DJONDZO 45
Swi Vula Yini Ku Tihambanisa Ni Politika
Yesu a byele valandzeli va yena swaku va nga “fani ni vanhu va misava.” (Yohani 15:19) Leswo swi vula ku kala hi nga nyimi ni munhu ka timhaka ta politika ni ku kala hi nga ngheneleli ka tinyimpi ta misava. A hi minkama hinkwayu swi vevukaka ku yentxa leswo. Swi nga yentxeka vanhu van’wana va hi hleka kumbe va hi poyila hi mhaka ya leswo. Hi nga swi kotisa ku yini ku kala hi nga ngheneleli ka swa politika hi tlhela hi tshama na hi tshembekile ka Yehovha?
1. Vakreste va ntiyiso va yi vonisa ku yini mimfumu ya vanhu?
Vakreste va yi hlonipha mimfumu. Hi yentxa leswi Yesu a nga swi vula nkama a nge te: “Tlhelisani swa Khezari ka Khezari”, leswo swi vula swaku ha yi hlonipha minawu ya tiko ya ku fana ni ku hakela rhesa. (Marku 12:17) Bibele li djondzisa swaku mimfumu ya vanhu yi pfumeleliwe hi Yehovha swaku yi fuma. (Varoma 13:1) Hi mhaka leyo, ha swi tiva swaku mimfumu ya vanhu a yi hi fumi ka timhaka hinkwatu, naswona ha swi tiva swaku Xikwembu xi ta tirhisa Mfumu wa xona swaku xi helisa swikarhatu swa vanhu.
2. Hi nga swi kombisa ndjani swaku a hi ngheneleli ka politika?
Ku fana na Yesu, na hina a hi ngheneleli ka timhaka ta politika. Nkama vanhu va nga vona masingita lawa Yesu a nga ma yentxa, va zame ku mu yentxa a va hosi lani misaveni, kambe a nga pfumelanga. (Yohani 6:15) Hi mhaka muni? Hi mhaka leswi a nga swi vula hi ku famba ka nkama loko a ku: “Mfumu wa mina a wu fani ni mimfumu ya misava leyi.” (Yohani 18:36) Tanihi valandzeli va Yesu, a hi tingheniseli ka politika hi tindlela ta tinyingi. Hi xikombiso, a hi yi nyimpini. (Lerha Mikiya 4:3.) Ha yi hlonipha minchumu leyi nyimelaka tiko ya ku fana ni mabandera, kambe a hi yi gandzeli. (1 Yohani 5:21) A hi seketeli mapartidu ya politika kumbe ku lwisana na wona ni lava ma rhangelaka. Hi ku yentxa leswo ni swin’wana, hi kombisa swaku ha tshembeka hi ku helela ka Mfumu wa Xikwembu.
DJONDZA SWIN’WANA
Kambisisa swiyimu leswi nga ha yentxaka swi ku karhatela ku kala u nga ngheneleli swa politika, ni ku tlhela u vona swaku u nga swi yentxisa ku yini swiboho leswi tsakisaka Yehovha.
3. Vakreste va ntiyiso a va ngheneleli ka politika
Yesu ni valandzeli va yena va hi vekele xikombiso xa xinene. Lerhani Varoma 13:1, 5-7 na 1 Pedru 2:13, 14. Mi tlhela mi sixtira VHIDIYO mi gama mi bula hi swivutiso leswi landzelaka.
-
Hi mhaka muni hi fanele hi hlonipha mimfumu ya misava?
-
Hi tini tindlela tin’wana leti hi nga kombisaka hi tona swaku ha yi yingisa mimfumu?
Hi nkama wa nyimpi, matiko man’wana ma nga ha vula swaku a ma ngheneleli ka nyimpi kambe ma pfuna lava va nga ku lweni. Kasi swi vula yini ku kala hi nga ngheneleli ka tinyimpi? Lerhani Yohani 17:16. Mi tlhela mi sixtira VHIDIYO mi gama mi bula hi xivutiso lexi landzelaka.
