Zisɛ e mo a gɛɛ bolu-ɓela ‘dife a nɔii su-ɓela.’ (Zɔŋ 15:​19) Zukulai ɓa dife diyee kpaa dila pu ŋeniɛi su gɔmɛti mɛni-ŋa su kpaa maŋ kɔ mɛni su. Dɔ̃yai ɓa, kuyee kulaa gɔmɛti mɛni-ŋa su fa kɛ a mɛni loŋ a tãi kelee. Nua da pɔri ɣɛlɛ-maa kulai kukponoi nyiŋi mɛni ma. Kwa pɔri kuyee kpaa kula kulai leŋ gɔmɛti mɛni su, ku lɛɛ Ziova Ɣala polu?

1. Le ɓa tɔ̃ya Korai-ɓela dikili-ŋa-siai e pilaŋ nuu-kpune gɔmɛti ma?

Korai-ɓela da ɓaa-kɛ-maa tɛɛ gɔmɛti pɔ. Kwa gɛ nɔ yɛɛ berei Zisɛ e mo lai, ‘kwa zɛŋ gaa a Galoŋ Siizɛ pɔɔi tɛɛ bɔ’​—zukulai ɓa, kwa nɔii-ŋuŋ-ŋai kukaa zui maa tɔŋ-ŋa mɛi kaa, yɛɛ dɔŋ a gɛɛ ku ŋuŋ-fela-fe-ŋa kpɛɛ. (Maki 12:​17) Ŋala-kɔlɔi e mo a gɛɛ nuu-kpune gɔmɛti kaa nɔ nɔii mɛi kpɛni fei Ziova e nɛɛ naa a gɛɛ dikɛ naa. (Lomaŋ 13:​1, NWT) Mɛni ma, ku gɔlɔŋ a gɛɛ Ɣala ŋɔwala-wala-laai tɛɛi nuu-kpune gɔmɛti kelee ma. Kukili tɔɔi Kuɣalai da Ŋɔkaloŋ-laai ma a gɛɛ e kumɛni-kpɔlu-ŋai kelee kpɛɛ.

2. Kwa pɔri nɛi leŋ a gɛɛ kufa kuyee pu gɔmɛti mɛni-ŋa su?

Yɛɛ Zisɛ, kufa kuyee kpaa kula pu gɔmɛti mɛni-ŋa su. Tãi nuai di Zisɛ ŋɔŋɛi-kɛ-maa-ŋai dɔnɔ kaa lai, dikɛ ŋwɛli di gɛ a kaloŋ nɔii ma ɓɛi, ve faa ni ma. (Zɔŋ 6:​15) Le mɛni ma? Kpɛni fei e mo nyɛɛi, “Ŋakaloŋ-laai fe kula ni nɔii ŋi su.” (Zɔŋ 18:​36) Kuai a Zisɛ polu-ɓelai, kwa nɛ a gɛɛ kufa kuyee pu gɔmɛti mɛni-ŋa su a pere sii takpɛni-ŋa. Gɔɔŋ-maa ɓa, kufa kuyee pu mɛni su. (Maka 4:3 lono.) Kwa ɓaa-kɛ-maa lɛ zãai dia dɔɔi nɔii-ŋuŋ mɛni mai​—yɛɛ filɛɛ. Kɛɛ kufa maa-kɛ-maai kwa dɛɛ Ziova pɔi, tɛɛ dipɔ. (1 Zɔŋ 5:​21) Nyaŋ kufa tɔɔ gɔmɛti nuu-kpulu kelee ta polu kpaa nuu nyii kelee ŋwɛlii e kɛ a gɔmɛti nuu kɛtɛ kpaa kutɔɔ dia. Bere sii-ŋai ŋi da dakpɛni-ŋa su, kwa nɛ a gɛɛ ku tɔɔi Ɣala ŋɔgɔmɛti polu​—nya ɓa Ŋɔkaloŋ-laai.

 MƐNI TAMAA MAA-KƆRI

3. Tɔ̃ya Korai-ɓela difa diyee pu gɔmɛti mɛni-ŋa su

Zisɛ da ŋɔpolu-ɓelai di mɛni-kɔɔŋ-maa lɛlɛɛ lɛ kua. Lomaŋ 13:​1, 5-7 (NWT) da 1 Pitɛ 2:​13, 14 lono. VILOI su kaa, gɛ ni ka lono e pilaŋ mare-kɛɛ-ŋai ŋi dia.

