A Jesús in uluw abal in aykolil yab neʼetsak kin koʼoy jununúl in tsalap kʼal axi más an atikláb (Juan 15:​19). Axéʼ in léʼ kin uluw abal yab neʼets ku otsits kʼal an política nibal kʼal an pextaláb. Junchikíl neʼets ki atsʼaʼ kʼibat yab ki tólmiy jun i eyal ani walám ma ku telan. ¿Jantʼiniʼ i éjtowal ki belkaʼ a Jehová ani yab ku tólmixin kʼal jun i eyal.

1. ¿Jantʼoj in tsálpayal an ólchixchik kʼal a Jehová tin kwéntaj an eyalchik?

Jajáʼchik in kʼakʼnál an eyal. A Jesús in uluw: «Ka pidhaʼ an tsʼalej jawaʼ pel in uchbíl ka pidhaʼ ani ka pidhaʼ a Dios jawaʼ pel in uchbíl ka pidhaʼ jayej». Wawáʼ i pútuwal kʼal i uchbíl kom i jálbiyal jawaʼ tu konchal an eyal (Marcos 12:​17). An Biblia tu exóbchal abal pel a Dios axi in jilamal abal an eyalchik ka kʼwajiy ti abatnom (Romanos 13:1). Jaxtám i éxbayal abal jitaʼ in kwaʼal más in éy pel a Dios. I lej belál abal a Dios ani in Eyaltal neʼets kin tsʼejkaʼ patal an kʼibataláb axi waʼats.

2. ¿Jantʼiniʼ i tejwamedhál abal yab i tólmiyal nibal jun i eyal?

Wawáʼ i nítsʼbiyal a Jesús, jaxtám yab u otsel ban política. Jun a kʼicháj, talbél tam ti a Jesús in tʼajaʼ jun i labidh tʼajbiláb, u leʼnábak ka púnuwat ti eyal, pero jajáʼ yab in batsʼuw (Juan 6:​15). ¿Jaleʼ? A Jesús in uluw: «Nanáʼ yab u tʼajál tin tsʼalej tejéʼ Tsabál» (Juan 18:​36). Waʼats yan jantʼoj axi yab i tʼajál abal ki tólmiy an eyalchik, jun i tʼiplab játs abal yab u kʼalel tu pejéx (ka ajiy Miqueas 4:3). Jayej, yab i tsapnedhál an bandera, kom max ki tʼajaʼ kʼwajat i kʼakʼnál (1 Juan 5:​21). Yab i tólmiyal jun i eyal, nibal axi in léʼchik kin bajuw ti eyal. Antsanáʼ i tejwamedhál abal expidh i tólmiyal in Eyaltal a Dios.

 ABAL KA EXÓBNAʼ MÁS

3. Kom pel u aykol kʼal a Cristo yab i tólmiyal nibal jun i eyal

A Jesús ani in aykolil tu tejwamédhanchij jantʼoj in tomnál ki tʼajaʼ. Ka ajiychik Romanos 13:​1, 5-7 ani 1 Pedro 2:​13, 14. Talbél, ka tsuʼuwchik an VIDEO ani ka tʼilaʼchik jawaʼ a tsuʼuw.

• ¿Jaleʼ ti kwaʼal ki kʼakʼnaʼ an eyalchik?

• ¿Jantʼiniʼ i tejwamedhál abal i kʼakʼnálchik?

Yan i bichow in ulal abal yab in tólmiyal nibal jun i eyal. Pero tam waʼats i pextaláb, jayej u otselchik. Tam, ¿jantʼoj in léʼ kin uluw yab ki tólmiy nibal jun i eyal? Ka ajiychik Juan 17:​16. Talbél, ka tsuʼuwchik an VIDEO ani ka tʼilaʼchik jawaʼ a tsuʼuw.

• ¿Jantʼoj in léʼ kin uluw yab ki tólmiy nibal jun i eyal?

¿Jantʼoj kwaʼal ki tʼajaʼ, max an eyalchik tu ku konchij ki tʼajaʼ jantʼoj axi a Dios yab in kulbetnál? Ka ajiychik Hechos 5:​28, 29. Talbél, ka tsuʼuwchik an VIDEO ani ka tʼilaʼchik jawaʼ a tsuʼuw.

• Max jun i eyal tu ku konchij ki tʼajaʼ jantʼoj axi a Jehová yab in kulbetnál, ¿jantʼoj kwaʼal ki tʼajaʼ?

• ¿A tsalpayámal jaykʼiʼ ti yab in tomnál ki belkaʼ an eyalchik?

 4. Yab ki tólmiy nibal jun i eyal kʼal i tsalapil nibal kʼal jawaʼ i tʼajál

Ka ajiychik 1 Juan 5:​21 ani talbél, ka tsuʼuwchik an VIDEO ani ka tʼilaʼchik jawaʼ a tsuʼuw:

• ¿Jaleʼ ti a Ayenge yab in léʼnaʼ kin tólmiy nibal jun i eyal nibal kin tsapnédhaʼ an bandera?

• ¿Walám tekedh jawaʼ in tʼajaʼ?

¿Jaleʼ i éjtowal ki atsʼaʼ kʼibat, ki tólmiy expidh in Eyaltal a Dios? Ka tsuʼuwchik an VIDEO ani ka tʼilaʼchik jawaʼ a tsuʼuw:

• ¿Jantʼiniʼ i éjtowal ki tejwamédhaʼ abal yab i tólmiyal nibal jun i equipo, tam tsab i bichow u ubatʼ?

• ¿Jantʼiniʼ i éjtowal ku kʼwajiy putudh kʼal a Jehová, max i tsálpayal abal jun i eyal in éjtowal tu ku tólmiy?

• ¿Jantʼoj awil ki watʼaʼ max ki lej tʼajaʼ ti kwéntaj an noticias ani jawaʼ in ulal an atiklábchik?

 JAWAʼ I EXOBNÁMAL

An ólchixchik kʼal a Jehová in tsápnanchal yab ka otsits kʼal an política ani in tejwamedhál kʼal jawaʼ in tʼajál, kʼal jawaʼ in ulal, ani kʼal jawaʼ in tsálpayal.

Ki tʼilaʼ jawaʼ i exóbnaʼ

• ¿Jawaʼ játs i uchbíl kʼal an eyalchik?

• ¿Jaleʼ ti yab u otsel kʼal an política?

• ¿Jaleʼ i éjtowal ki atsʼaʼ kʼibat ki tólmiy expidh in Eyaltal a Dios?