Jesus te tinha tidzadawa dzamarĩꞌwa norĩ ma ‘danhiniwĩ ꞌre nomro mono tõ da.’ (João 15:19 TNM) Danhiniwĩ ꞌre wanomro mono tõ da, política na duré datsiꞌwapé na dame wahöimana dzaꞌra õ di dza. Tadzahã ĩꞌuptabi na hã pire di danhiniwĩ ꞌre wanomro mono tõ da. Ãté ãne wamhã te dza waꞌãma tato dzaꞌra ni. E niha bété danhiniwĩ ãna wa dza ꞌre wanomro Jeová niwĩ ꞌre wanomro mono tsina.

1. E niha Jesus dzadawa dzamarĩꞌwa norĩ te rotsaꞌrata dzaꞌra dama ĩpire norĩ ãma.

Jesus dzadawa dzamarĩꞌwa norĩ te wadzéb dzaꞌra dama ĩpire norĩ. Ãne Jesus te te ĩnharĩdzéb dzarina ‘Apito Cézahá ma wa tsõmri dzaꞌra ni, marĩ hã Cézaha te hã.’. Taha dzarina, wa tsadawa dzamarĩ dzaꞌra ni warom nhimiroti, ãma ĩtsimiré, waꞌöbö arĩ waꞌöbö na hã. (Marcos 12:17) Ropotoꞌwai mreme te rowahutu dama ĩpire norĩ dama pire na ꞌre ĩhöimana dzaꞌra mono na hã Jeová te te tsaꞌréi wa. (Romanos 13:1 TNM) Taha wa, wa wadzéb dzaꞌra ni dama ĩpire norĩ. Tane nherẽ, wa wadzéb dzaꞌra ni Ropotoꞌwa, õ norĩ nhipai u. Wama waihuꞌu petse dzaꞌra di Ropotoꞌwa tsi tinhimirobꞌrudzém na te te ĩꞌuprotsi waihuꞌu petse na hã ropire dama ĩhöimana dzaꞌra mono hã.

2. E niha wa dza höiꞌré dzaꞌra ni danhiniwĩ ꞌre ĩwanomro mono õ na.

Jesus ne, dame wahöimana dzaꞌra õ di política na. Jesus datsa te te dama ahö mono wa, ma tô aré datsima wẽ dzaꞌra ni Rotiꞌwa da. Tadzahã te te tsima wẽ õ di. (João 6:14, 15) E marĩ wa. Nimahã bötö pariptsi Jesus te tinha: ‘Apito na dama ꞌre ĩ̱höimana mono dzéb da hã, tiꞌai ãma dai õ di.’ (João 18:36) Jesus dzadawa dzamarĩꞌwa na marĩ ahö na wa höiꞌré dzaꞌra ni danhiniwĩ ꞌre ĩwanomro mono õ na. Ãma ĩtsimiré, datsiꞌwapé na dame wahöimana dzaꞌra õ di. (Tsõré na Mateus 26:52.) Tsina ĩto dzaꞌra política na wa te upari dzaꞌra õ di duré tsada wahöimana dzaꞌra õ di. Wa wadzéb dzaꞌra ni daro ꞌre ĩwahöimana dzaꞌra mono dzé hã, tadzahã wawata dzaꞌra õ di marĩ norĩ waro te te ĩwatsuꞌu dzaꞌra ãma, ãma ĩtsimiré bandeira ãma. (1 João 5:21) Ta norĩ na duré marĩ ĩhöiba amo norĩ na wa dza höiꞌré dzaꞌra ni Ropotoꞌwa nhimirobꞌrudzé niwĩptsi ꞌre ĩwanomro mono na.

WAIHUꞌU DURÉ

3. Jesus dzadawa dzamarĩꞌwa ĩꞌuptabi norĩ danhiniwĩ ꞌre nomro mono õ di

Jesus tidzadawa dzamarĩꞌwa norĩ me danhiniwĩ ꞌre nomro mono õ di. Wa dza duré tsidzutsi dzaꞌra ni. Atsiré tsõré aba Romanos 13:5-7 duré 1 Pedro 2:13, 14. Taha parimhã ꞌmadöꞌö aba ĨROPODO duré atsima robdzanhamri aba ãhã dadzadanharĩ norĩ ãma piꞌrebamhã.

