CIIYO 45
Ncocaamba Kutaabanamo Lubasu Mushacishi
Yesu wakaiisha bashikwiiya bakwe ayi “tamubete bamucishi.” (Joni 15:19) Ici cileelikaawo kutaabanamo lubasu mushamapolitiki alimwi amunkondo. Kwalo kutaabanamo lubasu mushacishi teshi cintu cuubu. Bantu inga batuseka ceebo cakucita boobo. Ino inga twacita buyani kwaamba ayi tutolelele kushomeka kuli Yehova Lesa akutaabanamo lubasu mushacishi?
1. Ino Beneklistu bancine balashibona buyani mfulumeende sha bantu?
Beneklistu balalemeka mfulumeende sha bantu. Tulacita bweenka mbuli mbwakaamba Yesu ayi “amupe Sisa shintu shakwe Sisa”—aboobo tulanyumfwila milawo yamucishi, mbuli kulipila misonko mushintu shiyandika ayi tucite boobo. (Maako 12:17) Baibo ilaamba ayi mfulumeende sha bantu shitokweendelesha ceebo cakwaamba ayi Yehova wasuminisha ayi cibe boobo. (Bene Loma 13:1) Aboobo tulishi kwaamba ayi mfulumeende sha bantu tashicite nkusu kwiinda Lesa. Tulalangila kuli Lesa kwaamba ayi lakwe eenkabo ngweshi akamane mapensho oonse kwiinda mu Bwaami bwakwe bwa kwiculu.
2. Ino inga twatondesha buyani ayi tatwaabanimo lubasu mushacishi?
Bweenka mbuli Yesu, tatwaabanimo lubasu mushamapolitiki. Bantu ndyebakabona caankamiko comwi pa shaankamiko Yesu nshaakacita, bakalinga kusuni kumubika pa bwaami, sombi wakakaka. (Joni 6:15) Ino nceebonshi? Wakacita boobo ceebo cakwaamba ayi, ‘Bwaami bwakwe tebwakalinga bwamucishi capanshi.’ (Joni 18:36) Mbuli bashikwiiya bakwe Yesu, tulatondesha ayi tatwaabanimo lubasu mushacishi munshila shiinji. Kucakubonenaako, tatuyi kunkondo. (Amubelenge Mika 4:3.) Nabi kwaamba ayi tulatondesha bulemu kushintu shiimikaninaako cishi mbuli—ma fulagi—tatushilambili. (1 Joni 5:21) Alimwi tatubi kulubasu lwa cipani na shimapolitiki uli woonse. Munshila iyi alimwi anshila shimwi, tulatondesha patuba kwaamba ayi tulashomekabo kumfulumeende yakwe Lesa, nkokwaamba ayi Bwaami bwakwe.
AMWIIYILEWO ASHIMWI
Amulange lange akuyeeya bukaalo bweenga bweelesha kutaabanamo lubasu kwanu mushacishi. Amubone nsheenga mwaciita kwaamba ayi musale sheenga shasangalasha Yehova.
3. Beneklistu bancine tabaabanimo lubasu mushacishi
Yesu abashikwiiya bakwe bakatutondesha cakubonenaako cibotu. Amubelenge Bene Loma 13:1, 5-7 alimwi a 1 Pita 2:13, 14. Lyalo, amweebele VIDYO akubandika miipusho itokonkelaawo.
-
Ino nceebonshi tulyeelete kulemeka mfulumeende sha bantu?
-
Ino inga twatondesha buyani ayi tulabanyumfwila?
Na kwaba nkondo, shishi shimwi balaamba ayi tabaabanimo lubasu mushacishi, sombi balacafwilisha mbasu shoonse shobilo sha baabo batolwana. Ino kutaabanamo lubasu mushacishi cilaamba nshi? Amubelenge Joni 17:16. Lyalo, amweebele VIDYO akubandika mwiipusho utokonkelaawo.
-
Ino kutaabanamo lubasu mushacishi cilaamba nshi?
