Gesù el ga dito par i so dissìpoli no esser come le persone del mondo. (Gioani 15:19) Cossita, ghemo de esser neutri, o sia, no meterse nela polìtica e nele guere del mondo. Ma dele volte, no l’è mia fàcile farlo parché le persone le ne ride drio. Alora, come che podemo seitar a esser leai a Geovà e mai meterse nela polìtica e nele guere?

1. Cossa che quei che i va drio a Cristo i pensa sora i governi?

Quei che i va drio a Cristo i ga rispeto par i governanti. Gesù el ga dito che ‘ghemo de dar a Cesar quel che l’è de Cesar’. Alora, ghemo de obedir ale lege del governo, come de pagar imposti. (Marco 12:17) La Bìblia la dise che òmini i ze drio governanar parché Geovà li assa. (Romani 13:1) Alora, capimo che i governanti i ga manco autorità che Dio. Noantri savemo che sol Geovà e el so Regno i ndarà finir fora coi problemi dele persone.

2. Come che podemo mostrar che no se metemo nela politica e nele guere?

Noantri femo compagno a Gesù e no se metemo nela polìtica. Varda quel che Gesù el ga fato quando le persone le ga visto i so miràcoli e le ga proà farlo rè. Lu no’l ga assà che le persone lo fesse rè. (Gioani 6:15) Parché? Lu el ga dito pi tardi che el so Regno no’l fea parte de questo mondo. (Gioani 18:36) Come ndemo drio a Cristo, volemo far compagno a lu. Par esémpio, no ndemo ale guere. (Ledi Michea 4:3.) Noantri ghemo rispeto par la bandiera, ma no la adoremo mia. (1 Gioani 5:21) E noantri no giutemo e gnanca ndemo contra un polìtico. Se femo cossita, mostremo che semo leai al governo de Dio.

 IMPARA DE PI!

3. I veri dissìpoli de Gesù no i se mete nela polìtica e nele guere

Gesù e i so dissìpoli no i se ga mai metesto nela politica e nele guere. Alora, noantri ghemo de far compagno a lori. Ledé Romani 13:1, 5-7 e 1 Piero 2:13, 14. Dopo, vardé el VÌDEO, e parlé sora questo.

• Parché che ghemo de mostrar rispeto ai governanti?

• Come che mostremo che ghe obedimo?

Quando l’è drio suceder una guera, arquanti paesi i dise che no i ndarà meterse. Anca cossita, lori i giuta quei che i ze nela guera. Alora, cossa che vol dir no meterse nele guere? Ledé Gioani 17:16. Dopo, vardé el VÌDEO, e parlé sora questo.

• Come una persona la mostra che no la se mete nela politica e nele guere?

Cossa che te ghè de far se el governo el vol che te fae qualcossa che no ghe piase a Geovà? Ledé Ati 5:28, 29. Dopo, vardé el VÌDEO e parlé sora questo.

• Metemo dir che la lege dei òmini dise de far una roba, ma la lege de Dio la dise de far nantra. A chi che ndaremo obedir?

• Sito bon de pensar quando i servi de Dio no i gavaria de obedir ai governanti?

 4. Stà atento a quel che te fè e a quel che te pensi

Ledé 1 Gioani 5:21. Dopo, vardé el VÌDEO, e parlé sora questo.

• Parché che Ayenge el ga dessidio no meterse nela polìtica e gnanca darghe onor ala bandiera?

• Te pensi che el ga fato la roba giusta?

Quando che fursi pol esser fadiga no meterse nela polìtica? Vardé el VÌDEO, e dopo, parlé sora questo.

• Come che podemo seitar leai al Regno de Dio se semo drio vardar un giugo intrà due paesi?

• Pol esser che la dessision de un governante la ndarà giutarne o intrigarne. Come che podemo no meterse nela polìtica quando sucede una roba cossita?

• Come quel che scoltemo dele notìssie o dele persone pol intrigarne de no meterse nela polìtica?

 COSSA CHE TE GHÈ IMPARÀ?

Quei che i va drio a Cristo i se sforsa de no meterse nela polìtica. Par quela, lori i stà atenti a quel che i fà, quel che i pensa e quel che i parla.

Sito bon de ricordarte?

• Cossa che ghemo de mostrar ai governanti?

• Parché che no ghemo de meterse nela polìtica?

• Quando che fursi pol esser fadiga no meterse nela polìtica o nele guere?