-
Swi vula yini ku kala hi nga ngheneleli ka politika?
Se u ta ku yini loko mfumu wu lava swaku u yentxa nchumu lexi lwisanaka ni nawu wa Xikwembu? Lerhani Mintirho 5:28, 29. Mi tlhela mi sixtira VHIDIYO mi gama mi bula hi swivutiso leswi landzelaka.
-
Loko mfumu wu lava swaku hi yentxa nchumu, kuve nawu wa Xikwembu wu lava hi yentxa swin’wana, hi ta yingisa mani?
-
U vona swaku hi swini swiyimu leswi Mukreste a kalaka a nga fanelanga a yingisa mimfumu ka swona?
4. Tihambanise ni politika ka leswi u swi pimisaka ni leswi u swi yentxaka
Lerhani 1 Yohani 5:21. Mi tlhela mi sixtira VHIDIYO mi gama mi bula hi swivutiso leswi landzelaka.
-
Ka vhidiyo, hi mhaka muni Ayenge a lange ku kala a nga nyimi ni nhlengeletanu ya politika kumbe ku tlangela mafexta ya tiko ni ku pfuxela bandera?
-
U pimisa swaku a yentxe xiboho xa xinene?
Hi swini swiyimu swin’wana swi nga yentxaka swi hi karhatela ku kala hi nga ngheneleli swa politika? Sixtirani VHIDIYO, mi gama mi bula hi swivutiso leswi landzelaka.
-
Hi nga swi kotisa ku yini ku kala hi nga seketeli tlhelo loko swi ta ka mintlangu leyi matiko ma phikizanaka ni matiko man’wana?
-
Hi nga swi kotisa ku yini ku kala hi nga tipeti ka politika hambiloko swiboho leswi va swi yentxaka swi hi khumba?
-
Swilo leswi hi swi twaka ka mahungu kumbe ka vanhu lava hi nga va tolovela swi nga xi khumba ndjani xiboho xa hina xa ku nga ngheneleli ka politika?
I ka swiyimu swini leswi lavaka swaku Mukreste a nga nyimi ni politika hi mimpimiso ni leswi a swi yentxaka?
VANHU VAN’WANA VA NGA HA KU VUTISA VA KU: “Hi mhaka muni u nga pfuxeli bandera kumbe ku yimbelela hino nacional?”
-
A wu ta hlamulisa ku yini?
LESWI HI NGA SWI DJONDZA
Vakreste va tikarhata hintamu swaku va nga tipeti ka politika hi mimpimiso, hi leswi va swi vulaka ni leswi va swi yentxaka.
Ku kambela leswi hi nga swi djondza
-
I mpsini leswi hi faneleke hi swi nyikela ka mimfumu?
-
Hi mhaka muni hi nga fanelanga hi nghenelela ka timhaka ta politika?
-
Hi swini swiyimu swi nga yentxaka swi hi karhatela ku kala hi nga ngheneleli ka swa politika?
LOKO U LAVA KU TIVA SWIN’WANA
Hi yini minchumu leyi swi nga lavaka u yi yentxa swaku u nga ngheneleli ka swa politika?
I mpsini leswi mindjangu yi nga swi yentxaka swaku yi tilunghiselela loko yi tshuka yi ringiwa ku nghenela swa politika?
Unga Seketeli Politika Loko U li ka Swiyendlakalo swa Xitshungu (4:25)
Hi mhaka muni ku lwela tiko swi nga yentxi swaku munhu a dzunisiwa hi ku helela awuton’wini?
Vona leswi u nga swi yentxaka swaku u nga fani ni vanhu va misava loko u yentxa swiboho leswi fambisanaka ni ntirho.
“Un’wana Ni Un’wana U Ta Rhwala Ndzhwalo Wakwe” (Murindzi wa 15 ka Março wa 2006 hi Xitsonga)
