Әйса өз әгәшкүчилиригә бу дунияға мәнсүп яки тәвә болмаслиғи керәклигини ейтқан (Йоһан 15:19). Бетәрәп туруш дунияниң сәясий ишлирида вә уруш-жәңлиридә һеч тәрәптә турмаслиқни билдүриду. Бирақ бетәрәп туруш һемишәм асан әмәс. Мошу сәвәптин биз мәсхиригә учришимиз мүмкин. Бетәрәпликни сақлап, Йәһва Худаға садиқ қелиш үчүн немә қилалаймиз?

1. Һәқиқий Мәсиһ әгәшкүчилири инсаний һөкүмәтләргә қандақ көзқарашта?

Мәсиһ әгәшкүчилири һөкүмәтни һөрмәтләйду. Биз Әйса Мәсиһ буйриғандәк қилимиз вә қәйсәрниң һәққини қәйсәргә беримиз, йәни өзүмиз яшиған дөләтниң қанунлириға бойсунуп, тәләп қилған баҗни тапшуримиз (Марк 12:17). Муқәддәс китап шундақ тәлим беридуки, Йәһва инсаний һөкүмәтләрниң һөкүмранлиқ қилишиға рухсәт қилғини үчүнла улар һөкүмранлиқ қилиду (Римлиқларға 13:1). Шуңа инсаний һөкүмәтләрниң пәқәт нисбий яки чәклик һоқуққа егә екәнлигини етирап қилимиз. Биз Худа вә Униң Падишалиғи инсанийәтниң барлиқ қийинчилиқлирини пат арида һәл қилидиғанлиғиға ишинимиз.

2. Биз бетәрәп туридиғанлиғимизни қандақ көрситәләймиз?

Әйсаға охшаш, биз сәясәткә арилашмаймиз. Кишиләр һәзрити Әйсаниң бир мөҗүзисини көрүп, уни йәр йүзидә өзлириниң падишаси қилмақчи болған. Бирақ Әйса уларни рәт қилған еди (Йоһан 6:15). Немә үчүн? Җававини Әйсаниң кейинирәк ейтқан мону сөзлиридин тапалаймиз: «Мениң Падишилиғим бу дуниядин әмәс» (Йоһан 18:36). Әйсаниң шагиртлири сүпитидә биз бетәрәп туридиғанлиғимизни бирқанчә усуллар билән көрситимиз. Мәсилән, биз қолумизға қурал елип урушқа бармаймиз (Мика 4:3ни оқуң). Дөләтләрниң байрақлириға охшаш символлуқ бәлгүлиригә һөрмәт көрситимиз, бирақ Худаға беридиған шан-шәрәпни уларға бәрмәймиз (Йоһанниң 1-хети 5:21). Һечқандақ сәясий партия яки намзатлар тәрәптә турмаймиз яки уларға қарши чиқмаймиз. Мошундақ вә башқа усулларда биз Худаниң һөкүмитигә, йәни Униң Падишалиғиға, пүтүнләй садиқ екәнлигимизни көрситимиз.

 ЧОҢҚУРИРАҚ ҚЕЗИҢ

3. Һәқиқий Мәсиһ әгәшкүчилири бетәрәп туриду

Әйса Мәсиһ вә униң әгәшкүчилири бизгә үлгә қалдурған. Римлиқларға 13:1, 5—7 вә Петрусниң 1-хети 2:13, 14ни оқуң. Кейин ВИДЕОНИ көрүп, төвәндики соаллар үстидә ойлинип көрүң.

• Биз немә үчүн инсаний һөкүмәтләрни һөрмәтлишимиз керәк?

• Уларға бойсунидиғанлиғимизни қайси йоллар билән көрситәләймиз?

Уруш мәзгилидә, бәзи дөләтләр өзини бетәрәп дәп җакалиши мүмкин. Амма уруш пәйтидә җәң қиливатқан һәр иккила тәрәпкә ярдәм бериду. Һәқиқий бетәрәплик дегән немә? Йоһан 17:16ни оқуң. ВИДЕОНИ көрүң, кейин төвәндики соал үстидә ойлинип көрүң.

• Бетәрәплик дегән немә?

Әгәр инсаний һөкүмәт Худаниң қануниға зит бир ишни қилишни тәләп қилсичу? Әлчиләр 5:28, 29ни оқуң. ВИДЕОНИ көрүң, кейин төвәндики соаллар үстидә ойлинип көрүң.

• Әгәр инсанларниң қануни Худаниң қануниға зит болса, кимниң қануниға бойсунушимиз керәк?

• Сизниңчә, Мәсиһ әгәшкүчилири қайси вәзийәтләрдә инсаний һөкүмәтләргә бойсунмайду?

 4. Ой-пикир вә иш-һәрикәттә бетәрәп туруң

Йоһанниң 1-хети 5:21ни оқуң. ВИДЕОНИ көрүң, кейин төвәндики соаллар үстидә ойлинип көрүң.

• Бу видеода Айенге немә үчүн сәясий партияниң әзаси болмаслиқни вә байраққа салам бериштәк вәтәнпәрвәрлик мәрасимлириға қатнашмаслиқни қарар қилди?

• Сизниңчә, у ақиланә қарар қилдиму?

Йәнә қандақ вәзийәтләрдә бетәрәпликни сақлашта синаққа дуч келишимиз мүмкин? ВИДЕОНИ көрүң, кейин төвәндики соаллар үстидә ойлинип көрүң.

• Хәлиқара спорт мусабиқилиридә бетәрәпликни қандақ сақлалаймиз?

• Һәтта өзүмиз сәясәтчиләрниң қарарлири түпәйли зиян тартсақ яки пайда көрсәкму, бетәрәпликни қандақ сақлалаймиз?

• Әхбарат хәвәрлири яки тонуш кишиләрдин аңлиған мәлуматлар бетәрәпликни сақлишимизға қандақ тәсир көрситәләйду?

 ХУЛАСӘ

Мәсиһ әгәшкүчилири сәясий ишларға қарита ой-пикир, гәп-сөз вә иш-һәрикәттә бетәрәпликни сақлаш үчүн пүтүн күчи билән тиришиду.

Тәкрарлаш

• Һөкүмәтләр алдида қандақ мәҗбурийәтлиримиз бар?

• Немә үчүн сәясий ишларда бетәрәп туримиз?

• Қандақ вәзийәтләрдә бетәрәпликни сақлашта синаққа дуч келишимиз мүмкин?