O Isus phendea pesche discipolenghe ‘te na cheren partea andai lumea’. (Ioan 15:19) Cadaia însemnol te așias neutro. I neutralitatea si te na hamisaras-ame andi politica hai ande le războaia anda cadai lumea. Tha jianas că ci si ușoro sea o timpo te așias neutro. Unii manușa daștinas te prasan-ame cana cheras cadaia. Sar daisaras te așias neutro hai loialo le Iehovasche, amaro Del?

1. Sar dichen le ciace creștini le guvernea andai lumea?

Le creștini sicaven respecto caring le guvernea. Amen așunas catar i porunca le Isusoschi cai phenel: „Den le Cezarosche so si le Cezarosco”. Cadaia însemnol te încăras le legi anda o them, sar avenas te pochinas le taxe hai le impozitea. (Marcu 12:17) I Biblia sicavel-ame că le guvernea andai lumea așen ande pânrănde numai anda codoia că o Iehova mechel-le. (Romani 13:1) Hachiaras că lenghi autoritatea si mai țâni sar le Devleschi, hai pachias zurales că numai o Del hai lesco Regato cerisco va lașiarela sea le pharimata le manușenghe.

2. Sar daisaras te sicavas că sam neutro?

Cadea sar o Isus, amen ci hamisaras-ame andi politica. Cana le manușa dichle iech anda le miracolea le Isusosche, von camle te cheren-les rege cade pi phuv, tha o Isus ci mechlea-le. (Ioan 6:15) Sostar? Anda codoia că, cadea sar phendea vo, ‘lesco Regato ci cherel partea anda cadai lumea’. (Ioan 18:36) Sar discipoli le Isusosche sicavas că sam neutro prin mai but buchia. Sar exemplo ci las partea ca le războaia. (Citisaren Mica 4:3.) Sicavas respecto caring le simboluri naționalo sar avelas o drapelo, tha ci das lesche i pachiv cai numai o Del meritil te primil-la. (1 Ioan 5:21) Mai but, ci încăras i partea nici ieche partidosche politico hai nici na das duma nasul anda leste sau anda varecaste anda cado partido. Prin sea cadal buchia hai vi prin aver, sicavas că sam ciaces loialo le Regatosche le Devlesco.

 HACHIAR MAI MIȘTO

3. Le ciace creștini sile neutro

O Isus hai lesche discipoli mechle amenghe iech exmplo. Citisaren Romani 13:1, 5-7 hai 1 Petru 2:13, 14. Pala codoia, dichen o MATERIALO VIDEO hai den duma.

• Sostar trebul te sicavas respecto caring le autorități guvernamentalo?

• Sar daisaras te sicavas că așunas catar le autorități?

Cana si iech războio, chichiva thema phenen că sile neutro tha von încăren codolența cai len partea co războio. Cadea că, so si i ciaci neutralitatea? Citisaren Ioan 17:16. Pala codoia, dichen o MATERIALO VIDEO hai den duma.

• So însemnol te avas neutro?

So trebul te cheras cana le autorități manghen amendar vareso cai si contra so phenel o Del? Citisaren Faptele 5:28, 29. Pala codoia, dichen o MATERIALO VIDEO hai den o răspunso ca le pușimata cai aven.

• Dacă iech legea le manușenghi si contra i legea le Devleschi, castar va avela te așunes?

• Aven tuche andi goghi chichiva situații ande save le creștini ci trebun te așunen catar le autorități guvernamentalo?

 4. Sicav că san neutro prin sar gândis hai so cheres

Citisaren 1 Ioan 5:21. Pala codoia, dichen o MATERIALO VIDEO hai den duma.

• Sostar ci camlea o Ayenge te avel ande iech partido politico sau te hamisarel-pe ande le ceremonii naționalisto, sar avelas te salutil o drapelo?

• Tu pachias că alosardea mișto?

So aver buchia daștin te șion co zumaimos amari neutralitatea? Dichen o MATERIALO VIDEO, hai pala codoia den duma.

• Sar daisaras te sicavas că așias neutro cana dichas jocuri sportivo savende len partea manușa anda mai but thema?

• Sar daisaras te așias neutro cana le politicieni len decizii cai si sau nici ande amaro miștimos?

• Sar daștin le știri hai le manușa cai den duma anda i politica te cheren-ame te na mai așias neutro?

 SO SICHILEAM

Le creștini den sea penghi zor te așen neutro politico prin sar gândin, so phenen hai so cheren.

So dichleam

• So trebul te das le guvernen?

• Sostar trebul te așias neutro po plano politico?

• So daștilas te șiol co zumaimos amari neutralitatea?