45 УРОКЫР
Нейтралитетыр пхъумэным къикІыр сыт?
«Мы дунейм фыщыщкъым»,— яжриІащ Хьисэ и гъэсэнхэм (Иуан 15:19). Апхуэдэу щыщыткІэ, Хьисэ и гъэсэнхэм нейтралитетыр яхъумэн хуейщ. Дэ политикэм дыхэІэбэкъым, зауэхэми зыми и лъэныкъуэ дубыдкъым. Ауэ нейтралитетыр пхъумэну щымытынш къохъу, сыт щхьэкІэ жыпІэмэ ар зэрытІыгъым щхьэкІэ языныкъуэхэр къытхуогубжь икІи къытщодыхьэшх. Дапхуэдэу дэ нейтралитетыр зэрытхъумэнур икІи ди Алыхь Иеговэ хуэпэжу дыкъызэрынэнур?
1. Хьисэ и гъэсэн пэжхэр къэрал унафэщІхэм дапхуэдэу зэрахущытыр?
Хьисэ и лъэужь ирикІуэхэм къэрал унафэщІхэм пщІэ хуащІ. «Кесарым ейр кесарым ефтыж»,— жиІащ Хьисэ. Абы и псалъэхэм дытету, дыщыпсэу къэралым и унафэхэр догъэзащІэ, псалъэм папщІэ, налог ттын хуейхэр псори дот (Марк 12:17). Библием зэрыжиІэмкІэ, цІыху правительствэхэм тепщэныгъэ щІаІэр Иеговэ хуит зэрищІаращ (Рим 13:1). Абы къегъэлъагъуэ абыхэм я тепщэныгъэм гъунэ зэриІэр. Ди гугъуехьу хъуар Іузыхыжыфыну дызыщыгугъыр ди Алыхьымрэ уафэм щыІэ абы и Пащтыхьыгъуэмрэщ.
2. Нейтралитетым дызэрытетыр дауэ къызэрыдгъэлъэгъуэфынур?
Хьисэ хуэдэу, дэри политикэм дыхэІэбэкъым. Абы ищІэ телъыджэхэр цІыхухэм къыщалъэгъуам щыгъуэ, ар пащтыхь ящІыну хэтащ. Ауэ Хьисэ ар абыхэм яхуидакъым (Иуан 6:15). Сыт щхьэкІэ? ИужькІэ абы мыпхуэдэу жиІащ: «Сэ си пащтыхьыгъуэр мы дунейм щыщкъым» (Иуан 18:36). Хьисэ и лъэужь дызэрырикІуэм къыхэкІкІэ, дэ зауэхэм дыхэткъым. (Къеджэ Михей 4:3.) Абы нэмыщІ къэрал дамыгъэхэм пщІэ хуэтщІми, псалъэм папщІэ ныпым, дэ ахэр дгъэлъапІэкъым (1 Иуан 5:21). Политическэ партхэми, абы къыхах цІыхухэми дэ дыпэщІэувэкъым икІи зыми и лъэныкъуэр дубыдкъым. Апхуэдэу дэ къыдогъэлъагъуэ Алыхьым и правительствэм, нэгъуэщІу жыпІэмэ абы и Пащтыхьыгъуэм, нэгъэсауэ дызэрыхуэпэжыр.
НЭХЪ КУУУЭ ХЭПЛЪЭ
Нейтралитетыр пхъумэну щымытынш Іуэхугъуэхэмрэ Иеговэ арэзы зыщІын унафэхэр къызэрыпщтэ хъунумрэ теухуауэ нэхъыбэ къащІэ.
3. Хьисэ и гъэсэн пэжхэм нейтралитетыр яхъумэ
Хьисэрэ япэ лІэщІыгъуэм псэуа абы и лъэужь ирикІуэхэмрэ нейтралитетыр зэрыпхъумэным теухуауэ щапхъэфІ къытхуагъэнащ. Къеджэ Рим 13:1, 5—7, 1 Петр 2:13, 14. Абы иужь ВИДЕОМ еплъи мы упщІэхэм жэуап ет:
-
Къэрал унафэщІхэм пщІэ щІыхуэтщІын хуейр сыт?
-
Дапхуэдэу къызэрыдгъэлъэгъуэфынур къэрал унафэщІхэм пщІэ зэрахуэтщІыр?
