O Jesus sikadias ke leske disipuluria nai anda kacha lumia (Iovano 15:19). Gado kamel te phenel ke von chi thon partia kal amperetsii ai chi kana si iek mundarimos. Numa univar nai vushoro te keras godo sostar le manush shai joliavon pe amende vai shai asan amendar. Sar te keras te na thas partia khanikaske ai te avas chache le Devlesa?

1. Sar dikhen le kristianuria chache kal amperetsii le manushenge?

Le kristianuria respetis kal amperetsii. O Jesus phendias: “Den ka [o Cesar] so si lesko”. Pala godia keras so mangel o them, sar te pokinas so tradel amenge (Marko 12:17). E Biblia sikavel ke te avela le manush amperetsin si sostar o Jehova mekel len (Romanuria 13:1). Ai gado sikavel ke von nashtin te keren sa so kamen. Anda godia amen aliaras ke numa o Del ai leski amperetsia shai len sa o pharimos kai si kal manush.

2. Sar sikavas ke chi thas partia ka chi iek amperetsia?

Gadia sar o Jesus, amen chi thas amen ande politika. Kana le manush dikhle iek andal milagruria le Jesusoske ai kamle te thon les amperato katse pe phuv, vo chi meklias len (Iovano 6:15). Sostar? Vo phendias: “Murhi amperetsia nai ande kadia lumia” (Iovano 18:36). Le disipuluria le Jesusoske ande but prame sikavas ke chi thas partia ka chi iek amperetsia. Iek ejemplo si ke amen chi zhas kana si iek mundarimos (chito Miqueas 4:3). Makar respetis kal prame kai den barimos le themes, sar e bandera, chi luvudis len (1 Iovano 5:21). Amen chi thas partia ai chi das duma nasul pa chi iek amperetsia le manushengi. Ande kako ai but prame mai sikavas ke kamas te avas tela e amperetsia le Devleski, e amperetsia kai vo vazdias.

 TE MAI SIKIOS

3. Le kristianuria chache chi thas partia ka chi iek amperetsia

O Jesus ai leske disipuluria thode amenge o ejemplo. Chiton Romanos 13:1, 5-7 [NWT] ai 1 Pedro 2:13, 14 [NWT]. Polme dikhen o VIDEO ai den duma pa:

• Sostar trobus te respetis kal manush kai ningeren o them?

• Sar sikavas ke pakias lengo mui?

Kana si iek mundarimos uni thema mothon ke chi thonpe, numa ande uni prame azhutin vi le don. Chachimasa chi thon partia khanikaske? Chiton Juan 17:16 [NWT]. Polme dikhen o  VIDEO ai den duma pa:

• So kamel te mothol te na thas partia khanikaske?

So shai keras kana le manush kai ningeren amaro them mangen vareso kai chi malavel le pramentsa katar o zakono le Devlesko? Chiton Hechos 5:28, 29 [NWT]. Polme dikhen o VIDEO ai den duma pa:

• Te avela ke o zakono le manushengo tradel amenge te keras vareso, numa o zakono le Devlesko mothol amenge te na keras les, kasko mui trobus te pakias?

• Kana le kristianuria chi trobun te pakian o mui katar le manush kai ningeren o them?

 4. Sikau ke chi thos partia khanikaske andel ginduria ai le prame kai keres

Chiton 1 Juan 5:21 [NWT]. Polme dikhen o VIDEO ai den duma pa:

• Sostar o Ayenge alosardias te na tholpe ande chi iek prama katar o them?

• Gindis ke alosardias mishto?

Kana trobus te mai sikavas ke chi thas amen andel prame le themeske? Dikhen o VIDEO ai den duma pa:

• Te avela ke amaro them khelel peske avre themesa, sar te na thas partia khanikaske?

• Sar te na thas partia kana le amperaturia alosaren vareso kai kerel amenge mishto vai nichi?

• Sostar te ashunas but pa e politika chi azhutil amen te na thas partia khanikaske?

SO DIKHLIAM

Pa so gindin, so phenen ai so keren le kristianuria sikaven ke chi thon partia khanikaske andel prame le themeske.

So sas te mothos?

• Ande soste trobus te pakias o mui katar le amperaturia?

• Sostar chi thas partia ka chi iek amperato?

• Kana trobus te sikavas ke chi thas amen andel prame le themeske?