Jesus madahka, bala nembiak iya “ukai enggi dunya.” (John 15:19) Nama reti nya? Tu reti iya kitai mengkang neutral—enda enggau pengawa politik tauka perang. Tang tu enda senang dikereja laban orang engka ngeleseka kitai. Nya alai, nama utai ke ulih nulung kitai mengkang neutral sereta ngetanka penaluk ngagai Petara Jehovah?

1. Nama runding orang Kristian pasal perintah mensia?

Jesus madah ngagai bala nembiak iya: “Utai Raja Besai, beri ngagai Raja Besai.” (Mark 12:17) Kitai ngereja nya laban kitai deka bebasaka perintah mensia sereta nitihka undang-undang baka mayar chukai. Taja pan Petara ngemendarka perintah mensia merintah, tang kuasa sida bisi tatak. (Rome 13:1) Nya alai, kitai ngarapka Perintah Petara mutarka semua penanggul mensia.

2. Baka ni kitai nunjukka diri mengkang neutral?

Bisi sekali, pengudah Jesus ngaga kereja ajih, orang dekaka iya nyadi raja, tang iya nulak. (John 6:15) Nama kebuah? Laban ku Jesus madah: ‘Perintah aku ukai ari dunya tu.’ (John 18:36) Baka Jesus, kitai mega enggai enggau sebarang utai ti bekaul enggau politik. Ketegal nya, kitai enda nyukung tauka ngelaban chalun politik tauka parti politik. Kelimpah ari nya, kitai enda enggau beperang. (Bacha Mikah 4:3.) Taja pan kitai bebasaka lambang menua baka bendira, tang kitai enda nabi tauka ngemuliaka bendira nya. (1 John 5:21) Enggau tu, kitai nunjukka diri mengkang neutral sereta taluk enggau pengabis ati ngagai Perintah Petara.

 BELAJAR MAYUH AGI

3. Orang Kristian mengkang neutral

Aram meda teladan Jesus enggau bala nembiak iya. Bacha Rome 13:1, 5-7 enggau 1 Peter 2:13, 14. Udah nya, mainka VIDEO lalu kerandauka tanya tu.

• Nama kebuah kitai patut bebasaka piak ti bekuasa?

• Nama sekeda chara kitai ulih ngereja nya?

Lebuh beperang, sekeda menua madahka diri neutral, tang sida nyukung kedua-dua piak ti benung beperang. Nama reti mengkang neutral? Bacha John 17:16. Udah nya, mainka VIDEO lalu kerandauka tanya tu.

• Nama reti mengkang neutral?

Nama patut digaga kitai enti perintah mensia ngasuh kitai ngereja utai ti enda sejalai enggau Perintah Petara? Bacha Surat Kereja Rasul 5:28, 29. Udah nya, mainka VIDEO lalu kerandauka tanya tu.

• Enti undang-undang mensia enda sejalai enggau Perintah Petara, undang-undang sapa ke patut dititihka kitai?

• Nama utai ke ulih ngasuh orang Kristian enda ngasika atur piak ti bekuasa?

 4. Mengkang neutral ba jaku enggau ulah

Bacha 1 John 5:21. Udah nya, mainka VIDEO lalu kerandauka tanya tu.

• Ba video nya, nama kebuah Ayenge enggai enggau parti politik tauka bisi kaul enggau sebarang utai ke ulih nyukung menua, baka nabi bendira?

• Kati iya ngaga pemutus ti manah?

Nama utai bukai ke ulih nguji penaluk kitai? Mainka VIDEO, lalu kerandauka tanya tu.

• Baka ni kitai ulih mengkang neutral lebuh kitai meda atlet sukan entarabansa bepekit enggau pangan diri?

• Baka ni kitai mengkang neutral enti sema pemutus ari orang politik ulih nguntung tauka ngemediska kitai?

• Baka ni utai ti didinga kitai ari berita tauka ari bala bakih ulih ngachau penaluk kitai ngagai Perintah Petara?

 LANSA

Orang Kristian nentuka runding, jaku enggau ulah sida mengkang neutral bekaul enggau politik.

Ulang Kaji

• Nama ulah ke patut diayanka kitai ngagai perintah mensia?

• Nama kebuah kitai patut mengkang neutral ba politik?

• Nama utai ke ulih nguji penaluk kitai ngagai Perintah Petara?