45-ساباق
بەيتاراپ بولۋ دەگەن نە؟
يسا شاكىرتتەرىنە «وسى دۇنيەلىك» بولماۋ كەرەكتىگىن ۇيرەتكەن (جوحان 15:19). بۇعان بەيتاراپ بولۋ دا جاتادى. بۇل دەگەنىمىز — ساياسي ىستەردە، سوعىستاردا ەشكىمنىڭ جاعىنا شىقپاۋ. شىنى كەرەك، بەيتاراپ بولىپ قالۋ ٵر كەزدە وڭاي ەمەس. سول ٷشىن جۇرتتىڭ كۇلكىسىنە قالۋىمىز مۇمكىن. ٴبىراق قالايشا ٴبىز بەيتاراپ بولىپ، ەحوبا قۇدايعا ادالدىق ساقتاي الامىز؟
1. شىنايى ماسىحشىلەردىڭ ۇكىمەتكە كوزقاراسى قانداي؟
ماسىحشىلەر ۇكىمەتتەردى قۇرمەتتەيدى. ٴبىز يسانىڭ ايتقانىن تىڭداپ، «پاتشانىكىن پاتشاعا بەرەمىز»، ياعني سالىق تولەۋ سياقتى ەلىمىزدىڭ زاڭدارىنا باعىنامىز (مارقا 12:17). كيەلى كىتاپتىڭ ۇيرەتۋىنشە، ادامداردىڭ ۇكىمەتتەرى ەحوبا جول بەرگەندىكتەن عانا بيلىك ەتىپ وتىر (ريمدىكتەرگە 13:1). سوندىقتان ولاردىڭ بيلىگى شەكسىز ەمەس، شەكتەۋلى ەكەنىن تۇسىنەمىز. ادامزاتتىڭ بارلىق قيىندىعىن شەشەدى دەپ ٴبىز قۇدايعا جانە ونىڭ كوكتەگى پاتشالىعىنا ٷمىت ارتامىز.
2. بەيتاراپ ەكەنىمىزدى قالاي كورسەتەمىز؟
يساعا ۇقساپ ٴبىز دە ساياساتقا ارالاسپايمىز. بىردە يسانىڭ ٴبىر كەرەمەتىن كورگەندە، ادامدار ونى جەردە پاتشا ەتپەكشى بولادى، ٴبىراق ول بۇدان باس تارتادى (جوحان 6:15). ونىڭ سەبەبىن ول كەيىن ٴبىر سوزىندە ايتتى: «مەنىڭ پاتشالىعىم وسى دۇنيەلىك ەمەس» (جوحان 18:36). يسانىڭ شاكىرتى بولعان بىزدەر بەيتاراپتىعىمىزدى بىرنەشە جولمەن كورسەتە الامىز. مىسالى، ٴبىز سوعىسقا بارمايمىز (ميحا 4:3 وقىڭىز). تۋ سەكىلدى مەملەكەتتىك رامىزدەردى قۇرمەتتەگەنىمىزبەن، ولارعا تاعزىم ەتپەيمىز (جوحاننىڭ 1-حاتى 5:21). بۇدان بولەك، ەشقانداي ساياسي پارتيالاردى نە ۇمىتكەرلەردى قولدامايمىز. وسى جانە باسقا دا جولدارمەن ٴبىز قۇداي ۇكىمەتىنە، ياعني ونىڭ پاتشالىعىنا تولىعىمەن ادال ەكەنىمىزدى كورسەتەمىز.
تەرەڭىرەك ٷڭىلىڭىز
بەيتاراپتىعىمىز سىنالاتىن بىرنەشە جاعدايدى قاراستىرايىق جانە سونداي كەزدە ەحوباعا ۇنايتىن شەشىمدەردى قالاي قابىلداي الاتىنىمىزدى كورەيىك.
