TOLUMỌYE 45

Kẹnịanga Kpọ A Sụọgha Inyenrinbụọ Bị Teeki Wo Tuu A O

FARỊ

Jesus “akpọ mọ kẹnịsụọmọ kụmọ” bara ka kị wo tuuduo-otumọ tolumọ mị. (John 15:19) Kẹnịanga kpọ ghọ sụọgha fa—politics má sụụ kpọ a sụọgha fa. Gesii gbaamaba, kẹnịanga kpọ a sụọgha inyenrinbụọ mị bọụbọụgha. Kịmịotu bei inyenrinbụọ duonị wó mịẹdẹrị kpọ paaemi. Anịa omịnị tebara ka kị akpọ bọọ kẹnịanga kpọ ghọ sụọgha bara timi bá Jehovah mọ kpẹkpẹrẹẹtimi mịnị a o?

1. Gesii Christuuduo-otu tebara ka kị kịmịawọụ daabụọ diimọ wẹrị emi a o?

Gesii Christtuuduo-otu kịmịawọụ daabụọ diseimọgha. Omịnị Jesus gbaa bara kị dii mịẹ mịnị “Caesar yebo akị Caesar pịrị”—omịnị ibe olokobo koko, bá tịbịsa gbẹẹ mịnị aba, omịnị Caesar yebo kị waịmọ ụ pịrị mịnị. (Mark 12:17) Bible gbaa amọ Jehovah a bụọmọ wẹrị emi kị duonị amịnị daa mịnị. (Romans 13:1) Anị duonị wó nimi wẹrịemi yọmị anị nana wẹrịemi kụrọ mị dụba akị Ọkpọnanaowei ye mọ naịngha. Omịnị Ọkpọnanaowei wo agọnọ Daabụọ bị akị kịmịawọụ ụyabosẹ kọn siin mịnị ifie kị korumịnị.

2. Omịnị tebara ka kị kẹnịanga kpọ ghọ sụọgha bara mịẹdịa mịnị a o?

Jesus politics a sụọgha bara bị, wó kpọ politics a sụọgha. Kịmịotu Jesus mịẹ mịnị ebimọ ẹrị ifie mị, amịnị wo akị pẹrẹ tụa dọụ mị, anịa Jesus bụọgha. (John 6:15) Tetuu a o? Bịsẹ yọ bụọdẹ mị, Jesus gbaa mị, “ine Daabụọ mị bei akpọ mọ sụọsụọyọ fa.” (John 18:36) Omịnị Christtuuduo-otuama duonị, omịnị biin ụwọụama ka kị kẹnịanga kpọ ghọ sụọgha inyenrinbụọ mịẹdịa mịnị. Gbaamaba, omịnị sụụyọ kpo a múgha. (Micah 4:3 goo.) Omịnị ibe a tịbịtịẹmọ wẹrịemi yeama diseimọgha—gbaamaba flag—anịa omịnị a karịgha. (1 John 5:21) Omịnị politics anịghakpọ kẹnị party kpọ ghọ sụọgha. Omịnị mị yebo mịẹgha ifiesẹ, wósẹ Jehovah Daabụọ ka barapou wẹrịemi bara kị mịẹdịa mịnị.

EBIBARA TUUDỌỤ

Iné kẹnịanga kpọ ghọ sụọgha inyenrinbụọ dadii a paaemi yeama kẹrị iroro, bá ị́ laa Jehovah dọụbara mịẹmụ bara tọnpẹlẹ.

3. Gesii Christtuuduo-otu kẹnịanga kpọ ghọ sụọgha

Jesus mọ wo tuuduo-otubo mọ ebibara ka kị bei inyenrinbụọ mịẹdịa wẹrị emi. Romans 13:1, 5-7 má 1 Peter 2:13, 14 goo. Bá, VIDIO farị dá, biibịbịmọ kẹrị ẹrẹtei.

VIDIO: Gesii Christtuuduo-Otu Kẹnị Anga Kpọ Ghọ Sụọgha—Part 1 (4:28)

Tetuu kị duonị omịnị tịbị-iyerimọ kịmịawọụ government pịrị agbẹị emi a o?
Omịnị te ụwọụama ka kị tịbị-iyerimọemi bara mịẹdịa mịnị a o?

Sụụ paa dẹ ifiesẹ zụa ibe-ama, kẹnịanga kpọ ghọ sụọgha bara kị gbaa mịnị, anịa amịnị baratụa maa angabosẹ pịrịmịnị. Omịnị laa tebara ka kị kẹnịanga kpọ ghọ sụọgha bara mịẹ paamọ mịnị a o? John 17:16 goo. Má, VIDIO farị dá mị biibịbị kẹrị ẹrẹtei.

VIDIO: Gesii Christtuuduo-otu Kẹnị Anga Kpọ Ghọ Sụọgha—Part 2 (3:11)

Wó tebara ka kị akpọ bọọ kẹnịanga kpọ a sụọgha bara mịẹdịa mịnị a o?

Kịmịawọụ government bọọ daamịnị otu wó penimọ wẹrị Ọkpọnanaowei dịsẹgha ye mịẹ dọụ daba, omịnị tebara kị mịẹ mịnị a o? Acts 5:28, 29 goo. Má, VIDIO farị dá, bei biibịbị kẹrị ẹrẹtei.

VIDIO: Gesii Christtuuduo-otu Kẹnị Anga Kpọ Ghọ Sụọgha—Part 3 (1:18)

Kịmịawọụ oloko mọ Ọkpọnanaowei oloko mọ kẹnịsụọmọ aba, ị́mịnị tebara kị mịẹ mịnị a o?
Omịnị ifiemọsẹ kị kịmịawọụ government gbaa ye mịẹ mịnị a? Tuugbaa.

4. Kẹnịanga kpọ ghọ sụọ kụmọ iroroye má mịẹemi ye

Wẹrị 1 John 5:21 goo. Má, VIDIO farị dá, mị biibịbịbo kẹrị ẹrẹtei.

VIDIO: Gesii Christtuuduo-otu Boloukụrọ Dọụnimi Tuubi—Kẹnịanga Kpọ Ghọ Sụọ Gha Yọ Kọrịkụrọmọ (2:49)

Vidio bolou bị, Ayenge tetuu kị duonị kịmịbo mịẹmịnị yebo mịẹgha o?
Mịẹ agbẹị ye kị omịnị mọ mịẹ ma?

Te yeama kị mọkpọ wó kẹnịanga kpọ ghọ sụọgha inyenrinbụọ dadii a paa emi a o? VIDIO farị dá bei biibịbịbo kẹrị ẹrẹtei.

VIDIO: Lewarị Fun Duo Tolumọ Akị Yebo—Bei Dịẹdịẹ Akpọ Mị Kẹnịanga Kpọ Ghọ Sụọ Kụmọ (5:16)

Piiyaị zoru dii mịnị ifie mị, ị́mịnị tebara ka kị kẹnịanga kpọ ghọ sụọgha bara mịẹdịa mịnị a o?
Daabụọ-otu tọnpẹlẹ mịnị yebo zụa ifieama wó gbele daba, wó tebara ka kị kẹnịanga kpọ ghọ sụọgha bara mịẹdịa mịnị a o?
Omịnị news anịghakpọ kịmị-otu bịbị duo naa mịnị egberibo tebara ka kị wó kẹnịanga kpọ ghọ sụọgha inyenrinbụọ gbele a paaemi a o?