Зауэ щекІуэкІым деж языныкъуэ къэралхэм зыми и лъэныкъуэр ямыубыду жаІэ. Ауэ, абы емылъытауэ, ахэр зэзауэ лъэныкъуитІми щыдэІэпыкъу щыІэщ. Абы нейтралитеткІэ уеджэ хъуну? Къеджэ Иуан 17:16. Абы иужькІэ ВИДЕОМ еплъи мы упщІэм жэуап ет:
-
Нейтралитетым утетыным сыт къикІыр?
Алыхьым и хабзэхэм темыхуэ гуэр къэралым къытхуигъэувмэ, сыт тщІэн хуейр? Къеджэ Апостолхэм 5:28, 29. Абы иужькІэ ВИДЕОМ еплъи мы упщІэхэм жэуап ет:
-
Къэралым и унафэхэр Алыхьым и унафэхэм пэщІэувэмэ, хэт дызэдэІуэн хуейр?
-
Хьисэ и лъэужь ирикІуэр къэралым и унафэм едэІуэн щыхуэмей Іуэхугъуэ щапхъэу къэпхьыфыну?
4. Фи гупсысэхэмкІи фи ІуэхущІафэхэмкІи нейтралитетыр фхъумэ
Къеджэ 1 Иуан 5:21. Абы иужь ВИДЕОМ еплъи мы упщІэхэм жэуап ет:
-
Видеом хэта Айенге политическэ партым хэмыхьэну, абыхэм я зэхуэсхэм хэмытыну икІи ныпри имыгъэлъэпІэну сыт мурад щІищІар?
-
Абы унафэ ищІам Іущагъ хэлъу къэплъытэрэ?
Нейтралитетым дызэрытетыр иджыри сыт хуэдэ Іуэхугъуэхэм къыщыдгъэлъэгъуэн хуей? ВИДЕОМ еплъи мы упщІэхэм жэуап ет:
-
Къэрал зэмылІэужьыгъуэхэм я спортсменхэр щызэпеуэм деж, зыми и лъэныкъуэр дубыдын щІыхуэмейр сыт?
-
Политикхэм ящІ унафэхэр ІейкІэ е фІыкІэ къытлъэІэсмэ, нейтралитетыр дауэ зэрытхъумэфынур?
-
Нейтралитетыр тхъумэну телевизорыр, интернетыр, цІыху дызыдэуэршэрхэр дапхуэдэу зэран къызэрытхуэхъуфынур?
ЗЫГУЭР КЪОУПЩІЫНКІЭ ХЪУНУЩ: «Ныпыр щІэвмыгъэлъапІэр икІи гимныр щІыжывмыІэр сыт?»
-
Сыт хуэдэ жэуапт абы ептынур?
КЪЭПЩЫТЭЖ
Хьисэ и лъэужь ирикІуэхэм я гупсысэхэмкІи, я псалъэхэмкІи, я ІуэхущІафэхэмкІи нейтралитетыр яхъумэ.
Мы упщІэхэр зэгъусэу зэпкърыфх:
-
Къэрал унафэщІхэм я пащхьэм сыт хуэдэ къалэнхэр щыдиІэ?
-
Политикэм сыт дэ дыщІыхэмыІэбэр?
-
Сыт хуэдэ Іуэхугъуэхэм деж нейтралитетыр тхъумэну къыщыдэгугъуэкІынкІэ хъунур?
НЭХЪЫБЭ КЪАЩІЭ
Нейтралитетыр зэрытхъумэм къыхэкІкІэ сыт хуэдэ гугъуехьхэм дыпэщІэхуэнкІэ хъуну?
Нейтралитетыр хъумэным пыщІа гъэунэхуапІэхэм унагъуэхэм дапхуэдэу зэрызыхуагъэхьэзырыфынур?
Уи хэкур пхъумэным нэхърэ нэхъ пщІэ зыпылъ къалэн щыІэ?
ЛэжьапІэ къыщыхэтхкІэ мы дунейм дызэрыщымыщыр дапхуэдэу къызэрыдгъэлъэгъуэфынур?
«Хэти и хьэлъэр езым и пщэм дэлъщ» («ХъумакІуэ чэщанэ», гъатхэпэ мазэм и 15, 2006 гъэ, урысыбзэкІэ)