Jezú wambe kwila, o akayedyê ‘katokalele kubhanga mbandu ya mundu.’ (Nzwá 15:19) Kiki kya lungu ni kudituna kudita mu maka ajinguvulu ni kudituna kuya mu ita. Maji mukidi, sayi ithangana kubhonza kudituna kubhanga o ima yiyi. Nange o athu atena kutuxongwena mukonda dya kudituna kubhanga mbandu ya mundu. Kyebhi kitutena kudituna kubhanga mbandu ya mundu ni kukala fiyele kwa Jihova?

1. Kyebhi o Jikidistá jakidi kyatala o jinguvulu?

O Jikidistá a xila o jinguvulu. Etu tubhanga kala kyazwela Jezú, “Bhanenu-phe Sézalu, kya tokala Sézalu.” Kiki kilombolola kwila, etu tubelesela o ijila ya ixi kala o kufuta o lubhaku. (Máluku 12:17) O Bibidya ilonga kwila, kwene jinguvulu mukonda Jihova mwene wa ehela o kutumina. (Loma 13:1) Mukonda dya kiki tuxikina o ungana wala nawu o jinguvulu. Twejiya kwila Nzambi ni utuminu wê ene ngó atena kuzubha o maka oso mu ngongo.

2. Kyebhi kitutena kulondekesa kwila, kitubhange mbandu ya mundu?

Kala Jezú, etu kitwene mudita mu maka a jinguvulu. Kyoso o athu kya mono o madiwanu abhange Jezú, amesenene ku mubhanga sobha, maji mwene waditunu. (Nzwá 6:15) Mukonda dyahi? Mukonda dya izwelu yatumbula kupholo kyoso kyambe: ‘Eme o usobha wami, ki utokala mu ngongo.’ (Nzwá 18:36) Kuma tumaxibulu a Jezú, etu tulondekesa kwila kitubhange mbandu ya mundu mu maukexilu avulu. Mukifika etu kitwene muya mu ita. (Tanga Mikeya 4:3.) Etu kituzembe mba tukwatekesa kibuka kya jinguvulu mba o atwameni a ibuka yiyi. Etu tuxila o ixi mutwatungu maji kitwene muximana o dibandela mba kubhanga ima kala yiyi. (1 Nzwá 5:21) Ya ene o maukexilu utulondekesa o ufiyele wetu ku unguvulu wa Nzambi.

 DILONGE DINGI

3. O Jikidistá jakidi kene mubhanga mbandu ya mundu yú mu maukexilu oso

Jezú ni akayedyê kexile mubhanga mbandu ya mundu yú. Etu we twatokala kukayela o phangu yâ. Tanga Loma 13:1, 5-7 ni 1 Phetele 2:13, 14. Tala OVIDYU Mukusuluka bhanga o ibhwidisu ya kayela.

• Mukonda dyahi twatokala kuxila o jinguvulu?

• Mu maukexilu ebhi utulondekesa kwila, twamubelesela o jinguvulu?

Mu ithangana ya ita sayi ifuxi amba kwila, kene mudita mu maka ajinguvulu maji mu kidi ene mu kwatekesa o ibuka yene mubhânga. Maji ihi ilombolola kudituna kubhanga mbandu ya mundu yú? Tanga Nzwá 17:16. Tala OVIDYU mukusuluka bhanga o kibhwidisu kya kayela.

• Ihi ilombolola kudituna kubhanga mbandu ya mundu yu?

Maji se o jinguvulu amesena kwila tubhanga ima yo fidise mu mak’â Nzambi? Tanga Ikalakalu 5:28, 29, tala OVIDYU mukusuluka bhanga o ibhwidisu ya kayela.

• Se o ijila ya athu itutuma kubhanga ima ki ilungu ni itumu ya Nzambi, kyebhi o kima kitweji sola o kubhanga?

• Mudyé, mu ima yebhi o Jikidistá kene mubelesela yó ala ni maungana?

 4. Kana kudita mu maka ajinguvulu kikale mu ixinganeku mba mu ibhangelu

Tanga 1 Nzwá 5:21, tala OVIDYU mukusuluka bhanga o ibhwidisu ya kayela.

• Mu vidyu itwamono, mukonda dyahi phange Ayenge waditunu kubhanga mbandu mu kibuka kya jinguvulu, né kubhanga ima kala kuximana o dibandela?

• Mudyé, o kwila mwene wasolo kyambote?

Ima yebhi dingi itena kutubhangesa kudita mu maka a jinguvulu? Tala OVIDYU, mukusuluka bhanga o ibhwidisu ya kayela.

• Se o ixi yetu ya muzoka ni ixi ya mukwa, kyebhi kitulondekesa kwila kitudite mu maka ajinguvulu?

• Kyebhi kitulondekesa kwila kitudite mu maka ajinguvulu kyoso o jinguvulu kyasola ima ya lungu netu?

• Kyebhi o ima itwivwa o athu kuzwela ni minangu mu mutelembe wa izuzumbya itena kutufunyisa kudita mu maka a jinguvulu?

 IHI IWADILONGO

O Jikidistá abhanga nguzu yavulu phala kadite mu maka a jinguvulu kikale mu ixinganeku, mu izwelu ni mu ibhangelu.

Kubhitulula

• Ihi itwatokala kubhana ku jinguvulu?

• Mukonda dyahi kitudite mu maka ajinguvulu?

• Ima yebhi itena kutubhangesa kudita mu maka ajinguvulu?