Tqʼama Jesús jlu kye t-xnaqʼtzbʼen: «Mya te twitz txʼotxʼ qeye» (Juan 15:​19). ¿Tiʼ t-xilen jlu? A t-xilen tuʼn miʼn qonin moqa tuʼn miʼn qmojin kyiʼj aj kawil nix tuʼn qxiʼ kyoj qʼoj. Noqtzun tuʼnj, kwest jaku tzʼela jlu te qe, axpe ikx jaku che jaw tzeʼn txqantl qiʼj. ¿Tiʼ jaku bʼant quʼn tuʼn miʼn tokx qqʼon qibʼ kyxol xjal te twitz txʼotxʼ ex tuʼn kukx qten tzʼaqli twitz Jehová?

1. ¿Alkye kyximbʼetz okslal axix tok at kyiʼj aj kawil?

In nok kyqʼoʼn okslal axix tok kyoklen aj kawil. Tqʼama Jesús jlu: «Kyqʼonxe te gobierni aju te gobierni». Atzun jlu in bʼant quʼne. In xi qnimane qe ley ateʼ toj tnam, ik tzeʼn tuʼn t-xi chjet impuesto (Marcos 12:​17). In tzaj t-xnaqʼtzaʼn Biblia qa o txi tqʼoʼn Jehová ambʼil kye president tuʼn kykawin (Romanos 13:1). Tuʼn jlu in nel qnikʼ tiʼj qa noq chʼin kyoklen aj kawil at. Qʼuqli qkʼuʼj tiʼj qa kxel tbʼinchaʼn Tkawbʼil Dios tiʼj tkyaqil nya bʼaʼn at twitz Txʼotxʼ.

2. ¿Tzeʼn in kubʼ qyekʼin qa mintiʼ in nokx qqʼon qibʼ kyxol xjal?

Ik tzeʼn bʼant tuʼn Jesús, mintiʼ in nokx qqʼon qibʼ toj política. Tej tok kykeʼyin xjal jun milagr bʼant tuʼn Jesús, ok tilil kyuʼn tuʼn tok kyqʼoʼn te aj kawil, pero mintiʼ xi tqʼoʼn ambʼil kye (Juan 6:​15). ¿Tiquʼn? Ax Jesús qʼamante jlu: «Aju nkawbʼile mya te twitz txʼotxʼ» (Juan 18:​36). In kubʼ kyyekʼin t-xnaqʼtzbʼen Jesús toj nimku tumel qa mintiʼ in nokx kyqʼon kyibʼ kyxol xjal. Jun techel, mintiʼ in cheʼx toj qʼoj (uʼjinktza Miqueas 4:3). In nok qqʼoʼne kyoklen símbolos patrios ik tzeʼn bandera, pero mintiʼ in nok qqʼoʼne saludo twitz tuʼnju ik tten jlu ik tzeʼn tuʼn qkʼulun twitz jun tilbʼilal (1 Juan 5:​21). Ax ikx, mintiʼ in qo onine tiʼj jun partido político nix tiʼj jun aj kawil ex mintiʼ in qo yoline nya bʼaʼn kyiʼj. Iktzun tten in kubʼ qyekʼine qa in qo onine oʼkx tiʼj Tkawbʼil Dios, aju gobierno o kubʼ tqʼoʼn toj kyaʼj.

 QO JYON MAS TQANIL

3. Mintiʼ in nokx kyqʼon kyibʼ axix tok okslal kyxol xjal

Kyaj tqʼoʼn Jesús ex qe t-xnaqʼtzbʼen jun tbʼanel techel qwitz. Kyuʼjinktze Romanos 13:​1, 5 a 7 ex 1 Pedro 2:​13 ex 14. Yajxitl kyqʼonke kywitze tiʼj VIDEO ex che yoline kyiʼj xjel lu:

• ¿Tiquʼn bʼaʼn tuʼn tok qqʼoʼn kyoklen aj kawil?

• ¿Tzeʼn jaku kubʼ qyekʼin qa in qo nimen kye aj kawil?

Toj junjun tnam, in tzaj kyqʼamaʼn xjal qa mintiʼ in cheʼx toj qʼoj, pero in che onin tiʼj jun kʼloj xjal aj tok qʼoj kyuʼn. ¿In tzajpe tyekʼin jlu qa mintiʼ in che onin tiʼj qʼoj? Kyuʼjinktze Juan 17:​16. Yajxitl kyqʼonke kywitze tiʼj VIDEO ex che yoline tiʼj xjel lu:

• ¿Tiʼ t-xilen tuʼn miʼn tokx qqʼon qibʼ kyxol xjal?

At maj in tzaj kyqʼamaʼn aj kawil tuʼn tkubʼ qbʼinchaʼn jun tiʼ aju mintiʼ in tzaj tqʼoʼn Dios ambʼil te tuʼn tbʼant quʼn. ¿Tiʼ kbʼantel quʼn toj ambʼil aju? Kyuʼjinktze Hechos 5:​28 ex 29. Yajxitl kyqʼonke kywitze tiʼj VIDEO ex che yoline kyiʼj xjel lu:

• Qa ma tzaj kyqʼamaʼn aj kawil tuʼn tbʼant jun tiʼ quʼn aju mintiʼ in tzaj tqʼoʼn Dios ambʼil te, ¿alkye kxel qbʼiʼn?

• ¿In nulpe jun ambʼil toj twiʼya jatumel mlay qo nimen kye aj kawil?

 4. Qyekʼinx tukʼil qximbʼetz ex qbʼinchbʼen qa mintiʼ in nokx qqʼon qibʼ kyxol xjal

Kyuʼjinktze 1 Juan 5:​21. Yajxitl kyqʼonke kywitze tiʼj VIDEO ex che yoline kyiʼj xjel lu:

• ¿Tiquʼn kubʼ t-ximen Ayenge tuʼn miʼn tokx tqʼon tibʼ toj jun partido político nix tuʼn tok tqʼolbʼeʼn bandera?

• ¿In kubʼpe t-ximana qa kubʼ tbʼinchaʼn aju mas bʼaʼn?

¿Toj alkye junjuntl ambʼil jaku qo ok obligarin kyuʼn xjal tuʼn qonin kyiʼj? Kyqʼonke kywitze tiʼj VIDEO ex che yoline kyiʼj xjel lu:

• ¿Tzeʼn jaku kubʼ qyekʼin qa mintiʼ in nokx qqʼon qibʼ kyxol xjal aj tok jun saqchbʼil kyxol kabʼe tnam?

• ¿Tiʼ jaku tzʼonin qiʼj tuʼn miʼn tokx qqʼon qibʼ kyxol xjal aj tkubʼ kyximen aj kawil tuʼn tbʼant jun tiʼ kyuʼn?

• ¿Tiʼ jaku tzaj qiʼj qa naqʼli qoʼ tuʼn qbʼiʼn noticia kyiʼj aj kawil moqa in nok qmojbʼan qibʼ kyukʼil xjal kygan tuʼn kyyolin tiʼj política?

 TOJ CHʼIN YOL

In nok tilil kyuʼn axix tok okslal tuʼn miʼn tokx kyqʼon kyibʼ kyxol xjal ex in kubʼ kyyekʼin jlu tukʼil kyximbʼetz, tukʼil kyyol ex kybʼinchbʼen.

Aju ma qo yolin tiʼj

• ¿Tiquʼn il tiʼj tuʼn qnimen kye aj kawil?

• ¿Tiquʼn mintiʼ in nokx qqʼon qibʼ toj política?

• ¿Toj alkye ambʼil jaku tzaj kyqʼamaʼn xjal qe tuʼn qonin kyiʼj?