Jesus vỹ ti nón mũnh fã ag mỹ tó ja, ũn tỹ ti ki ge tũ ag to: ‘ãjag pijé tỹ ag mré ke nỹtĩ!’ (João 15:19) Tag tugnĩn ẽg pi política han tĩ, kar ẽg pi vẽnh kãgtén mág ra mũg tĩ. Hã ra, hẽn ri ke mũn, ẽg mỹ jagy nĩ, ẽg tỹ ẽprã vẽjykre han tũ jé. Kejẽn, ũn ag vỹ ã to vĩ kónãn ke mũ, kỹ ag tóg ã nyg ke mũ gé. Ẽg ne han ke nỹtĩ, ẽg tỹ ẽprã vẽjykre han tũ nỹtĩ jé, kar ẽg tỹ Jeová to jykre pir hã ki nỹtĩ jé?

1. Cristo mré ke ag ne ãkrén tĩ, ẽprã ke pãꞌi ag to?

Cristo mré ke ag tỹ ẽprã ke pãꞌi ag respeita ke tĩ. Jesus tỹ tó ja ãn ri ke, ẽg tỹ ‘pãꞌi mág mỹ ti tũ nĩm tĩ’. Kỹ ẽg tỹ país lei ag jẽmẽ há tĩ, kar ẽg tỹ ag mỹ imposto ag kar kajãm tĩ gé. (Marcos 12:17) Topẽ Vĩ Rá vỹ ẽg mỹ ke tĩ, ẽprã ke pãꞌi ag vỹ nỹtĩ nĩ, Jeová vỹ ag mỹ: “hej”, ke mũ. (Roma 13:1) Hã tugnĩn, ẽg tỹ ki kanhró nỹtĩ, ẽg tỹ governo ag krãm nỹtĩ. Hã ra ẽg tỹ ki kanhró tĩ gé, Topẽ tỹ governo ag kri nĩ kãfór nĩ. Topẽ tãvĩn kar ti pãꞌi vỹ nén ũ kórég ag tỹ tũꞌ kenh mũ.

2. Ẽg hã ren kỹ ũn ag mỹ vinven tĩ, ẽg pi ẽprã vẽjykre han tĩ?

Jesus ri ke, ẽg pi política han tĩ. Vãsỹ, Jesus milagre ũ han kỹ, ũn ag tóg ti tỹ pãꞌi han sór mũ, hã ra ti pi ag mỹ: “hej”, ke mũ. (João 6:15) Mỹ ne tugnĩn? Kar kỹ, ti tóg tag to kãmén mũ: “inh pijé tỹ ga tag kri pãꞌi mág nĩ.” (João 18:36) Ẽg tỹ Jesus nón mũnh fã ag nỹtĩn kỹ, ẽg pi ẽprã vẽjykre ag hyn han tĩ. Ẽg pi vẽnh kãgtén mág ra mũ tĩ. (Miqueias 4:3 le kem nĩ) Kar sir, ẽg pi partido político to kar candidato ag kato vãsãnsãn tĩ, ke tũ nĩn kỹ ẽg pi ag nón tĩ gé. Ẽg tỹ ẽg país tá respeita ke tĩ, hã ra ẽg pi ti bandeira mỹ adora ke tĩ, ke tũ nĩn kỹ nén ũꞌũ tag to mỹ adora ke tĩ gé. (1 João 5:21) Ẽg tỹ nén ũ tag ag hyn han kỹ, ẽg tỹ vẽnh kar mỹ vinven tĩ, ẽg tỹ Topẽ pãꞌi to jykre pir nỹtĩ.

 VẼNH KANHRÃN KÃFÓR NĨ

3. Cristo mré ke ag tỹ ẽprã vẽjykre han tũ nỹtĩ

Jesus kar ti nón mũnh fã ag pi ẽprã vẽjykre han mũ, kar ẽg tỹ ag kãgran ke nỹtĩ. Roma 13:1, 5-7 kar 1 Pedro 2:13, 14 le kem nĩ. Kar ha vé VÍDEO ti kar jagnẽ mré vãmén nĩ, nén ũ tag ag to:

• Ẽg ne tugnĩn governo ag respeita ke ke nỹtĩ?