• E marĩ wa, wa dza wadzéb dzaꞌra ni dama ĩpire norĩ.

• E niha wa dza höiꞌré dzaꞌra ni wa te ĩwadzéb dzaꞌra na hã.

Datsiꞌwapéi wamhã nimahã darom norĩ ĩtsiwatsuꞌu dzaꞌra danhiniwĩ ꞌre ĩnomro mono õ na te natsi upari dzaꞌra maparane daꞌubumro ĩtsiꞌwapé dzahuré. E marĩ tô tsena danhiniwĩ ãna danomro. João 17:16 TNM te tinha: “Õ norĩ hã danhiniwĩ ꞌre nomro mono õ di danhiniwĩ ꞌre ĩ̱nomro mono õ wa”. Taha parimhã ꞌmadöꞌö aba ĨROPODO duré atsima robdzanhamri aba ãhã dadzadanharĩ ãma piꞌrebamhã.

• E marĩ te watsuꞌu danhiniwĩ ãna danomro.

Bété dama ĩpire te te tsima wẽ wamhã marĩ wa te ꞌmanharĩ dzaꞌra da Ropotoꞌwa nhimiroti dzada. Atsiré tsõré aba Atos 5:28, 29. Taha parimhã ꞌmadöꞌö aba ĨROPODO duré atsima robdzanhamri aba ãhã dadzadanharĩ norĩ ãma piꞌrebamhã.

• Dama ĩpire nhimiroti marĩ te te wama ꞌru dzaꞌra wamhã Ropotoꞌwa nhimiroti aimawi na te te wama ꞌru dzaꞌra nherẽ, e ꞌwa nhimiroti wa dza tsadawa dzamarĩ dzaꞌra ni.

• E rotsaꞌrata waihuꞌu petse di nimahã romhöimanadzé Jesus dzadawa dzamarĩꞌwa norĩ dama ĩpire norĩ nhimiroti te te ĩtsadawa dzamarĩ dzaꞌra tõ da tsi.

4. Danhiniwĩ ãna ꞌre anomro atsimirotsaꞌrata na duré atsimiꞌmanharĩdzém na

Atsiré tsõré aba 1 João 5:21. Taha parimhã ꞌmadöꞌö aba ĨROPODO duré atsima robdzanhamri aba ãhã dadzadanharĩ norĩ ãma piꞌrebamhã.

• Ĩropoto na, e marĩ wa Ayenge ma tô pitsutu dame höimana tõ da política na romhuriꞌwa norĩ me duré dame höimana tõ da bandeira dzawidzém na.

• Aima hã, e tsimidzaꞌretse na ma tô pitsutu wẽ.

E mahã romhöimanadzé ĩhöiba amo norĩ na ãté pire di danhiniwĩ ꞌre wanomro mono tõ da. ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ norĩ ãma piꞌrebamhã.

• Waro daro ĩhöiba amo dato na te te ꞌwapéi wamhã e niha danhiniwĩ ꞌre wanomro mono õ di dza.

• Dama ĩpire nhimipitsutudzé te te wapawaptob dzaꞌra wamhã niwamhã te te wawi roꞌwaꞌrutu dzaꞌra wamhã, e niha danhiniwĩ ꞌre wanomro mono õ di dza.

• E niha wa te ĩdawapari dzaꞌra dzé roꞌmahörö na te wawi roꞌwaꞌrutu dzaꞌra danhiniwĩ ãna ꞌre wanomro mono tõ da.

ĨWAIHUꞌUDZÉ HÃ

Jesus dzadawa dzamarĩꞌwa norĩ te tsada ꞌre tsiptete dzaꞌra tinhimirotsaꞌrata na timreme na duré tinhimiꞌmanharĩdzém na danhiniwĩ ꞌre nomro mono tõ da.

Ãma aipoꞌre puꞌu

• E marĩ, wa te ĩꞌmanharĩ dzaꞌra da tsi dama ĩpire norĩ ma.

• E marĩ wa, política na danhiniwĩ ꞌre ĩwanomro mono tõ da tsi.

• E mahã romhöimanadzém norĩ na ãté pire di danhiniwĩ ꞌre wanomro mono tõ da.