3. شىنايى ماسىحشىلەر بەيتاراپ
يسا مەن ونىڭ ٸزباسارلارى ٴبىز ٷشىن ۇلگى قالدىردى. ريمدىكتەرگە 13:1، 5—7 جانە پەتىردىڭ 1-حاتى 2:13، 14 وقىڭىزدار. سوسىن بەينەروليكتى كورىپ، مىنا سۇراقتاردى تالقىلاڭىزدار:
-
نەگە ٴبىز ادامي ۇكىمەتتەردى قۇرمەتتەۋىمىز كەرەك؟
-
ولارعا باعىناتىنىمىزدى قانداي جولدارمەن كورسەتەمىز؟
سوعىس كەزىندە كەيبىر ەلدەر «ٴبىز ەشكىمدى جاقتامايمىز» دەگەنىمەن، قاقتىعىسىپ جاتقان ەكى تاراپقا دا قولداۋ كورسەتەدى. ٴبىراق بۇل شىن بەيتاراپتىق پا؟ جوحان 17:16 وقىڭىزدار. سوسىن بەينەروليكتى كورىپ، مىنا سۇراقتى تالقىلاڭىزدار:
-
بەيتاراپ بولۋ دەگەن نە؟
ۇكىمەتتىڭ تالابى قۇداي زاڭىنا قايشى كەلسە، نە ىستەۋ كەرەك؟ ەلشىلەردىڭ ىستەرى 5:28، 29 وقىڭىزدار. سوسىن بەينەروليكتى كورىپ، مىنا سۇراقتاردى تالقىلاڭىزدار:
-
ادامنىڭ زاڭى مەن قۇدايدىڭ زاڭى ٴبىر-بىرىنە قايشى كەلگەندە، ٴبىز كىمنىڭ زاڭىنا مويىنسۇنۋىمىز كەرەك؟
-
ماسىحشىلەر ۇكىمەتكە باعىنبايتىن جاعدايلاردى مىسالعا كەلتىرە الاسىز با؟
4. ويىمىز دا، ٸسىمىز دە بەيتاراپ بولسىن
جوحاننىڭ 1-حاتى 5:21 وقىڭىزدار. سوسىن بەينەروليكتى كورىپ، مىنا سۇراقتاردى تالقىلاڭىزدار:
-
ايەندج دەگەن ەر كىسى نەلىكتەن ساياسي پارتيانىڭ مۇشەسى بولۋدان جانە مەملەكەتتىك رامىزدەردى، مىسالى، تۋدى دارىپتەۋدەن باس تارتتى؟
-
ول دۇرىس ارەكەت ەتتى دەپ ويلايسىز با؟
تاعى قانداي جاعدايلاردا بەيتاراپتىعىمىز سىنالۋى مۇمكىن؟ بەينەروليكتى كورىپ، مىنا سۇراقتاردى تالقىلاڭىزدار:
-
حالىقارالىق سپورت ويىندارىن كورگەندە، قالاي ٴبىز بەيتاراپ بولىپ قالا الامىز؟
-
ساياساتكەرلەردىڭ شەشىمى بىزگە اسەر ەتسە دە، قالاي بەيتاراپ بولىپ قالا الامىز؟
-
جاڭالىقتار يا ٴبىز ارالاساتىن ادامدار بەيتاراپتىعىمىزعا قالاي اسەر ەتۋى مۇمكىن؟
قانداي جاعدايلاردا ٴماسىحشى ىشتەي دە، ارەكەتىمەن دە بەيتاراپتىق ساقتاۋ كەرەك؟
بىرەۋ سۇراسا: «وسى سەندەر نەگە تۋدى دارىپتەمەيسىڭدەر، ٵنۇران ايتپايسىڭدار؟»
-
قالاي جاۋاپ بەرەر ەدىڭىز؟
تۇيىندەمە
ٴماسىحشى ىشتەي، سوزىمەن، ارەكەتىمەن دە ساياساتتا ەشكىمدى جاقتاماي، بەيتاراپ بولىپ قالۋ ٷشىن كوپ كۇش سالادى.
قايتالاۋ
-
مەملەكەتتىڭ الدىندا ٴبىزدىڭ قانداي مىندەتىمىز بار؟
-
نەگە ٴبىز ساياساتتا بەيتاراپ بولىپ قالامىز؟
-
قانداي جاعدايلاردا بەيتاراپتىعىمىز سىنالۋى مۇمكىن؟
قوسىمشا ىزدەنىڭىز
بەيتاراپ بولىپ قالۋ ٷشىن كەيدە قانداي قۇرباندىقتارعا بارۋ كەرەك بولادى؟
بەيتاراپتىقپەن بايلانىستى قيىندىقتارعا وتباسىلار قالاي الدىن الا دايىندالسا بولادى؟
ەر ادام ٷشىن وتاندى قورعاۋدان دا ۇلى مارتەبە بار ما؟
جۇمىسقا قاتىستى شەشىم قابىلداعاندا، وسى دۇنيەلىك ەمەس بولىپ قالۋعا نە كومەكتەسەتىنىن وقىپ كورىڭىز.
«اركىم ٶز جۇگىن ٶزى كوتەرەدى» («كۇزەت مۇناراسى» (حانزۇشا)، 1-ٴساۋىر، 2006)
قىزىقتى بولار مالىمەتتەر
ٴجيى قويىلاتىن سۇراقتار
كيەلى كىتاپتى زەرتتەۋ ساباعى دەگەن نە؟
كيەلى كىتاپتى اقىسىز زەرتتەۋ ساباعىنا قاتىستى سۇراقتارىڭىزعا جاۋاپ الىڭىز.