• Ẽg hã ren kỹ governo ag respeita ke tĩ?

País ag vỹ jagnẽ jũgjũ nỹtĩn kỹ, país ũn ag vỹ vẽso ge tĩ, ag pi país rárá kamã ũ ajũna ke tĩ, hã ra ag vỹ país rárá kamã kar ajũna ke tĩ mỹr. Hã ra ẽg hã ren kỹ vinven tĩ, ẽg pi ẽprã vẽjykre han tĩ? João 17:16 le kem nĩ. Kar ha vé VÍDEO ti kar jagnẽ mré vãmén nĩ, tag to:

• Ẽg hã ren kỹ vinven tĩ, ẽg pi ẽprã vẽjykre han tĩ?

Hã ra ẽg ne han ke mũ, governo ũ tỹ ẽg mỹ: ‘Topẽ vĩ mranh ra’, ken kỹ? Han kãme 5:28, 29 le kem nĩ. Kar ha vé VÍDEO ti kar jagnẽ mré vãmén nĩ, nén ũ tag ag to:

• Governo ũ tỹ ẽg mỹ: ‘tag han ra’, ken kỹ, hã ra Topẽ Vĩ Rá tỹ ẽg mỹ: ‘ũ han ra’ ken kỹ, ẽg vẽnh vĩ tỹ hẽ han ke nĩ?

• Ã hã mỹ, Cristo mré ke ag vỹ nén ũ tỹ ne hyn han tũ nỹtĩ, governo ag tỹ ag mỹ: ‘tag han nĩ’, ken kỹ?

 4. Ã tỹ nén ũ to jykrén kỹ, kar ã tỹ nén ũ han kỹ, ẽprã vẽjykre han tũ nĩ

1 João 5:21 le kem nĩ. Kar ha vé VÍDEO ti kar jagnẽ mré vãmén nĩ, nén ũ tag ag to:

• Vídeo ki, ẽg régre Ayenge tỹ política han tũ nĩ vã, kar ti pi bandeira mỹ adora ke gé. Mỹ ne tugnĩn?

• Ã hã mỹ, tag mỹ ti mỹ há han ke?

Nén ũ ag tỹ ne ẽg krĩ han tĩ, ẽg tỹ ẽprã vẽjykre han jé? Ha vé VÍDEO ti. Kar jagnẽ mré vãmén nĩ, nén ũ tag ag to:

• Jogo ki, ẽg país kar país ũ jagnẽ kato tẽgtẽ kỹ, ẽg hã ren kỹ ẽprã vẽjykre han tũ ke mũ?

• Hẽn ri ke mũn político ag tỹ nén kuprẽg kỹ, ẽg mỹ kórég han tĩ. Ge ra ẽg hã ren kỹ ẽprã vẽjykre han tũ ke mũ?

• Ũn ag política to tugtó kỹ, kar ẽg tỹ televisão ki nén política vigve kỹ, tag hã ren kỹ ẽg krĩ han tĩ, ẽg tỹ ẽprã vẽjykre han jé?

 Ã NE KANHRÃN JA TI

Cristo mré ke ag vỹ nén ũ to jykrén kỹ, ũn jagnẽ mré vĩ kỹ, kar ag tỹ nén ũ han kỹ, ag pi ẽprã vẽjykre han tĩ.

Jykrinkrén mũ

• Ẽg ne hyn han ke nỹtĩ, governo ag mỹ?

• Ẽg ne tugnĩn ẽprã vẽjykre han tũ nỹtĩ?

• Nén ũ ag tỹ ne ẽg krĩ han tĩ, ẽg tỹ ẽprã vẽjykre han jé?