YOFUNJEDHA 45
N’nga a-kala ikundo yailambo unothapulelan’ni?
Yesu atoofunji-a ira anama-arelee “katinofwanela kala ikundu ya ilambo.” (Juwau 15:19) Vyevi vinothapulela a-volowela ndale venango kondo dhinoireya muilamboi. Mbwenye irana vyevi kai okweya thitho atu tanooda ninyoza venango nitheya namwasa o-oirana vyongo vyailamboi. N’nga ninaire a-vi ira na-akale ikundu ya ilambo naifunelo yoi nikaleve ororomeleya wa Yohova Nlungu?
1. N’nga Makristau aimbarimbari tanothonyi-edha a-vi ira tanolemeza mautongi aatu?
Makristau tanolemeza mautongi aatu vovwela vyaongile Yesu ira, “velelani vyongo vya Kaisara wa Kaisara.” Ee-no, ninovwela malamulo ailambo inokala i-yo oi anothangani-anavo komi-a misoko. (Marku 12:17) Bibilya linoonga ira anamatonga aatu tatokalavo namwasa oi Yohova utoarumeli-a ira tatongenga. (Aroma 13:1) Ee-no ninozindiyela ira anamatonga aatu tatokaana madile, venango ira kopolo dhoyeva, voafwanafwani-edha na Nlungu. Ninoidhiwa ira Nlungwi-u ekene ngunofuna dhamali-a nyarwa dhothene dhaatu vo-indi-edha basa Umwenee.
2. N’nga ninathonyi-edhe a-vi ira kanili ikundu ya ilambo?
Mofwanafwana na Yesu, i-yo thitho kaninoirana vyandale. Vahora inango atu tangaoni vyodabwi-a vyairile Yesu, tafuna m’sakula ira akale mwene mbwenye liye atookonda. (Juwau 6:15) Mwasiwa ngwan’ni Yesu atookonda? Liye aongile ira, “Umwenanga kai wailamboi.” (Juwau 18:36) Voi nili anamafunjedha a Yesu, i-yo thitho ninokonda kala ikundu yailambo thitho ninoira vyevi mudhila dho-iyana i-yana. Mofwanafwani-a, kaninokoma kondo. (Muleri Mika 4:3.) Angalive ira vizindiyelo ninga bandera ninoviona ira pyofuneya, mbwenye kaninovilambela namwasa oi irana vyevi uli ninga lambela mafwano. (1 Juwau 5:21) Thitho kaninoira ikundu venango runi-a partidu inango ili yothene thangani-avo na anamasogolela. Nairanga vyevi ninothonyi-edha ira nili ororomeleya na rima wethene wu utongi wa Nlungu venango ira Umwenee.
FUNJEDHANI VINJINJI
Muone vyongo vinairi-e ira vikale vyorucha ira mwa-akale ikundu ya ilambo, mwamala thuulelani mwemo munasakulenyo vyongo vinomsangalali-a Yohova.
3. Makristau aimbarimbari katinokala ikundu ya ilambo
Yesu na anama-arelee tatothonyi-edha ifwanafwani-o yapama maningi vamwasa wen’na. Muleri Aroma 13:1, 5-7 na 1 Pedru 2:13, 14. Mwamala, muonele VIDIYO notapanya vyofuka vyo-arelavi.
-
Mwasiwa ngwan’ni ninofwanela lemeza anamatonga aatu?
-
N’nga pivyongo viivi vinaire i-yo vothonyi-e ira ninoavwela?
Vahora yakondo, vilambo vinango vinoonga ira katili ikundu ya gulu n’nango lilothene la kondo, mbwenye anofwanyeya ira anaakami-a magulu amelene tanowanao. N’nga a-kala ikundu ya ilambo unothapulelan’ni? Muleri Juwau 17:16. Mwamala, muonele VIDIYO notapanya yofuka yo-arelai.
-
N’nga a-kala ikundu ya ilambo unothapulelan’ni?
N’nga munaire a-vi akala andimuwa aanamatonga tanofuna ira muire vyongo vyoruni-ana na malamulo a Nlungu? Muleri Mayirelo 5:28, 29. Mwamala, muonele VIDIYO notapanya vyofuka vyo-arelavi.
-
Akala vinoonga malamulo aatu pyoruni-ana na vinoonga lamulo la Nlungu, n’nga ninofwanela vwela lamulo laani?
-
N’nga munothuulela ira Kristau kanofwanela vwela anamatonga ailambo va vyongo ninga viivi?
4. Murambelenga thuulela noirana vyongo vyothonyi-edha ira muli ikundu ya ilambo
Muleri 1 Juwau 5: 21. Mwamala, muonele VIDIYO notapanya vyofuka vyo-arelavi.
-
Vidiyonimu, mwasiwa ngwan’ni Ayenge atokonda volowa partidu venango irana myambo yothonyi-edha dhiveliwana ilamboiwa venango ninga lambela bandera?
-
N’nga munothuulela ira liye atosakula vyongo mwazelu?
N’nga pivyongo viivi vinango vinairi-e ira vikale vyorucha sakula a-kala ikundu ya ilambo? Muonele VIDIYO, mwamala mutapanye vyofuka vyo-arelavi.
-
N’nga ninathonyi-edhe a-vi ira kanili ikundu ya ilambo vahora inoireya mipikisano yamasika avilambo vyo-iyana i-yana?
-
N’nga ninathonyi-edhe a-vi ira kanili ikundu ya ilambo akala ira atu andale tatosakula vyongo vyapama venango vyothakala vyoi vinooda kuza ingumi yi-u?
-
N’nga vinoleri i-yo novuruwana venango vinovwa i-yo waatu anoawaredhana i-yo vinanikuze a-vi vamwasa o-okala ikundu ya ilambo?
N’nga kristau unofwanela rambela thuulela noirana vyongo vivi vyothonyi-edha ira uli ikundu ya ilambo?
MUTU UNANGO UNOODA UFUKANI IRA: “Mwasiwa ngwan’ni kamuno lambela bandera venango omba nyumbo ya ino nasional?”
-
N’nga munam’mwakule a-vi?
MAKUNDO OGWANDELA
Makristau tanodhilimbi-edha rambela thuulela, onga noirana vyongo vinaairi-e kala ikundu ya ilambo.
Vyofuka vyowelela
-
Mwasiwa ngwan’ni ninofwanela lemeza anamatonga aatu?
-
Mwasiwa ngwan’ni kaninofwanela volowela ndale dhailambo?
-
N’nga pivyongo viivi vinairi-e ira nikale ikundu ya ilambo?
IDHIWANI VINJINJI
N’nga ninarumele i-yachi vyongo viivi naifunelo yo-i na-akale ikundu ya ilambo?
N’nga mabanja tanakozeele a-vi rambela vyowesedha vyoi vinoairi-a ira takale ikundu ya ilambo?
Tisamachite Zinthu Zosonyeza Kuti Tili Mbali ya Dziko Tikakhala Pagulu (4:25)
Mwasiwa ngwan’ni vunela ilambwinyu kai ofuneya maningi vofwanafwani-edha nodhivelela wa Nlungu?
Muone vinaukami-eni ira mwa-akale uikundu ya ilambo mwasakulanga basa linofunanyo laba.
“Yense Adzasenza Katundu Wake wa Iye Mwini” (Nsanja ya Olonda, 15 wa Março wa 2006)