• Le mɛni ɓe maa nɛ̃ɛi ku ɓaa-kɛ-maa tɛɛ la nuu-kpune gɔmɛti pɔ?

• Pere sii-ŋa kɛɛ leŋ ɓe kwa pɔri nɛi la a gɛɛ kukaa diwoo mu?

Kɔ a kɛ kɔi, lɔii-ŋuŋ taŋa da mo a gɛɛ diyee fe gɔi su, kɛlɛ, da kɛ kpɔŋ maa tɛɛi gɔ kɔ-ɓela nuu-kpulu feerɛi pɔ. Nuu yee kulaa gɔmɛti mɛni-ŋa su sukulai kpɔɔi ɓa le? Zɔŋ 17:​16 lono. Gɛ ni, VILOI su kaa ka lono e pilaŋ mare-kɛɛ ŋi ma.

• Nuu yee kulaa gɔmɛti mɛni-ŋa su sukulai ɓa le?

Le ɓe maa nɛ̃ɛi ku gɛ a kɛ gɔmɛti a mo a gɛɛ ku sɛŋ ta kɛ nyii ŋwɛli fe Ɣala mai? Dikɛ-mɛni-ŋai 5:​28, 29 lono. Naa polu ma, VILOI su kaa gɛ ni ka lono e pilaŋ mare-kɛɛ-ŋai ŋi dia.

• A kɛ gɔmɛti a mo kua a gɛɛ ku mɛni ta kɛ nyii dɔɔi Ɣalai ŋɔtɔŋ mai, gbɛɛ ɓe maa nɛ̃ɛi ku ŋoo mɛni?

• Ya pɔri ikili-ŋa siai e pilaŋ mɛni taŋa dia nyii gɔmɛti a pɔri moi Korai-ɓela dia a gɛɛ di gɛ, nyaŋ dife pai faai ma?

 4. Nɛ itua-pere da ikili-ŋa-siai su a gɛɛ ifa iyee pu gɔmɛti mɛni-ŋa su

1 Zɔŋ 5:​21 lono. Naa polu ma, VILOI su kaa gɛ ni ka lono e pilaŋ mare-kɛɛ-ŋai ŋi dia.

• Viloi su, le ɓe gɛ Ayenge fe faa ni ma a gɛɛ e too kpɔŋ-gie-ma ta su voti kɛ mɛni ma kpaa e yee tɔɔ ŋuŋ ma filɛɛ tɛ mɛni ma?

• I laai la e mɛni-kpɛtɛɛ lɛlɛɛ kɛ?

Le mɛni takpɛni-ŋa ɓe a gɛ a gbanaŋɔɔ a gɛɛ kufe kuyee pu gɔmɛti mɛni-ŋa su? VILOI su kaa, gɛ ni ka lono e pilaŋ mare-kɛɛ-ŋai ŋi dia.

• Kwa nɛ leŋ a gɛɛ kufe nuu-kpulu ta polu da kɛ bɔɔ kɔi lɔii-ŋuŋ takpɛni-ŋa loai?

• Kwa pɔri nɛi leŋ a gɛɛ kuyee kpaa kula fe gɔmɛti mɛni-ŋa su a nɛ̃ɛ maŋ dimɛni-kpɛtɛɛ e pa a mɛni lɛlɛɛ kpaa mɛni nyɔmɔɔ kupɔ?

• Mɛni-ŋai kwa mɛni kumaraŋ-ŋa lai kpaa vaa-kɔlii mɛi, a gɛ leŋ a gbanaŋɔɔ a gɛɛ kufe kuyee pu gɔmɛti mɛni-ŋa su??

 MƐNI-ŊUŊ-ŊAI YAA MAA-KƆRII

Korai-ɓela da kɔ a gbanaŋɔɔ a gɛɛ di nɛ dikili-ŋa-siai su, dilono pere da ditua-pere su a gɛɛ diyee kpaa dila fe gɔmɛti mɛni-ŋa su.

Gili-too-ŋa mare-kɛɛ-ŋai

• Le ɓe maa nɛ̃ɛi ku dɛɛ nuu-kpune gɔmɛti pɔ?

• Le mɛni ɓe kufa kuyee pu la gɔmɛti mɛni-ŋa su?

• Mɛni-ŋa kɛɛ leŋ ɓe a gɛ a gbanaŋɔɔ a gɛɛ kufe kuyee pu gɔmɛti mɛni su?