Jesu wakavhunja vateveri vake kuti ‘vacaita divi ro nyika.’ (Johani 15:19) Izvi zvinobatanija kutama kunghwinira zvomatongehwe o nyika no hondo jo nyika. Zvokadi ngo zvokuti, azvizivi kureruka kutama kuva no divi ratinobesera. Kangaije tingatoguma pa kusekwa ngo vamweni ngo ndava yazvo. Tingaitisa kudini kuti titame kunghwinira shwiro jo nyika no kuramba takagondeka kuna Jehovha?

1. Ngo api mavonero o Makristu ngo pamusoro po utongi hwo vandhu?

Makristu anoreremeja utongi. Ngo kudaro, tinoita zvakananga Jesu kuti ‘ipanyi Sezari zviro zva Sezari.’ Izvi zvinoreva kuti, itusu tinozwira mutemo jo nyika no kushaba mushabo. (Marko 12:17) Bhaibheri rinojijisa kuti vatongi vo vandhu varipo ngokuti Jehovha ari kuvatendera kuti vatonge. (Varoma 13:1) Ngo kudaro, tinoziva kuti utongi hwo vandhu huno paunogumira. Asi itusu tinozwisisa kuti matongero avo aapindi a Jehovha. Tinozivazve kuti Mwari anozopeja matambujiko ari panyika ecishandisa Umambo hwake.

2. Tingakhombijisa kudini kuti atinghwiniri shwiro jo nyika?

Mukufanana na Jesu, itusu atizobatani no zvomatongehwe o nyika. Vandhu pavakavona mushamaiso wakaithwa ndi Jesu, ivona vakaeja kumuita mambo, asi iyena wakatiza. (Johani 6:15) Ngenyi iyena wakatiza? Zvaakazonanga pa mukuvo wakatevera zvinotipekeja mupinguro paakati, “Umambo hwangu ahuiti divi ro nyika ino.” (Johani 18:36) Ngo kuva kwedu vateveri va Jesu, tinokhombija kuti atiiti divi ro nyika ngo njira jakasiyana-siyana. Inga muezaniso, itusu atiendi ku hondo. (Verenganyi Mikeya 4:3.) Kunja kwaizvonazvo, itusu atiphikizi kana kutobesera mundhu ari kuvhotwaro. Tinoreremeja nyika yatinogararo asi atinamati bandera kana zvimweni zvakaezana. (1 Johani 5:21) Aya ndiwona manera atingatatija ndiwona kuti takagondeka ku Umambo hwa Mwari.

 NASANYI KUPSAKISISA

3. Makristu okadi aanghwiniri mu shwiro jo nyika

Jesu no vajiji vake avazivi kunghwinira mu shwiro jo nyika, na itusuvo tinodikana kutevejera muezaniso wavo. Verenganyi Varoma 13:1, 5-7 na 1 Pedhru 2:13, 14. Perapo, rijanyi VHIDHIYO no kubhuisana ngo muvhunjo jinotevera.

• Ngenyi tinodikana kureremeja utongi hwo vandhu?

• Ngoapi manera atingakhombija kuti tiri kuzwira utongi hwavo?

Pa mukuvo wo hondo, majinja amweni anonanga kuti aaiti zvomatongehwe o nyika, anozopejisira ngo kubesera mativi ese o maviri. Asi zvinoda kurevenyi kutama kunghwinira mu shwiro jo nyika? Verenganyi Johani 17:16. Perapo, rijanyi VHIDHIYO tevere bhuisananyi ngo muvhunjo unotevera.

• Waro zvinoda kurevenyi kutama kunghwinira mu shwiro jo nyika?

Ngozvapi zvataizoita kudari utongi hwo vandhu hukativhunja kuita zviro zvicikazwirani no mutemo wa Mwari? Verenganyi Mabasa o Vapostori 5:28, 29. Perapo, rijanyi VHIDHIYO no kubhuisana ngo muvhunjo jinotevera.

• Kudari mutemo wakadihwa ngo vandhu ukahwisana no mutemo wa Mwari, itusu taizozwira ani?

• Munokwanisa kurangarira mugariro uri wese wokuti Makristu acaizozwira utongi hwo vandhu?

 4. Mucaita divi ro nyika mu murangariro no zviito

Verenganyi 1 Johani 5:21. Perapo, rijanyi VHIDHIYO no kubhuisana ngo muvhunjo jinotevera.

• Pa vhidhiyo, ngenyi Ayenge wakasunga kutama kunghwinira mu zvomatongehwe o nyika kana kubatikana pa kunamata bandera?

• Munorangarira kuti wakatema civaringo caushoni?

Ngojapi mugariro jimweni jingaeja kutama kwedu kunghwinira mu shwiro jo nyika? Rijanyi VHIDHIYO, perapo bhuisananyi ngo muvhunjo jinotevera.

• Kudari nyika yedu ikaphikizana no nyika imweni, taizoitisa kudini kuti titame kunghwinira mu shwiro jakadaro?

• Tingaitisa kudini kuti titame kunghwinira mu shwiro jo nyika pikija utongi ukaita zvisungo zvinotibatanijavo?

• Zviro zvatinozwa ngo vandhu no notisiya zvingapsasisa kudini kutama kwedu kotakapeamira?

 ZVOTAJIJA

Makristu anoita zvese zvaanokwanisa kuti atame kuita divi ro nyika mu murangariro, magama no zviito.

Kuhwirijira

• Ngozvapi zvatinodikana kupekeja utongi hwo vandhu?

• Ngenyi atidikani kuva no divi ratinobesera ro zvomatongehwe o nyika?

• Ngojapi mugariro jingaeja kutama kwedu kunghwinira mu shwiro jo nyika?