ITYOUGH 45
Inja i U Palegh Akaa a Taregh
Yesu yange tese ér gba u mbadondon un vea “lu ior i tar ne ga.” (Yohane 15:19) Kwagh ne wa u se palegh u wan ave sha akaa patii shin tan ikyaa a ma pati u tar ne kua ityav mbi ior ve nôngon la. Sha mimi yô, ashighe agen ka i taver u eren akaa ne. Alaghga mbagen vea naha se tar sha ci u se venda u wan ave sha akaa a taregh yum. Se er nan ve se palegh u wan ave sha kaa a taregh, se gema se za hemen u civir Yehova Aôndo sha mimi?
1. Mbakristu mba mimi mba nengen ugomoti mba uumace nena?
Mbakristu mba ne gomoti icivir. Sha nahan yô, ka se er kwagh u Yesu kaa ér se “na . . . shisar akaa a a lu a shisar” la. Inja na yô, se mba kor atindi a tar u se lu ker la, er sha kwagh u kpandegh ku tan nahan. (Marku 12:17) Bibilo tese ér ugomoti mba uumace mba hemen sha ci u Yehova na ve ian i hemen. (Mbaroma 13:1) Sha nahan yô, se fa wang ser tahav mbu ugomoti mba uumace la yina sha mbu Aôndo. Nahan se mba suur sha Aôndo ser ka Tartor na u sha la ua sôr mbamzeyol mba orumace ye.
2. Se tese ser se mba we ave sha akaa a taregh ga nena?
Se mba eren pati ga vough er Yesu kpa eren pati ga nahan. Shighe ugen la, ior nenge ivande igen i Yesu er yô, nahan ve soo u nan un tor shin tar ne, kpa Yesu venda. (Yohane 6:15) Er nan ve vendaa? Lu sha ci u kwagh u va ôr ne. A kaa ér: “Tartor wam ka u shin tar ne ga.” (Yohane 18:36) Er se lu mbahenen mba Yesu yô, ka se tese ser se mba we ave sha akaa a taregh ga, sha igbenda kposo kposo. Ikyav i tesen yô, se mba nôngon ityav ga. (Ôr Mika 4:3.) Ka se na akaa agen a nan ma tar icivir er tuta nahan icivir, kpa se mba civir akaa ne ga. (1 Yohane 5:21) Se mba te ikyaa a ma kwe patii shin ma or u nan tile ishangen ga. Ka se tese ser se mba suen gomoti u Aôndo shin Tartor na sha mimi sha igbenda ne kua sha igen kpaa.
HEN KWAGH I ZA SHIMI
Nenge akaa a alaghga aa na ve a taver se u palegh u wan ave sha akaa a taregh yô, man akaa a u er ve a doo Yehova a we yô.
3. Mbakristu mba mimi mba we ave sha akaa a taregh ga
Yesu man mbadondon un ver se ikyav i se dondo yô. Ôr Mbaroma 13:1, 5-7 man 1 Peteru 2:13, 14. Shi, nenge VIDIO i i lu heen ne maa lam nen sha mbampin mba ve dondo ne.
-
Er nan i gbe u se naan ugomoti mba uumace iciviri?
-
Ka sha igbenda i nyi nahan se tese ser se mba ungwan ve?
Ka a nôngon ityav yô, ityar igen i senge ér i wa ave sha ityav mbi shon ga, nahan kpa ve gema ve wasen mba ve lu nôngon ityav la. Nahan inja i u palegh u wan ave sha akaa a taregh la jighilii ér nyi? Ôr Yohane 17:16. Shi, nenge VIDIO i i lu heen ne maa lam nen sha mpin u a dondo ne.
-
Inja i u palegh u wan ave sha akaa a taregh la ér nyi?
Aluer gomoti soo ér u er kwagh u a hendan a tindi u Aôndo nahan, u er nena? Ôr Aerenakaa 5:28, 29. Shi, nenge VIDIO i i lu heen ne maa lam nen sha mbampin mba ve dondon ne.
-
Aluer tindi u orumace hendan a tindi u Aôndo nahan, ka tindi u an i gbe u se dondo?
-
U fatyô u tesen ikyav i môm i kwagh u Mbakristu vea venda u ungwan tindi u gomoti sha mi yôô?
4. De we ave sha kwagh u taregh sha mhen man sha ieren you ga
Ôr 1 Yohane 5:21. Shi, nenge VIDIO i i lu heen ne maa lam nen sha mbampin mba ve dondo ne.
-
Ken vidio la, er nan ve Ayenge a vende ér una nyôr pati ga, shi a venda u eren akaa a civir tar er u sughun tuta nahana?
-
U nenge wer yange tsua kwagh u shami?
Ka akaa agen a nyi nahan kpa, u nenge wer alaghga aa na a taver se u palegh u wan ave sha akaa taregha? Nenge VIDIO i i lu heen ne, maa lam nen sha mbampin mba ve dondo ne.
-
Se er nan ve se palegh u wan ave sha akaa a taregh shighe u se lu nengen anumbe a ior mba ken ityar kposo kposo ve lu gban gesa?
-
Se er nan ve se palegh u wan ave sha akaa a taregh shighe u mbapatii ve tsough kwagh u una bende a vese sha gbenda u dedoo shin u bo?
-
Akaa a se ongo sha abaver shin sha ijô i ior mba se lun imôngo a ve la, alaghga aa na a taver se u palegh u wan ave sha akaa taregh nena?
Ka sha akaa a nyi nahan i gbe u Orkristu nana palegh u wan ave sha akaa a taregh sha mhen man sha ieren i nana?
ALAGHGA ORGEN NANA PINE ÉR: “Er nan ve u civir tuta shin u gberen icam i civir tar wou ga?”
-
We u kaa wer nyi?
KA NYI U HENE?
Mbakristu ka ve nôngo kwagh kpoghuloo sha er vea palegh u wan ave sha akaa a taregh, sha mhen ve man sha kwaghôron ve kua sha ieren ve yô.
Mbampin mba umbur kwagh u i hen yô
-
Gba u se eren kwagh a ugomoti mba uumace nena?
-
Er nan i gbe u se palegh u wan ave sha kwagh u patii?
-
Ka akaa a nyi nahan alaghga aa na a taver se u palegh u wan ave sha akaa taregha?
SEER HENEN KWAGH
Ka akaa a nyi nahan alaghga a gba u se de aa kar se sha er mayange se wa ave sha akaa a taregh ga?
Ka nyi icombor ia er sha u wan agoyol tsuaa sha akaa a ia va tagher a mi ve alaghga a taver i u palegh u wan ave sha akaa a taregh laa?
Lu Paleghaa sha Akaa a Taregh hen Ajiir a Ior Ve Lun Yô 4 (4:25)
Er nan ve u or nôngon kwagh sha ci u tar u nan la i lu kwagh u una na nan icivir i hemban cii la ga?
Hen fa er u lu or u tar ne ga, zum u u lu tsuan tom u uke yô.
“Hanma Or Nana Va Tôô Ikyav Mbi Nan Iyol I Nan” (Iyoukura, Aipor 1, 2006)
Kwagh Ugen u Alaghga Shi Una Doo U Yô
MBAMPIN MBA IOR VE PIN HANMA SHIGHE LA
Mbashiada mba Yehova Ka Ve Hen Bibilo a Ior Nena?
Bibilo i Mbashiada mba Yehova ve henen a ior gbilin ne, u fatyô u teman kwaghhenen ne a hanma Bibilo i u soo cii. U fatyô u lôhôn or u hen tsombor wou shin ma ijende you we nana va ne hen Bibilo imôngo.
