Jesus umbeu idiscípuloitá supé “timaa mundu iyaraita penye”. (João 15:19) Kuá uputari umbeu ti yasú yayumunái política irum ne yasú guerra kití. Yawewaá resewara yepeyepé ta ukuntari ipuxí yané resé. Yakuaté amuramé iwasú yandé arama ti yayumunái kuá mundo irum. Mayé yapoderi yasendú Jeová asuí ti yayumunái kuá mundo irum?

1. Mayé cristãoitá ta umaã governoitá?

Cristãoitá ta urespeitari governoitá. Asuí yamuñhã mayé Jesus umbeu ‘yameẽ Sezar supé Sezar iyara’. Kuá uputari umbeu yasú yasendú yané retama lei asuí yasú yapagari impostoitá. (Marko 12:17) Bíblia umbeu governoitá ta umundú ta uikú kuá mundo upé ñhãsé Jeová uxari aintá ta umundú. (Romawaraitá 13:1) Yawewaá resewara yandé yarespeitari awaitá ta ugovernari ta uikú, ma yakuaté Deus umundú piri apigaitá suí. Ape añhũ Deus asuí igoverno upoderi umupuranga kuá mundo.

2. Mayé yapoderi yaxari aintá ta ukuá ti yayumunái kuá mundo irum?

Mayé Jesus yawé, yandé ti yayumunái política irum. Mairamé miraitá ta umaã milagreitá Jesus umuñhãwaá kuxiíma, aintá ta uputari ta umuñhã Jesus upitá rei, ma aé ti uputari. (João 6:15) Marã taá? Jesus usuaxara yandé arama mairamé umbeu: “Timaa aintaruixawa ixe kua mundu upe.” (João 18:36) Yandé yaputari yamusangá Jesus. Yawewaá resewara ti yayumunái maã kuá mundo yara irum. Yepé exemplo, yandé ti yasú guerra kití. (Releri Mikeia 4:3.) Asuí yandé ti yapoiari ne yepé partido político, ne yapitá ta ruaxá. Yandé yarespeitari kuá tetama mamé yamorariwaá, ma ti yameẽ glória bandeira supé. (1 João 5:21) Mairamé yamuñhã kuayé yaxari ta ukuá yaparawaka yapoiari Deus Reino.

 REYUMBUÉ PIRI ARAMA

3. Cristãoitá supiwaá ti ta uyumunái política irum

Jesus asuí idiscipuloitá ti ta uyumunái política irum, ape yaprecisari yamusangá aintá. Peleri Romawaraitá 13:1, 5-7 asuí 1 Pedro 2:13, 14. Ariré pemaã kuá VÍDEO asuí pekuntari kuá resé:

• Marã taá yarikuté yarespeitari governoitá?

• Maã taá yaprecisari yamuñhã yasendú arama governo?

Mairamé usasá yepé guerra yepeyepé tetamaitá ta umbeu ti ta uyumunái, ma aintá ta uapoiari. Maã taá uputari umbeu ti yayumunái guerra irum? Peleri João 17:16. Ariré pemaã kuá VÍDEO asuí pekuntari kuá resé:

• Maã taá uputari umbeu ti yayumunái política asuí guerra irum?

Maã taá yarikuté yamuñhã mairamé yepé governo uputari yapitá Deus lei ruaxá? Peleri Ato 5:28, 29. Ariré pemaã kuá VÍDEO asuí pekuntari kuá resé:

• Mairamé governo lei umundú yamuñhã arama yepé maã, ma Deus lei umundú ti arama yamuñhã kuayé, mayewaá lei yasú yasendú?

• Mairamé cristãoitá ta uparawaka ti ta usendú governo lei?

 4. Pemaã katú maã irum remuñhãwaá asuí remanduáriwaá

Peleri 1 João 5:21. Ariré pemaã kuá VÍDEO asuí pekuntari kuá resé:

• Kuá vídeo upé, marã Ayenge uparawaka ti uapoiari yepé partido político ne umukuema bandeira?

• Indé arama, será aé uparawaka puranga?

Será aikué amú maã tiwaá yapoderi yamuñhã? Pemaã kuá VÍDEO, ariré pekuntari kuá resé:

• Maã ti yapoderi yamuñhã, sá yané retama upitá amú tetamaitá ruaxá?

• Mairamé yepé político umuñhã yepé maã tiwaá yagustari, maã ti yapoderi yamuñhã?

• Mayé maã yamaã u yasendú upoderi umuñhã iwasú ti arama yayumunái kuá mundo yara irum?

 MAÃ REYUMBUÉ

Cristãoitá ta uyuesforçari ti arama ta uyumunái kuá mundo irum, ta umanduáriwaá upé, ta umbeuwaá irum asuí ta umuñhãwaá irum.

Remanduári arama

• Maã taá yarikuté yameẽ governoitá supé?

• Marã taá ti yapoderi yayumunái kuá mundo irum?

• Mairamé iwasú yandé arama ti yayumunái kuá mundo irum?