EISHOMO 45
Eki Kirikumanyisa Okuteejwanzya omu Rwanju rw’Ensi
Yesu akeegyesa abakuratsi be ngu tibaine kuba “ab’ensi.” (Yohaana 15:19) Eki nikitwariramu okuteejwanzya omu by’obutegyeki n’entaro. Amazima gari ngu, ti kyorobi butoosha kutagwera orubaju. Nitubaasa kujumwa ahabw’enshonga egi. Nitubaasa kuguma tuta tutaine rubaju omu rwanju rw’ensi, kandi tukaguma tuhamiire ahari Yehova Ruhanga?
1. Abakristaayo abaabuzima baine miteekateekyere ki ahari gavumenti z’abantu?
Abakristaayo nibaha gavumenti ekitiinisa. Nitukora nk’oku Yesu yaagambire ngu “ebya Kaisaari mubihe Kaisaari,” ekirikumanyisa okworobera ebiragiro by’eihanga, nk’okushashura emishoro. (Mako 12:17) Baibuli neeyegyesa ngu gavumenti z’abantu nizitegyeka ahabw’okugira ngu Yehova azikiriize kutegyeka. (Abarooma 13:1) N’ahabw’ekyo nitumanya ngu gavumenti z’abantu ziine obushoboorozi buringaniire, nari obwine obugarukiro. Nitwesiga Ruhanga ngu niwe araiheho oburemeezi bw’abantu, arikukoresa Obukama bwe obw’omu iguru.
2. Nitubaasa kworeka tuta ngu titurikwejwanzya omu rwanju rw’ensi?
Nka Yesu, titurikwejwanzya omu by’obutegyeki. Abantu ku baareebire kimwe aha by’okutangaaza bya Yesu, kandi bakenda kumwemeka kuba omugabe omu nsi, tarabaikiriize kukikora. (Yohaana 6:15) Ahabw’enki? Bwanyima akabagira ati: “Obugabe bwangye ti bw’ensi egi.” (Yohaana 18:36) Naitwe kushushana n’abeegi ba Yesu, nitworeka ngu titurikwejwanzya omu rwanju rw’ensi omu miringo mingi. Nk’eky’okureeberaho, titurikuza kurwana omu ntaro. (Shoma Miika 4:3.) Nituha obumanyiso bw’eihanga ekitiinisa nk’ebendera, kwonka titurikuburamya. (1 Yohaana 5:21) Kandi titurikushagika ekibiina kyona eky’obutegyeki nari omwebembezi weena, nari kumuhakanisa. Omu miringo egi n’endiijo, nitworeka ngu nitushagika gavumenti ya Ruhanga, nibwo Obukama bwe.
SHWIJUMA GYE
Yetegyereze embeera ezirikubaasa kutureetera kugumirwa kuteejwanzya omu rwanju rw’ensi egi, n’oku orikubaasa kucwamu ebirikushemeza Yehova.
3. Abakristaayo abaabuzima tibarikwejwanzya omu rwanju rw’ensi
Yesu n’abakuratsi be bakatuteeraho eky’okureeberaho. Shoma Abarooma 13:1, 5-7 na 1 Petero 2:13, 14, bwanyima zaana VIDIYO kubaasa kugarukamu ebibuuzo ebirikukurataho.
-
Ahabw’enki twine kuha ekitiinisa ab’obushoboorozi omu nsi?
-
Nitworeka ngu nituboorobera mu miringo ki?
Omu bwire bw’orutaro, amahanga agamwe nigabaasa kugira ngu tigaine rubaju, kwonka nigabaasa kuba nigahwera ab’embaju zombi omu kurwanagana kwabo. Okuteejwanzya omu rwanju rw’ensi buzima nikimanyisa ki? Shoma Yohaana 17:16. Bwanyima, zaana VIDIYO kubaasa kugarukamu ekibuuzo ekirikukurataho.
-
Nikimanyisa ki okuteejwanzya omu rwanju rw’ensi?
Kandi shi ab’obushoboorozi baaba nibenda ngu okore ekintu ekirikuhenda ekiragiro kya Ruhanga? Shoma Ebyakozirwe 5:28, 29. Bwanyima, zaana VIDIYO kubaasa kugarukamu ebibuuzo ebirikukurataho.
-
Ekiragiro ky’abantu kyahakanisa ekya Ruhanga nitworobera eky’oha?
-
Noobaasa kuteekateeka aha mbeera obu Omukristaayo ataine kworobera ab’obushoboorozi?
4. Omu biteekateeko n’omu bikorwa, oteejwanzya omu rwanju rw’ensi
Shoma 1 Yohaana 5:21. Bwanyima, zaana VIDIYO kubaasa kugarukamu ebibuuzo ebirikukurataho.
-
Omu vidiyo, ahabw’enki Ayenge yaacwiremu kuteegaita aha kibiina ky’obutegyeki nari kwejumba omu mikoro y’eihanga, nk’okuteerera ebendera entamaamu?
-
Nooteekateeka ngu Ayenge akacwamu gye?
Nitubaasa kugumirwa kuteejwanzya omu rwanju rw’ensi mu mbeera ki ezindi? Zaana VIDIYO, kubaasa kugarukamu ebibuuzo ebirikukurataho.
-
Nitubaasa kwetantara tuta kugwera orubaju omu mizaano y’amahanga?
-
Nitubaasa kwetantara tuta okugwera orubaju n’obu ab’eby’obutegyeki baakucwamu ebirikutugasira nari ebitarikutugasira?
-
Banywani baitu nari amakuru nibibaasa kukwata bita aha ku turikutwara okuteejwanzya omu rwanju rw’ensi?
Ni ryari obu Omukristaayo ataine kwejwanzya omu rwanju rw’ensi egi omu biteekateeko n’omu bikorwa?
OMUNTU NAABAASA KUBUUZA ATI: “Ahabw’enki otarikuteerera ebendera entamaamu nari kweshongora ekyeshongoro ky’eihanga?”
-
Noobaasa kugarukamu ota?
OMU BUGUFU
Abakristaayo nibateeraho munonga kwetantara emiteekateekyere, emigambire, nari ebikorwa ebirikworeka ngu nibagwera orubaju omu by’obutegyeki.
Okweijutsya
-
Niki eki twine kuha gavumenti z’abantu?
-
Ahabw’enki twine kuguma tutaine rubaju omu by’obutegyeki?
-
Ni bintu ki ebirikubaasa kutureetera kwohibwa kwejwanzya omu rwanju rw’ensi?
JUMBURA EBINDI
Twine kwefeerereza ki kubaasa kwetantara okwejwanzya omu rwanju rw’ensi?
Ab’eka nibabaasa kwetebeekanisiza bata kare okwohibwa kwejwanzya omu rwanju rw’ensi?
Ahabw’enki omuntu okurwanirira eihanga rye tikyo kirikukirayo kumuhaisa ekitiinisa?
Yetegyereze oku orikubaasa kuguma otari w’ensi egi waaba noocwamu omurimo ogu oraakore.
‘Omuntu Weena Naija Kwekorera Omugugu Gwe Wenka’ (Omunaara gw’Omurinzi, Maaci 15, 2006)
Noobaasa Kukunda n'Ebi
EBIBUUZO EBIRIKUKIRA KUBUUZIBWA
Omushomo gw’Okwegyesa Baibuli ogw’Abajurizi ba Yehova Niki?
Omu ntebeekanisa ya busha ey’okuhikaanisa ebiteekateeko ey’Abajurizi ba Yehova, noobaasa kukoresa envunuura ya Baibuli yoona. Noobaasa kwega n’eka yaawe yoona nari kweta banywani baawe.
