Yezu watâ ti milongoki miandi ka mifweti’â miasa “tintwari na nza ko.” (Za 15:19) Wuzololo tâ ti ka bafweti’â bakota misamu mia nza ko​—misamu mia politike na mizungu. Kâ, musamu wa mpasi we mu lembo kota misamu mia nza. Bantu balendi tu sehesela mu bungu dia musamu wo. Bwe lendi sa mu lembo kotaka misamu mia nza na mu bâ wa kwikama kwe Yehova?

1. Bwe Bakristo ba matieleka bamwinaka guvernema za bantu?

Bakristo guvernema bazitisaka. Misamu mia tuma Yezu tuyirikaka mpe mbo ‘tukârisaka bima bia Sezare kwe Sezare’—​buna, mu misiku mia nsi tutumamaka, ntiana musiku wutulombaka mu futa mpaku. (Marke 12:17) Bibila mbo ditulongesaka ti guvernema za bantu Nzambi wahana zo nzila mu yâla. (Bisi-Rome 13:1) Buna, tuzebi ti guvernema za bantu ka zena na lutumu lwa lunga ko. Nzambi’eto na Timfumu tiandi tusikirilaka mu yirika misamu mia bantu.

2. Bwe tulendi songela ti ka tukotaka misamu mia nza ko?

Ntiana Yezu, ka tusaka politike ko. Bantu bu bamona timangu tia sa Yezu mpe bu bayêla mu mu sa mutinu ha mutoto, Yezu ka tambula ko. (Za 6:15) Mu bungu dia nti? Mu bungu ti, ntiana bu katâ wo ha manima: “Timfumu tiani ka tiena tia nza yi ko.” (Za 18:36) Ntiana milongoki mia Yezu, mu mpila zazingi tusongelaka ti ka tukotaka misamu mia nza ko. Mu tifwani, ka tukotaka mizingu ko. (Tanga Mika 4:3.) Bidimbu bia nsi tuzisaka​—ntiana drapo—​kâ katukembelaka bio ko. (1 Za 5:21) Mpe katusikirilaka mfumu na bimvuka bia politike ko. Mu mpila zo na zakaka, mbo tusongelaka ti ba kwikama twena mu Timfumu tia Nzambi.

 YIKA NDILU

3. Bakristo ba matieleka ka bakotaka misamu mia nza ko

Yezu na milongoki miandi batusongela tifwani. Tangeno Bisi-Rome 13:1, 5-7 na 1 Piere 2:13, 14. Ha manima, taleno VIDEO mpe zonzeleno biyuvu bita landa.

• Mu bungu dia nti tufweti zitisaka guvernema?

• Bwe tulendi songela ti za tuzitisaka?

Mu ntangu ya muzingu, nsi zilendi tâ ti ka zikotaka misamu mia nza ko, kâ zilendi hana lubakusu ku nsi zakaka zita nwana. Lembo kota misamu mia nza kwa matieleka ni kwe? Tangeno Za 17:16. Ha manima, taleno VIDEO mpe zonzeleno tiyuvu tita landa.

• Lembo kota misamu mia nza, bwe wuta zolo tâ?

Mbo tala ti luyalu lulombele mu yirika musamu wutelamanaka musiku wa Nzambi? Tangeno Bisalu 5:28, 29. Ha manima, taleno VIDEO mpe zonzeleno biyuvu bita landa.

• Mbo tala ti musiku wa bantu ka wuta delakana na musiku wa Nzambi ko, ntia musiku landa?

• Ngano lendi banza misamu Mukristo mi kalendi lembo tumamana luyalu?

 4. Kukotandi misamu mia nza mu mabanza na mu nsalulu

Tangeno 1 Za 5:21. Ha manima, taleno VIDEO mpe zonzeleno biyuvu bita landa.

• Mu video, mu bungu dia nti Ayenge kasola mu lembo kota mu timvuka tia politike peleko mu kembela bidimbu bia hata ntiana drapo?

• Ngano benzi ti nzengolo ya mbote kabonga?

Ntia misamu miakaka milendi tutuma mu kota misamu mia nza? Taleno VIDEO, mpe zonzeleno biyuvu bita landa.

• Bwe tulendi lembo kotela misamu mia nza mu mikembo mia sport?

• Bwe tulendi lembo kotela misamu mia nza ni bu sa ti ka tuta bakila ndandu mu nzengolo za bantu ba politike ko?

• Bwe zurnale peleko bimvuka biakaka bilendi tu tuma mu kota misamu mia nza?

 MU BUKUFI

Bakristo ngolo basarilaka mu lembo kota misamu mia politike mu mabanza, mu nzonzolo na mu nsalulu.

Biyuvu bia mbambukulu

• Nti tufweti saka mu bungu dia guvernema?

• Mu bungu dia nti tufweti lembo kotaka misamu mia politike?

• Ntia misamu milendi tu tuma mu kota misamu mia nza?