Yéeso la gôôn ngié mégaŋa kwo pé «té pʉa njʉo wô» (Jang 15:19). Ayèe gnièe ngié po té pii pag na méno politik wô, mboo na no ntchou. A zaté lé zsé ngié, a té zéŋé lé pôôn na lépii pag tsèe yôôn njʉo wô. Ngouo yèe gʉo mé gniagté wégé mbing nzoonté wégé. Ngouo pégé gʉo lékô ta pégé lé pii pag tsèe yôôn njʉo wô mbing nkouè nnè na Jéova?

1. Mékréeté pé nénʉ giè ngoumnôôn wé pʉa mésong lékô?

Mékréeté na mékouʼ mbwo ngoumnôôn. Paʼ Yéeso la gôôn la, «Kréeté gwiée lé naa mmo kasa mbwo kasa». Ayôôn lôgô ngié a gwiée lé yiŋé na méloua mié ée tsèe ngoung, ano paʼ lépéen métaksé (Malékousé 12:17). Biible kiéʼtée ngié Jéova zo la zab pasaʼ ngoung pié ée wo (Roma 13:1). Awôb lésaʼ ping ngwiée lépaa. Pégé saŋa na Ssé po Léfouô sé si ée tʉo lépwo ngié gé gʉo to mag méngôʼ pʉa mésong.

2. Ngouo Kréeté gniè lékô ngié a té pii pag tsèe yôôn njʉo wô?

Paʼ Yéeso la, Pankuié Ntang Jéova té gʉo politik wô. A laa tso lièʼ Yéeso gʉo tso no môôn môôn, pʉa giè ntra lé lôgô yé ndôg ngʉo fouô a lʉʼ (Jang 6:15). Pouʼou nti kô? A la ying nto tso fʉʼ nkièʼté ngié «sé Léfouô té sé yôôn njʉo wô» (Jang 18:36). Aa lièʼôôn ngouo mégaŋa kwo Yéeso pôôn lé pii pag na yôôn njʉo na méchʉo ta ngiôôn. Paʼ po té gʉa ntchou wô (toŋo Miché 4:3). Po gwiée mékouʼ na ndrapo po ntsé ngoung, taʼ nké té gʉo tso choum sié é lôgô ndaʼté ngié po gouʼté sèe choum wô (1 Jang 5:21). Aa na no politik po té pii tsoo kang wô, nké té pʉa tsoo kang wô, ka po lé thié paʼ mé gé pii wôb na vot wô.

 YING NKUIʼI NZIʼI

3. Mékréeté pé nénʉ té pii pag na yôôn njʉo wô

Yéeso laa mégaŋa kwo pé la gnièe wégé fʉʼ yié pégé gwiée lé yiŋé moo. Toŋo Roma 13:1, 5-7 po 1 Piè 2:13, 14, mbing ntsôʼô VIDÉO, mbing ngôôn no na ménzaté mié ée mvfo.

• Nti kô pégé gwiée lé gniè mékouʼ nzém pasaʼ méngoumnôôn?

• Ngouo pégé gniè lékô ngié pégé suiʼi nnè mvfo pasaʼa?

Aa tam ntchou, tso mélaʼ gôôn ngié po té pii tso pag wô. Taʼ mé gia po toonté mékang mépʉa. Mé gôôn lé pii pag ngôôn kô? Toŋo Jang 17:16, ndéen nké ntsôʼô VIDÉO, mbing nna mbʉèe na yôôn nzèté:

• Lépôôn lépii pag aa légʉo lékô?

Pasaʼa pé ngoumnôôn lôôn suièe wou ngié o gʉo tso mmo yié loua Ssé té zuing, mba o gé gʉo lékô? Toŋo Mégang ntoum 5:28, 29, nging tsôʼô VIDÉO, mbing ngôôn no na ménzèté yié ée mvfo.

• Ngoumnôôn lôôn nnaa tsoo loua a wô wuié Ssé té zuing, mba o gé jouʼ ntchwo wô?

• Ée mèe méno mié ngouo é wo ssé, Kreété lʉʼʉ lé jouʼ ntchwo pasaʼa laʼ?

 4. Lépôôn lé pii pag na ménkouaŋa mégé mboo na ngʉoo méno mégé

Toŋo 1 Jang 5:21, ndéen nké ntsôʼô VIDÉO, mbing ngôôn no na ménzaté mié ée mvfo.

• Ayenge la lʉʼʉ lé pii pag na politik po lé zôb ntsé ngoung, mboo lé gouʼté drapo nti kô?

• O kouang ngié a la pi ndésiziông mboŋo?

Ée mèe méno mié ngouo é thié ssé, a lé zéŋé lé lʉôʼô politik wô? Tsôʼô VIDÉO, mbing ngôôn no na ménzaté mié ée mvfo.

• Ngouo o gʉo lékô ta o lé pii pag afʉʼ yié mé témé mballon wô?

• Ngouo pégé pôôn lé pii pag mvfo ngoumnôôn, mboo paʼ méloua mé né ntʉʉ lékô?

• Ngouo méno mié mé gôôn tsèe télé po radio gʉo lékô na wégé lépôôn té pii pag?

 TA O ZIʼII KÔ?

Aa na ménkouaŋa po méchouŋo, mboo ngʉoo méno, Kréeté té gwiée lé pii pag ana politik wô.

Ta o né nkimté?

• Pégé gwiée lé gʉo lékô fʉʼ yié pégé ée mvfo ngoumnôôn?

• Kréeté té pii pag na politik wô nti kô?

• Ée mèe méno mié é waa nthié ssé a té zéŋé lé pôôn lépii pag wô?