ENUKPLAKPLA 46
Nyi yí taɖo woasɔ amɛɖeki na Mawu yí awa ʒinʒindoshimɛɔ?
Nɔ èdo gbe ɖaɖa nɔ Yehowa yí ɖo gbe ni mɔ yiɖekɛ yí yeasɛn yí asɔ yi dro wawa ɖo texwe ŋkɔtɔ le agbe mɛɔ, anyi èsɔ eoɖeki jo ni. (Ehajiji Wema 40:8) Yi goduɔ, nawa ʒinʒindoshimɛ. Nɔ èwɛ ahan ɔ, àdasɛ nɔ amowo mɔ yesɔ yeɖeki na Yehowa. Amɛɖekisɔsɔna Yehowa yí nyi gbeta nywitɔ ci mìasɔ le agbe mɛ. Enyi gbeta vevi ci yí atrɔ mìwo gbe. Vɔ nyi yí atɛnŋ ana mìasɔ gbeta cɛɔ?
1. Nyi yí adɔ mɛɖe asɔ yiɖeki na Yehowaɔ?
Lɔnlɔn ci mìlɔn Yehowa yí dɔ mìsɔ mìwoɖekiwo nini. (1 Ʒan 4:10, 19) Bibla do ŋsɛn mì mɔ: “Mí lɔn [Yehowa] míwo Mawu. . . . koɖo míwo jiwo pleŋ koɖo míwo gbewo pleŋ koɖo míwo susuwo, koɖo míwo ŋsɛnwo pleŋ.” (Maki 12:30) Denyi enyɔ ciwo mìnunɔ ɖekɛ mìasɔ dasɛ mɔ mìlɔn Mawu o, vɔ mìadasɛ yi to mìwo nuwanawo ji hɛnnɛ. Shigbe lé ŋsu koɖo nyɔnu ci yí lɔn nɔnɔ ɖenɔ nɔnɔ nɛɔ, ahanke lɔnlɔn ci mìɖo nɔ Yehowa dɔ mìsɔ mìwoɖekiwo ni keŋ wa ʒinʒindoshimɛ nɛ.
2. Nyiwo Yehowa sɔ cunɔ shi nɔ yi Kunuɖetɔ waʒinʒindoshimɛwoɔ?
Nɔ èwa ʒinʒindoshimɛɔ, àvanɔ Yehowa xomu ci mɛ jijɔ le mɛ. Eyi alɔn eo le enu sugbɔ mɛ, yí àgbete gogui doji sɔwu lé ète gogui do yɛ. (Hlɛn Malashi 3:16-18.) Yehowa anyi Dao, yí nɔviŋsu koɖo nɔvinyɔnu ciwo yí le xexeɛ mɛ keŋkeŋ yí luin alɔn eo yí agbenyi ao xomumɛtɔwo. (Hlɛn Maki 10:29, 30.) Ele ahan gan, èɖo aɖe afɔ ɖewo gbɔxwe awa ʒinʒindoshimɛ. Èɖo akpla nu so Yehowa nu, aluin yí axɔ Eviɛ ji se. Le vɔvɔnuɔ, èɖo asɔ ao gbe na Yehowa. Nɔ èɖe afɔ cɛwo keŋ yí wa ʒinʒindoshimɛɔ, ànɔ emɔ ci yí kplɔ amɛ yí agbe mavɔ mɛ ji. Mawu Nyɔ lɔ nu mɔ: “Ʒinʒin do eshi mɛ . . . hwlɛnhwlɛn mí gan egbɛ.”—1 Piɛ 3:21.
JI DWI NI KPƆ DOJI
Kpɔ enu ci yí taɖo ele veviɖe mɔ àsɔ eoɖeki na Yehowa keŋ awa ʒinʒindoshimɛ.
3. Mì pleŋ yí ɖo acan mɛ ci mìasɛn
Le blema Izraɛliɔ, mɛɖewo bui mɔ yewoatɛnŋ asɛn Yehowa koɖo ŋsumawu Bali doju. Vɔ Yehowa dɔ yi nyɔnuɖɛtɔ Eli ɖaɖa nɔ agbe susu dɔndɔn cɛ nɔ wo. Hlɛn 1 Efyɔwo 18:21, keŋ agbeje nyɔbiɔse cɛ mɛ:
-
Cancan ci Izraɛliviwo ɖo awaɔ?
Shigbe Izraɛliviwo nɛɔ, mìwo can mìɖo acan mɛ ci mìasɛn. Hlɛn Luiki 16:13, keŋ agbeje nyɔbiɔse cɛwo mɛ:
-
Nyi yí taɖo mìdatɛnŋ asɛn Yehowa koɖo mɛbuɖe alo nubuɖe dojuɔ?
-
Lé mìawɛ adasɛ nɔ Yehowa mɔ, eyi mìcan mɔ mìasɛn ɔ?
4. Bu tamɛ kpɔ so lɔnlɔn ci Yehowa ɖo nɔ eo nu
Yehowa na enuvevi sugbɔ mì. Nyi mìatɛnŋ aniɔ? Xo VIDEO lɔ.
