Jesusca paipa discipulocunataca “na cai mundopi gentecunashnachu canguichi” nircami (Juan 15:19). Caita nishpaca, Jehovapa Gobiernotalla apoyashcata o neutral cashcata ricuchingapaj ni politicapi, ni guerracunapi na participan cashcatami nijurca. Pero caita ruranaca na siempre fácil canllu. Ni maijanba lado na tucushcamandami talvez huaquingunaca ñucanchimanda burlaringa. Shinapash ¿imashinata neutral cashcata o Jehovapa Gobiernotalla apoyashcata ricuchita ushapanchi?

1. Ciertopacha cristianocunaca ¿imashinata cai alpapi gobiernocunataca ricupanchi?

Cristianocunaca cai alpapi gobiernocunataca respetapanchimi. Jesusca “Roma llactapa reyman pagana cashcataca, Roma llactapa reyman pagaichi” nircami. Y chaita pactachingapami gobiernocunapa leycunata cazushpa impuestocunatapash pagapanchi (Marcos 12:17). Bibliapica Jehová Dios saquijpillami gentecunapa gobiernocunaca mandashpa catin ninmi (Romanos 13:1). Gentecunapa gobiernocunaca, Jehová Diospa Gobiernota yali jatunga na canllu. Ñucanchicunaca Jehovapa Gobiernolla cai mundopi tiashca llaquicunata y problemacunata tucuchinatami seguro capanchi.

2. Neutral cashcataca ¿imashinata ricuchita ushapanchi?

Jesuspa ejemplota catishpami ñucanchipash politicacunapica na chapuripanchi. Shuj milagrota rurajta ricushpami gentecunaca Jesustaca reyman tigrachingapaj munarca. Shinapash Jesusca paita reyman tigrachichunga na saquircachu (Juan 6:15). ¿Imamandata na saquirca? Jesusllatami: “Ñucapa Gobiernoca cai mundopi gobiernocunashnaca na canllu” nirca (Juan 18:36). Jesusta ciertopacha catijcunaca tucui cosascunapi neutral cashcatami ricuchipanchi. Por ejemplo, guerracunamanga na ripanchichu (Miqueas 4:3, liipangui). Shinapash llactapa banderacunata respetashpapash, chai banderacunapa ñaupapica na cunguripanchichu. Chaita rurashpaca yanga diosta adorajuj cuendallatami canman (1 Juan 5:21). Shinallata gobiernopi mandangapaj candidatocunapa lado o contrapash na tucupanchichu. Shina rurashpami Jehová Diospa Gobiernotalla tucui shunguhuan apoyajushcata ricuchipanchi.

 ASHTAHUAN YACHAJUPASHUNCHI

3. Ciertopacha cristianocunaca Jehovatallami apoyanchi

Jesús y paipa discipulocunapashmi ñucanchicunamanga ali ejemplota ricuchirca. Romanos 13:1 y 5​manda 7​caman y 1 Pedro 2:13 y 14​ta liipai. Chai jipaca VIDEOTA ricushpa, cai tapuicunata contestapangui:

• Autoridadcunataca ¿imamandata respetana capanchi?

• Autoridadcunata cazushcataca ¿imacunata rurashpata ricuchipanchi?

Guerra tiajpica huaquin llactacunaca neutralmi canchi nishpapash imatapash rurashpami ishcandi ladotallata apoyan. ¿Shina rurashpaca neutral cashcatachu ricuchinajun? Juan 17:16​ta liipai. Chai jipaca VIDEOTA ricushpa, cai tapuita contestapangui:

• Neutral cashcata o Jehovapa Gobiernotalla apoyashcataca ¿imashinata ricuchi ushapanchi?

Gobiernocunapa leycunaca huaquinbica Jehovapa leycunahuanga en contrami can. Chaipica ¿imatashi rurana capanchi? Hechos 5:28 y 29​ta liipai. Chai jipaca VIDEOTA ricushpa, cai tapuicunata contestapangui:

• Gobiernopa shuj ley Jehovapa mandashcacunahuan en contra cajpica ¿maijandata cazuna capanchi?

• Cristianocunaca ¿imacunamandallata autoridadcunataca na cazuita ushan?

 4. Quiquin imata pensashcapi y ruraicunapipash Jehovatalla apoyashcata ricuchipai

1 Juan 5:21​ta liipai. Chai jipaca VIDEOTA ricushpa, cai tapuicunata contestapangui:

• ¿Imamandata Ayenge huauquiguca partido politicocunapi na chapurinata, shinallata banderatapash na saludanata decidirca?

• ¿Ali decisionda agllashcatachu cripangui?

¿Ima situaciongunapillata neutral canaca difícil caita ushan? VIDEOTA ricushpa, cai tapuicunata contestapangui:

• Diferente llactacunamanda equipocuna pugllanajujpica ¿imashinata ni maijanda na apoyashcata ricuchipanchi?

• Politicocunapa decisionguna ñucanchita afectajpi o na afectajpipash ¿imashinata neutral cashcata ricuchi ushapanchi?

• Noticiacunata ricuna o ñucanchi rijsicunapa opiniongunaca ¿imashinata ñucanchi neutralidadta afectaita ushan?

 YARINGAPAJ

Cristianocunaca politicapi nimamanda na chapuringapami esforzarin. Chaitaca paicunapa ruraicunapi, parlocunapi y yuyaicunapipashmi ricuchin.

¿Imatata yachajupashcanchi?

• Cai alpapi tiaj gobiernocunataca ¿imacunapillata cazuna capanchi?

• Politicapica ¿imamandata neutral capanchi?

• ¿Ima situaciongunapillata neutral cashcata ricuchina capanchi?