LESON 45
Bann krétien i may pa dan bann zafèr le monn
Jézu la di ke son bann disip i doi pa fé parti le monn (Jan 15:19). Sa i ve dir pa may dan la politik é dan bann gèr. Lé pa fasil fé sa, parske domoun i kritik é i ri anou. Koman kontinué pa may dan bann zafèr le monn é rès fidèl Jéova ?
1. Koman bann vré krétien i konsidèr bann gouvèrnman ?
Bann Témoin Jéova i réspèk bann gouvèrnman. Kom Jézu la demandé, in krétien i doi « rann bann zafèr Sézar a Sézar », sa i ve dir obéi bann loi le péi, kom pèy zinpo (Mark 12:17). La Bib i ésplik ke bann gouvèrnman néna zot lotorité, seulman parske Jéova i pèrmèt (Romin 13:1). Zot lotorité lé donk limité. Nou kont su Bondieu é su son roiyom dann sièl, pou règ bann problèm dan le monn.
2. Koman in krétien i mont ke li may pa dan bann zafèr le monn ?
Bann Témoin Jéova i may pa dan la politik. Zot i suiv légzanp Jézu. In jour, apré ke zot la vu inn de son bann mirak, domoun té ve fé ali roi, mé Jézu la refuzé (Jan 6:15). Poukosa ? In not kou, li la éspliké : « Mon roiyom lé pa dan se monn la » (Jan 18:36). Zordi, in disip le Kris i mont ke li pran pa parti dan bann zafèr le monn in bonpe fason : Li may pa dan bann gèr (lir Miché 4:3). Li réspèk le drapo é lé zot sinbol le péi, mé li ador pa tousala (1 Jan 5:21). É li pran pa parti pou tèl ou tèl kandida oubien pou in parti politik. Dukou, li mont ke li lé fidèl in seul gouvèrnman : le roiyom Bondieu.
ALON APRANN PLUS
Alon voir bann situasion ousa i pe èt difisil pa may dan bann zafèr le monn. É alon voir koman pran bann désizion ke va fé plézir Jéova.
3. Bann vré krétien i may pa dan bann zafèr le monn
Jézu é son bann premié disip, la lès anou in modèl pou suiv. Lir Romin 13:1, 5-7 é 1 Pièr 2:13, 14. Aprésa, gard le VIDÉO é koz su bann késtion ki vien apré.
-
Poukosa nou doi réspèk bann gouvèrnman ?
-
Koman nou pe mont ke nou réspèk bann zotorité la ?
Kan néna la gèr, detroi péi i di ke zot i pran pa parti pou okin péi, mé an vré, zot i soutien lé 2 parti. Kosa i ve dir vréman, pa pran parti dan bann zafèr le monn ? Lir Jan 17:16. Aprésa, gard le VIDÉO é koz su le késtion ki vien apré.
-
Kosa i ve dir pa may dan bann zafèr le monn ?
É si bann zotorité Léta i oblij aou fé in nafèr ke lé kont la loi Bondieu ? Lir Akt 5:28, 29. Aprésa, gard le VIDÉO é koz su bann késtion ki vien apré.
-
Si in loi gouvèrnman i sava kont in loi Bondieu, lékèl i fo obéi ?
-
Dan kèl ka prési, in krétien va petèt pa obéi bann zotorité ?
4. Pran pa parti an pansé é an aksion
Lir 1 Jan 5:21. Aprésa, gard le VIDÉO é koz su bann késtion ki vien apré.
-
Poukosa Ayenge la refuz rant dan in parti politik é partisip bann zaktivité politik, kom salué le drapo ?
-
Èske ou pans ke li la pran in bon désizion ?
Dan kèl situasion ankor, i pe èt difisil pa may dan bann zafèr le monn ? Gard le VIDÉO é koz su bann késtion ki vien apré.
-
Koman pa pran parti pou in péi, kan néna in rankont sportif ant diféran péi ?
-
Koman pa pran parti pou in gouvèrnman, mèm kan son bann désizion i aranj anou ou pa ?
-
Koman pa pran parti par rapor sak laktualité é radio i di, oubien par rapor sak domoun nou frékant i di ?
DOMOUN I POURÉ DEMANN AOU : « Poukosa ou chant pa lim nasional ? » oubien « Poukosa ou salu pa le drapo ? »
-
Kosa ou noré réponn ?
SAK NOU LA APRANN
An pansé, an parol oubien an aksion, in krétien i fé atansion pa may dan bann zafèr le monn.
Alon révizé
-
Kèl konportman nou doi avoir anvèr bann gouvèrnman ?
-
Poukosa in krétien i may pa dan la politik ?
-
Dan kèl situasion i pe èt difisil pa may dan bann zafèr le monn ?
GARD SA OSI
Bann sakrifis in krétien lé paré pou fé, pou pa may dan bann zafèr le monn.
Koman in fami i pe prépar ali pou detroi situasion konpliké ?
Le zistoir in mesieu ke té pans ke défann son péi, lété le plu gran loneur ke néna.
Dann travay, koman pa may èk le monn ?
« Chacun portera sa propre charge » (La Tour de Garde, 15 mars 2006)