Jesosy nampianatra fa pianatranany aby io ‘tsy tokony ho an̈isany donia ty.’ (Jaona 15:19) Tafiditry an̈atinizen̈y tsy man̈ano politiky ndreky tsy mandeha lagera. Tsy mora man̈ano zen̈y ndraikindraiky. Mety hankadalainolo atsika fotony tsy man̈ano raha fataondro. Akory hahavy atsika tsy ho an̈isany donia ty ndreky tsy hivadiky amy Jehovah?

1. Akory tokony fahitany Kristianin̈y fanjakan̈anolombelon̈o?

Kristianin̈y man̈aja manampahifan̈a. Atsika man̈araka volan̈a Jesosy ndreky ‘man̈efa amy Kaisara lan̈iany raha niny Kaisara.’ Dikanizen̈y atsika man̈aja lalàn̈any tany misy atsika, karaha ataony fan̈ifan̈a latety. (Marka 12:17) Baiboly mampianatra fa Jehovah nan̈ambela olombelon̈o hitondra atsika. (Romanina 13:1) Ke haintsika tsarabe fa misy erany fahifan̈anolombelon̈o. Zan̈ahary ndreky Fanjakan̈anany andan̈itry an̈y fo atokisantsika hahavaha problemonolombelon̈o.

2. Akory han̈aboahantsika fa atsika tsy milan̈y amy donia ty?

Karaha nataony Jesosy, atsika tsy miditry amy politiky. Tamy Jesosy tambony tany teto, olo koa fa nahita fahagagan̈a nataony, iro nila han̈ano izy panjaka, fa izy tsy nan̈eky. (Jaona 6:15) Nan̈ino? Izy nivolan̈a: “Fanjakan̈anaka tsy an̈isany donia ty.” (Jaona 18:36) Atsika io pianatrany Jesosy. Ke aboakantsika amy raha maro amy fiain̈anantsika fa atsika tsy milan̈y amy donia ty. Ohatra, atsika tsy mandeha lagera. (Vakia Mika 4:3.) Atsika man̈aja sainampirenena, fa atsika tsy manompo izio. (1 Jaona 5:21) Atsika tsy milan̈y sady tsy manohitry antoko politiky araiky na kandidà araiky. Amy fomba zen̈y ndreky amy fomba hafa, aboakantsika fa atsika tsy mivadiky amy Fanjakan̈any Zan̈ahary foeky.

 ALEVA ONON̈O

3. Ten̈a Kristianin̈y tsy milan̈y amy donia ty

Nan̈amia modely arehantsika Jesosy ndreky iro pan̈aradia izy aby io. Vakia Romanina 13:1, 5-7 ndreky 1 Petera 2:13, 14. Baka io alifasa VIDEO io, avio iaraha dinihin̈y fan̈ontanian̈a aby ambany io.

• Nan̈ino atsika mila man̈aja manampahifan̈a?

• Akory aby an̈aboahantsika fa atsika man̈aja iro io?

Koa fa misy lagera, firenena sasany man̈ano mivolan̈a tsy milan̈y amindro man̈ano izio, kanefa samy tahitahindro iro. Mbala milan̈y amy lagera fo iro koa man̈ano zen̈y. Karakory fo ma ten̈a dikany tsy milan̈y amy donia ty zen̈y? Vakia Jaona 17:16. Baka io alifasa VIDEO io, avio iaraha dinihin̈y fan̈ontanian̈a ambany io.

• Karakory ma tsy milan̈y amy donia ty zen̈y?

Karakory izikoa misy manampahifan̈a man̈iraka anao han̈ano raha tsy mifan̈araka amy lalàn̈any Zan̈ahary? Vakia Asan’ny Apostoly 5:28, 29. Baka io alifasa VIDEO io, avio iaraha dinihin̈y fan̈ontanian̈a aby ambany io.

• Izikoa fa tsy mifan̈araka amy lalàn̈any Zan̈ahary lalàn̈anolombelon̈o, ninjovy tokony arehanao?

• Ino raha mety ataony manampahifan̈a, kanefa tsy arehany Kristianin̈y?

 4. Aza milan̈y amy donia ty na aminy eritreritry na amy raha atao

Vakia 1 Jaona 5:21. Baka io alifasa VIDEO io, avio iaraha dinihin̈y fan̈ontanian̈a aby ambany io.

• Amy video io, nan̈ino Ayenge nanapakevitry tsy hiditry taminy antoko politiky ndreky tsy nety nan̈ano fomba amy fananganantsain̈y?

• Fahitanao izy, nety tsarabe ma fanapahankevitrinany in̈y?

Ino koa raha mety hahavy atsika hilan̈y amy donia ty? Alifasa VIDEO io, avio iaraha dinihin̈y fan̈ontanian̈a aby ambany io.

• Akory hataontsika tsy hilan̈y amy donia ty amy resaka spaoro, karaha ataony firenena samy firenena mifan̈oesa?

• Akory hataontsika tsy hilan̈y amy politiky foeky, ndray atsika mahazo tombony amindro, ndray atsika ampijalindro?

• Nan̈ino ma mety hahavy atsika hilan̈y amy donia ty vaovao tandrin̈esantsika ndreky olo man̈odidin̈y atsika?

 INO RAHA NIANARANAO TATO?

Mifen̈y mare Kristianin̈y baka tsy hilan̈y amy donia ty na aminy hevitry, na amy volan̈a, na amy raha atao.

Fan̈ontanian̈a Fameren̈ana

• Ino raha tokony hifaintsika amy manampahifan̈a aby io?

• Nan̈ino atsika tsy milan̈y amy donia ty foeky?

• Amy fotoan̈a karakory mety ho sarotro amintsika tsy hilan̈y amy donia ty?