Jesús bisuidy que xpiimbu «diti nacyibu de gudxliogoxreʼ» (Juan 15:19). Ndeʼ radudy diitz que rasagaʼ galayibu, diti rioʼyibu lad partid nili rieeyibu ló guerr. Per rioʼ ór rasac naganno guisagaʼ galayno. Scú láani, dada labúu guixiich buñ lóono. ¿Ximod labúu guisagaʼ galayno né dipa guisianno Jehová?

1. ¿Ximod rabiʼ guirá cristianos ni rasuidy xinésni guirá gobiernos ni noʼ?

Lóono ni nacno cristianos rapno respet a guirá gobiernos ni noʼ. Jesús goniʼ: «Colquiix César ni nac xtuny César». Né ngú ni ronyno: rasobno xiley buñchiin xomod órni raguiixno impuestos (Marcos 12:17). La Biblia rasuidy que guirá gobiernos ni noʼ rony mandaryibu portín Jehová radudy lagary layibu (Romanos 13:1). Por ngú radudyno cuent que guirá xcalmandary gobiernos reʼ diti rigaʼlni xcalmandary Dios. Nandxichno que Dios xtunyno né Gobierno xtunybu, sabeʼ guirá galnagan ni noʼ ló Gudxlio.

2. ¿Ximod raslooyno que rasagaʼ galayno?

Xomodca Jesús, lóono diti rioʼno lad partid. Órni buñ bibiʼ toibtica galrradziguiaʼ ni buny Jesús, órcu guirá buñcu goniiny ñony láabu rey ló Gudxlio, per láabu diti gosaguelbu (Juan 6:15). ¿Xigony yaca? Láacabu goniʼbu ndeʼ: «Gobierno xtuni diti nacni de gudxliogoxreʼ» (Juan 18:36). Lóono ni nacno xpiin Jesús raslooyno de xidal mod que rasagaʼ galayno. Por ejemplo, diti rioʼno ló guerr (bíil Miqueas 4:3). Ná napno respet símbolos patrios, xomod bandera, diti rasanadxno láani portín ndeʼ nacni suusi ñony adorarno guiráni (1 Juan 5:21). Diti rareʼno xfavor toib partido político nili ranino mal de layibu nili de toib candidato. Modreʼ raslooyno que nosi Gobierno xtuny Dios ni ma golúbu ngúsi racanalno.

 NANOY GUISUIDYNO LÁANI

3. Lóono ni nacno cristianos ni rasuidy xinésni rasagaʼ galayno

Jesús né xpiin bisuidyibu lóono gonyno modreʼ. Colgoʼol Romanos 13:1, 5-7 né 1 Pedro 2:13, 14. De ngú colguibiʼ VIDEO reʼ né colgooy xtiitzni:

• ¿Xigony non gapno respet buñchiin?

• ¿Ximod raslooyno que rasobno layibu?

Órni rac guerr, tipnés gudxrop náyibu que rasagaʼ galayibu per diti nacni scú portín rony apoyaryibu gudxrop ni cacaló saʼ. ¿Labúu guinino que rasagaʼ galayibu la? Colgoʼol Juan 17:16. De ngú colguibiʼ VIDEO reʼ né colgooy xtiitzni:

• ¿Xí radudy diitz guisagaʼ galayno?

Rioʼ ór buñchiin ranab gonyno cós ni diti radzak né xiley Dios. ¿Xí láani ronyno órcu? Colgoʼol Hechos 5:28, 29. De ngú colguibiʼ VIDEO reʼ né colgooy xtiitzni:

• Pal toib ley xtuny buñgudxlio diti radzakni né xiley Dios, ¿xí ley non guisobno?

• ¿Rieed ló xpensarylo pu ór cristianos diti non guisobyibu buñchiin la?

 4. Labúu guislooylo que rasaʼ galaylo mod ronylo né mod ronylo pensary

Colgoʼol 1 Juan 5:21. De ngú colguibiʼ VIDEO reʼ né colgooy xtiitzni:

• ¿Xigony Ayenge diti buny apoyarbu toib partido político nili goniʼbu dioxh bandera?

• Xpensarylo, ¿xinésni ngú ni bunybu la?

¿Xí stipnés cós labúu nagoʼ prueby lóono par diti nasagaʼ galayno? Colguibiʼ VIDEO reʼ né colgooy xtiitzni:

• ¿Ximod labúu guislooyno que rasagaʼ galayno dada órni raguit tipnés gudxrop?

• ¿Ximod labúu guisagaʼ galayno dada órni políticos racnéyibu lóono o órni diti racnéyibu lóono?

• ¿Xí labúu ñony guirá ni rabiʼno ló televisión, ló internet o buñ ni nagoo lóono par diti guisagaʼ galayno?

 ¿XÍ BISUIDYLO?

Lóono ni nacno cristianos ronyno rutirigaʼlni lóono par guisagaʼ galayno ló partid, né raslooyno láani mod ronyno pensary, mod ranino né mod ronyno.

Repas

• ¿Xí responsabilidad napno nisló buñchiin?

• ¿Xigony rasagaʼ galayno ló partido político?

• ¿Xí cós labúu nagoʼ prueby lóono par diti guisagaʼ galayno?