О Иисусо ԥэндя пэстирэ учениконэнди: «Тумэ най сар всаворэ миро» (Иоанна 15:19). Кадэла алава сыкавэн, кай и христианоря на трэбуй тэ залэн никастири риг андэ политика и кала жал и война. Када най всегда вушэро, важ кода кай амэн лэн тэ вэрыцын и тэ асанпэ. Но со поможыя амэнди тэ виритярас када и тэ на парашас тэ кандас лэ Дэвлэс?

1. Сар трэбуй и чачунэ христианоря тэ относинпэ каринг о правительство андэ страна?

И христианоря кандэн о правительство андэ пэстири страна. Амэ терас кадя, сар амэн сытярдя о Иисусо, и отдас «лэ цэзарёско лэ цэзарёсти» (Марка 12:17). Када сыкавэл, кай амэ терас па законо, саво исин андэ амари страна. Например, амэ потинас и налоӷоря, савэ трэбуй. Андэ Библия ԥэнэнпэ, кай о манушыкано правительство кати исин важ кода, кай о Иегова када домэкэл (Римлянам 13:1). Када сыкавэл, кай лэндэ и власть пэ бутэстэ май цынёни, чем кай о Дэл. И амэ патяс, кай кати о Дэл и лэско небесно Царство улэла всаворэ проблемы, савэ исин кай и мануша.

2. Сар амэ можэм тэ сыкавас, кай амэ на залас никастири риг андэ политика?

Кала о Иисусо сас пэ ԥув, во терэлас бут чудеса. Кала и мануша додиқлэ када, вонэ закамлэ тэ стон лэс царёса. Но во лэнди када на дя (Иоанна 6:15). Васо? Во ԥэндя: «Мэрно Царство най анда кадэва миро» (Иоанна 18:36). Амэ сар лэ Иисусостирэ ученикоря, кадяжэ на ӷуляс андэ политика. Например, амэ на жас пэ война. (Адиносар Михея 4:3.) Амэ на тэлювас лэ флаӷости андэ страна и на полас лэс, кай кабута када варисо свынто (1 Иоанна 5:21). Инке амэ на ԥэнас нисо против, но и на подритярас, кала варисаво мануш камэл, кай лэс тэ витидэн андо правительство или кала дума жал пала варисави партия андэ страна. Кадя амэ сыкавас, кай андэ вся кандас и подритярас кати лэ Дэвлэско Царство.

 УӶАНАМ МАЙ БУТ

3. Чачунэ христианоря на залэн никастири риг андэ политика

Амэ можэм тэ сытювас андэ када лэ Иисусостар и христианонэндар, савэ жувэнас андо пэрво вико. Адиносарам Римлянам 13:1, 5—7 и 1 Петра 2:13, 14. Потом диқам о ВИДЕО и подам дума пала вопросоря, савэ май тэлэ.

• Васо мэ трэбуй тэ стас патив пэ власти андэ страна?

• Андэр со дицола, кай амэ лэн кандас?

Кала варикастэ жал и война, правителя андэ авэр страны моӷут тэ ԥэнэн англа миро, кай вонэ и правителя, на подритярэн када. Но екжэнэ поможын, кай кодэя война тэ на кончийпэ. Ԥэнэса пэ када, кай вонэ на ӷулен андэ политика? Адиносарам Иоанна 17:16. Потом диқам о ВИДЕО и подам дума пала вопросо, савэ май тэлэ.

• Тэ на ӷуляс андэ политика. Сар када?

Сар пэс тэ андярас, кала и власти андэ страна ԥэнэн тэ терас кода, со на чалёл лэ Дэвлэсти? Адиносарам Деяния 5:28, 29. Потом диқам о ВИДЕО и подам дума пала вопросоря, савэ май тэлэ.

• Если варисаво законо андэ страна жал против лэ Дэвлэско законо, тоди кас амэ трэбуй тэ кандас?

• Кала о христианино на лэла тэ кандэл и власти андэ страна?

 4. Мэк па тирэ гиндоря и дила дицола, кай ту на залэс никастири риг андэ политика

Адиносарам 1 Иоанна 5:21. Потом диқам о ВИДЕО и подам дума пала вопросоря, савэ май тэлэ.

• Васо о мурш, савэс ақарэн Айенге, отԥэнделя тэ терэл вся, со ужал андэ политическо дила?

• Сар па тирятэ, во правильно стердя?

Кала инке амэнди можэт авэла трэбуй тэ сыкавас, кай на подритярас никастири риг андэ политика? Диқам о ВИДЕО и подам дума пала вопросоря, савэ май тэлэ.

• Васо амэ на трэбуй тэ залас никастири риг, кала диқас, сар соревнуюца спорцменоря анда разни страны?

• Сар ту можэш тэ сыкавэс, кай на залэс никастири риг андэ политика, дажэ если и барэ мануша андо правительство прилэн ришэния, сави парувэл тири жызня?

• Сар и новости, савэ амэ ашунас па телевизоро или лэ манушэндар, каса общяемся, моӷут тэ ритярэн амэн тэ на залас никастири риг андэ политика?

 ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай о христианино на залэл никастири риг андэ политика ни андэ гиндоря, ни пэ алава, ни пэ дила.

Сар ту гиндос?

• Со ту трэбуй тэ терэс важ о правительство, кай жувэс?

• Васо ту на залэс никастири риг андо правительство?

• Кала тути можэт тэ авэл ԥарэс тэ на залэс никастири риг андэ политика?