Jësus hät sägt dat sijn jüngers ‘ni tauhööre däire tau dai wild’. (João 15:19) Dat bedüürt dat wij bloos God sijne Regirung bijståe un oos trööghule fon dai daile ine wild. Wij daue oos ni inlåte mit dai politik un kaine krijg bijståe. Wekmåls dat kan ni licht sin un wek daue oos sogår dårweegen uutspote. Wosoo oos ni inlåte mit dai daile ine wild un reäl tau Jehovaa sin?

1. Wat maine dai wår kristen oiwer dai lüür wat regijre?

Dai wår kristen daue dai wat regijre respektijre. Soo, måke wij wat Jësus sägt hät: “Betålt César, wat César tauhöört”. Dat bedüürt dat wij dai leis fon dem land horge daue, soo as dai stüür betåle. (Marcos 12:17) Dai Bijbel däit inlëre dat dai lüür daue bloos regijre weegen Jehovaa dat erlaube däit. (Romanos 13:1) Dårweegen wij waite dat dai regirungs macht häwe, åwer God sijn macht is feel gröter as der eer. Wij waite dat bloos God däit ales upe wild int raich bringe doir sijne Regirung wat im himel is.

2. Wosoo daue wij wijse dat wij gans un går reäl tau God sijne Regirung sin?

Grår soo as Jësus, wij daue oos ni inlåte mit dai politik. As Jësus air bewunrig dail måkt hät dat folk wul em taum köönig måke, åwer hai hät dat ni erlaubt. (João 6:15) Woweegen? Spåre hen hät Jësus dat antwoort: “Mij Regirung däit ni tauhööre tau dëse wild.” (João 18:36) Dat wij Jësus någåe, wij daue up feel årts wijse dat wij bloos God sijne Regirung bijståe un dårweegen wij daue oos ni mit dem krijg inlåte. (Lees Miqueias 4:3) Wij daue uk kaim bijståe wat sich wääle låte wil un kain politik grup, åwer wij sin ni gëgen eer. Un uk, wij daue dat respektijre wat tauhöört tau dem land woo wij wåne, soo as dai fån urer andrer daile, åwer wij ëre dai ni soo as wij God ëre. (1 João 5:21) Soo, wij wijse dat wij gans un går reäl sin tau God sijn Regirung.

 DAU MËR LËRE

3. Dai wår kristen daue ni tauhööre tau dai daile ine wild

Jësus un dai airste kristen häwe oos sër wat gaures inlërt wat wij nåmåke muite. Leest Romanos 13:1, 5 bet 7, 1 Pedro 2:13 un 14. Nåheer kijkt der VIDEO un fortelt oiwer dai frågen hijr uuner:

• Woweegen schåle wij dai respektijre wat regijre daue?

• Wosoo koine wij wijse dat wij dai horge daue?

Wen air krijg upkümt, wek land daue ni mank der krijg mankgåe, åwer daue dai bëre sijrer mithelpe up andrer årts. Den, wat bedüürt wirklig sich ni inlåte mit dai wild? Leest João 17:16. Nåheer kijkt der VIDEO un fortelt oiwer dai frågen hijr uuner:

• Wat bedüürt kain sijr bijståe?

Wen dai regirungs oos wat forlange wat gëgen God sijn lei is, wat måke wij den? Leest Atos 5:28 un 29. Nåheer kijkt der VIDEO un fortelt oiwer dai frågen hijr uuner:

• Wen ain lei wat dai lüür måkt häwe gëgen God sijn lei is, wat fon muite wij horge?

• Wonair döre dai kristen ni dai horge wat regijre daue?

 4. Wat wij denke un wat wij måke

Leest 1 João 5:21. Nåheer kijkt der VIDEO un fortelt oiwer dai frågen hijr uuner:

• Soo as in dem video weese hät, woweegen hät Ayenge sich uutsuikt ni inlåte mit dai politik un mit nischt wat dårmit besägen har?

• Mainst duu hai hät gaur uutsuiken måkt?

Wonair kan ni licht sin tau oos, oos ni inlåte mit dai daile ine wild? Kijkt der VIDEO. Nåheer fortelt oiwer dai frågen hijr uuner:

• Wosoo kan man wijse dat wij kain sijr bijståe wen dat land woo wij wåne esportes mökt gëgen anerd land?

• Wosoo kan man wijse dat wij kain sijr bijståe wen air wat regijrt wat uutsuike däit wat oos schåre kan?

• Wen wij gewoont sin oiwer politik kijke urer oos t’hoophule mit lüür wat hijr oiwer gërn fortele, wosoo kan dat oos angåe?

 WAT HÄWE WIJ HIJR LËRT?

Dai wår kristen daue sich sër anstrenge taum kain sijr bijståe doir dat wat sai denke, säge un måke.

Denk dij ais nå

• Wat besägen hät mit dai wat regijre, wat schåle wij måke?

• Woweegen daue wij oos ni inlåte mit dai politik?

• Wonair kan ni licht sin tau oos, oos ni inlåte mit dai daile ine wild?