Nyiwo mɛ Yehowa dasɛ le mɔ yelɔn eoɔ? Hlɛn Ehajiji Wema 104:14, 15 koɖo 1 Ʒan 4:9, 10, keŋ agbeje nyɔbiɔse cɛwo mɛ:
-
Yehowa nunana ciwo yí jeŋ nɔ eo koŋ ɔ?
-
Lé nunana lɔwo wanɔ nɔ eo so Yehowa nuɔ?
Nɔ mìxɔ nunana ci yí jɔ ji nɔ mìɔ, mìjinɔ mɔ mìado akpe nɔ mɛ ci yí na nu lɔ mì. Hlɛn 2 Ese Wema 16:17, keŋ agbeje nyɔbiɔse cɛ mɛ:
-
Ci èbu enu ciwo pleŋ Yehowa wa nɔ eo kpɔ ɖe, nyi èji mɔ yeani asɔ do akpe niɔ?
5. Nɔ èsɔ eoɖeki na Yehowaɔ, àxɔ shicu sugbɔ
Amɛ sugbɔ bui mɔ nɔ ŋkɔ yi to nɔ yewo, yí edɔ kpɛnkpin alo eho le yewo shiɔ, eyi yewoakpɔ jijɔ. Nyɔnɔnwi yɔa? Xo VIDEO lɔ, keŋ agbeje nyɔbiɔse ciwo yí gbɔgbɔ mɛ.
-
Ci kanmɛtetɔ ci yí le video lɔ mɛ lɔn bɔlu xoxo can ɖe, nyi yí taɖo etashi edɔ lɔɔ?
-
Ésɔ gbeta mɔ yeasɔ yeɖeki na Yehowa, vɔ denyi bɔlu xoxo o. Ci èkpɔɛ ɖe, gbeta nywi esɔa? Nyi yí taɖoɔ?
Gbɔxwe apotru Pɔlu atrɔ Kristotɔɔ, éjekɔ agbla mɔ yeakpɔ edɔ kpɛnkpin ɖeka. Ékpla Ʒuifuwo se le cica ɖeka ci ŋkɔ yi to nɔ gbɔ. Vɔ étashi keŋ vatrɔ Kristotɔ. Eve Pɔlu mɔ yewɛ ahan a? Hlɛn Filipitɔwo 3:8, keŋ agbeje nyɔbiɔse cɛwo mɛ:
-
Nyi yí taɖo Pɔlu mɔ enu ciwo yewa gbɔxwe yí vanyi Kristotɔ nyi ‘nukplɔwoɔ?’
-
Nyɔna ci evakpɔ hɔntɔn ɔ?
-
Nɔ èsɔ Yehowa sɛnsɛn sɔ koɖo emɔ buɖekpokpui ci ji àtɛnŋ azan ao gbe do ɖe, ci èkpɔ mɔ yɛanyɔ wuɔ?
Ci Pɔlu vatrɔ Kristotɔɔ, ékpɔ nyɔna sugbɔ sɔwu enu ciwo etashi xoxoxo
MƐÐEWO NUNƆ MƆ: “Deʒan mɔ amɛ asɔ yi gbe keŋkeŋ jo nɔ Mawu o.”
-
Nyi yí taɖo èkpɔɛ mɔ, nɔ yesɔ yeɖeki na Yehowaɔ, yɛnyi gbeta nywitɔɔ?
ENU CI ÈKPLA
Lɔnlɔn ci mìlɔn Yehowa yí dɔ mìsɔ mìwoɖekiwo nini keŋ yí wanɔ ʒinʒindoshimɛ.
Enumɛtoto
-
Nyi yí taɖo mìɖo alɔn Yehowa yí asin koɖo mìwo ji pleŋ ɔ?
-
Lé Yehowa cunɔ shi nɔ yi Kunuɖetɔ waʒinʒindoshimɛwo doɔ?
-
Àji mɔ yeasɔ yeɖeki na Yehowaa?
KPƆ ŊCƐWO KPƆ
Kpɔ enu ci yí taɖo ehajitɔ ɖeka koɖo kanmɛtetɔ ɖeka sɔ gbeta mɔ yewoasɔ yewoɖekiwo na Yehowa.
Jajɛwo biɔnɔ se mɔ—Agbe mɛ dɔ ci nawaɔ?—Nɔ ŋtrɔ kpɔ ŋgbe (6:54)
Kpɔ susu bu ciwo yí taɖo mìasɔ mìwoɖekiwo na Mawu.
“Nyi yí taɖo àsɔ eoɖeki jo nɔ Yehowaɔ?” (Jutakpɔxɔ 15 janvier 2010)
Le hajiji video cɛ mɛɔ, kpɔ jijɔ ci mɛ ciwo yí sɔ wowoɖekiwo na Yehowa kpɔnɔ.
Exolɔlɔ ɖeka nyi “Ŋbiɔnɔ nyɛɖeki se na nɔ exwe sugbɔ mɔ: ‘Nyi yí taɖo mìle agbeɔ?’” Le exolɔlɔ cɛ mɛɔ, kpɔ enu ci yí dɔ nyɔnu ɖeka bu tamɛ kpɔ so enu ci yí nyi vevitɔ ni nu.
“Bibla trɔkɔ agbenɔnɔ amɛwo tɔ” (Jutakpɔxɔ 1er novembre 2012)
