɔhe akawo pɔlitis kɛ maŋ saji amli?
Mɛni wekui baanyɛ afee kɛsaa amɛhe amɛto koni amɛkɛ amɛhe akawo pɔlitis kɛ maŋ saji amli?
Mɛni hewɔ mɔ ko maŋ ni ebaafã he lɛ jeee hegbɛ ni fe fɛɛ ni ebaanyɛ ená lɛ?
Obaana bɔ ni obaafee okpɛ oyiŋ yɛ nitsumɔ he bɔ ni baahã oya nɔ ofee mɔ ni fataaa je lɛ he.
“Mɔ Fɛɛ Mɔ Aaatere Lɛ Diɛŋtsɛ Ejatsu” (Buu-Mɔɔ, March 15, 2006)
Ekolɛ Obaasumɔ Enɛ Hu
SAJI NI MƐI FƆƆ BIMƆ
Mɛni Ji Biblia Mli Nikasemɔ Ni Yehowa Odasefoi Kɛ Mɛi Feɔ Lɛ?
Yehowa Odasefoi kɛ mɛi kaseɔ Biblia lɛ tamɔ aagba sane, ni amɛheee nɔ ko; obaanyɛ okɛ Biblia shishitsɔɔmɔi lɛ ateŋ eko fɛɛ eko akase nii lɛ. Obaanyɛ ofɔ̃ oweku muu lɛ fɛɛ loo onanemɛi nine koni amɛfata ohe kɛkase nii lɛ.