Ino inga mwacita buyani na mfulumeende yamulwiita kucita cimwi citeendelani amulawo wakwe Lesa? Amubelenge Milimo 5:28, 29. Lyalo, amweebele VIDYO akubandika miipusho itokonkelaawo.
-
Na mulawo wa bantu tautokweendelana amulawo wakwe Lesa, ino ngumulawo uli ngotweelete kunyumfwila?
-
Sa kuli bukaalo bumwi buli boonse mbweenga mwayeeya Beneklistu ndyebateelete kunyumfwila beendeleshi?
4. Mutaabanimo lubasu mushacishi nabibo mushintu nshemuyeeya akucita
Amubelenge 1 Joni 5:21. Lyalo, amweebele VIDYO akubandika miipusho itokonkelaawo.
-
Kweelana anshomweebela muvidyo, ino nceebonshi ba Ayenge bakakaka kunjila mucipani camapolitiki na kwaabanamo lubasu mukutondesha bulemu ku fulagi?
-
Sa mutoobona ayi bakasala kabotu?
Ino mbukaalo nshi bumwi bweenga bweelesha kutaabanamo lubasu kwesu mushacishi? Amweebele VIDYO, akubandika miipusho itokonkelaawo.
-
Ino inga twatolelela buyani kutaabanamo lubasu mushacishi ndyetutokweebela shisekano na batoopiingana mba kushishi shipusenepusene?
-
Ino inga twatolelela buyani kutaabanamo lubasu mushacishi nabi kwaamba ayi shasala beshimapolitiki shitootukuma?
-
Ino makani ngotunyumfwa pamanyusi na shaamba baabo mbotusekanaabo inga shakuma buyani kutaabanamo lubasu kwesu mushacishi?
Ino mu mbasu shimwi shili Mwineklistu ndyaayandika kutolelela kutaabanamo lubasu mushacishi mushintu nshayeeya akucita?
BAMWI INGA BAMWIIPUSHA AYI: “Ino nceebonshi tamutondeshi bulemu ku fulagi na kwiimba lwiimbo lwacishi?”
-
Ino inga mwakumbula buyani?
CITEENTE CINENE
Beneklistu balasebensa cankusu kwaamba ayi batolelele kutaabanamo lubasu mushacishi nabibo mushintu nshebayeeya, nshebaamba, alimwi anshebacita.
Kwiindulukaamo
-
Ino nshiinshi nshotweelete kupa kumfulumeende?
-
Ino nceebonshi tulyeelete kutolelela kutaabanamo lubasu mushamapolitiki?
-
Ino mbukaalo nshi bweenga bweelesha kutaabanamo lubasu kwesu mushacishi?
AMULANGWETEEWO ASHIMWI
Ino nkulyaaba kwa buyani nkweenga twayandika kucita kwaamba ayi tutolelele kutaabanamo lubasu mushacishi?
Ino bamumukwashi inga bacita buyani kwaamba ayi balibambilile limwi meelesho akutaabanamo lubasu mushacishi?
Kutabanaamo Lubasu Mushamapolitiki Pashakucitika Shamucishi (4:25)
Ino nceebonshi kwaabanamo lubasu munkondo kwaamba ayi muntu ashitilishe cishi mwaakala teshi nkokutondesha bulemu bwiinditeewo?
Amuyeeye mbweenga mwatondesha ayi “tamubete bamucishi” ndyemutosala makani ancito.
‘Uli Woonse Ulaakulinyamwita Mukuli Wakwe’ (Njashi Yamulindilishi, March 15, 2006)
You May Also Like
MIIPUSHO LIINJI BANTU NJOBEPUSHA
Ino Nshiinshi Nsheenga Mweeya Ndyemutokwiiya Baibo a Bakamboni Bakwe Yehova?
Ndyemutokwiiya Baibo a Bakamboni Bakwe Yehova kwakubula kulipila, inga mwasebensesha Baibo ili yoonse. Mulyangulukite kwiitako bamumukwashi wanu na beshicibusa banu bali boonse mbweenga mwasuna kucanikaawo paciiyo.
