Abu Yesu kisisianak ebe mam ibusakinit ikatupitokoke araut ‘luka akwapin.’ (Yokana 15:19) Amamut araut lukakwapin imoriarit aisac akirosinei nuka politikis keda ijiisinei. Kotoma abeit, aisac araut lukakwapin mam erai ibore yenepatana. Epedorete luce akwenar oni kanu amamut araut lukakwapin. Epone ani ipedoria oni asalakinit mam irai lukakwapin ka amunokina neejai Edeke Yawe?

1. Epone ani eseseniata Ikristayon lukabeit apuganisinei nuka itunga?

Eyongitos Ikristayon lukabeit apugan. Itupit sio nuicorakinit Yesu ebe “Kotacakis Kaisar nueraas nuka Kaisar”​—apolouke ebe, irimaarit sio ikisila luka apugan, kwape nat luka aitac isolosinei. (Marako 12:17) Isisianakini Ebaibuli ebe epugak lukakwapin eraasi ikayaitok naarai ecamakinit Yawe kesi aipuga. (Iromayon 13:1) Aso imisiikinit sio ebe edit apedor naejaatar apuganisinei nuka akwap kitiiriani keda apedor naejaatar Edeke. Imunokina sio Ekosideke keda Akejakanut nakotoma akuj kanu alemar atiokisio kotunga.

2. Epone ani itodunia oni ebe mam oni irai lukakwapin?

Kwape ka Yesu, mam oni ilomarit akiro nuka politikis. Naanyuniata itunga adiopet kotoma aswamisio nuka Yesu nukaumokin, apotu kokotokinos aitaraun nges ekabaka, konye abu Yesu konger. (Yokana 6:15) Kanuinyo angerio ngesi? Naarai kwape abu ngesi kolimunio ekaulo, “Akajakanut mere naka akwapin kanu.” (Yokana 18:36) Kwape ikesisisiak luka Yesu, itodunit oni amamut araut lukakwapin kowaitin luegelegela. Kwape aanyunet, mam oni ilomari ojiisinei. (Kosiom Mika 4:3.) Iyongit oni ijenuneta luka adiokwap​—kwape nat emeedera​—konye mam oni imai iboro ngul. (1 Yokana 5:21) Mam oni igangit ediosiep kopolitikis arai idiotunganan yenebwoit. Itodunit oni kowaitin kalu ka ice da ebe imunokina oni Yawe ka Akejakanut ketau kere.

 KISISIAU NUIPU

3. Mam Ikristayon lukabeit eraasi lukakwapin

Apotu Yesu keda ikesisiakake koinakisi oni aanyunet. Kosiom Iromayon 13:1, 5-7 keda 1 Petero 2:13, 14. Kosodete, aboliakin EBIDIO ido komorata aingiseta nuetupakinete.

• Kanuinyo ibusakinitor oni ayongit engarenok luka apugan?

• Anu bo iwaitin luipedoria oni anonokikin kes?

Kapakio nuka ejie, eminasi akwapin ace atemar ebe mam kesi elomaritos ojie ngol, konye kotoma abeit kigangitos iwaitin kere luejiosi. Inyoin bo cut amamut araut lukakwapin? Kosiom Yokana 17:16. Kosodete, aboliakin EBIDIO ido komorata aingiset naetupakini.

• Inyo apolou naka amamut araut lukakwapin?

Do bo arai ekoto apugan ijo aswam nuebilitos ikisila luka Edeke? Kosiom Aswamisio 5:28, 29. Kosodete, aboliakin EBIDIO ido komorata aingiseta nuetupakinete.

• Arai mam ikisila luka apugan ecamanara keda ikisila luka Edeke, alu bo iseuni ijo arimaar?

• Iwomit ijo ani bo ejautene loepedori ainakin Ikristayot amamut arimaar nuicorakinit apugan?

 4. Kitodu amamut araut yenikakwapin kotoma aomisio ka aswamisio da

Kosiom 1 Yokana 5:21. Kosodete, aboliakin EBIDIO ido komorata aingiseta nuetupakinete.

• Kotoma obidio, kanuinyo abu Ayenge koseunia ainger alomar opate loka politikis keda aima ijenuneta luka akwapukec kwape nat aitukumonokin emeedera?

• Iwomit kereka ijo ebe arai aseuneteke naejok?

Ani bo ejautene loepedori aining awokomamut araut lukakwapin? Koboliak EBIDIO, kosodete aimor aingiseta nuetupakinete.

• Epone ani ipedoria oni asalakinit mam irai lukakwapin kapakio nuebolobolooto akwapin kotoma aboliasio?

• Epone ani ipedoria oni asalakinit mam irai lukakwapin karaida imedaunit oni kotoma aswamisio nuka epugak arai bo mam?

• Epone ani epedoriata iyemuto ka itunga lueupananasi kaoni ainakin oni araut lukakwapin?

 NUIDAU AISISIAUN

Iswamaete Ikristayon kagogong aisac alomarit opolitikis kotoma aomisiokec, oinerikec, ka aswamisiokec da.

Ainyogoor

• Anu bo nuibusakinit apuganisinei adumun kaneijai oni?

• Kanuinyo mam oni ilomaritor akiro nuka politikis?

• Anu bo nuepedorete aining awokomamut araut lukakwapin?