46 УРОК
Нениҥ учун јӱрӱмисти Кудайга учурлап, сууга чӧҥӱрилер керек?
Иеговага бойыныҥ јӱрӱмин учурлаары — ол јӱк ле ого бажырар ла оныҥ табын јӱрӱминде баштапкы јерге тургузар деп, мӱргӱӱлде сӧзин бергени (Сарын 40:8). Оныҥ кийниндеги алтам — сууга чӧҥӱрилери. Сууга чӧҥӱрилгенеерле слер улуска јӱрӱмеерди Иеговага учурлап салганаарды кӧргӱзип јадыгар. Иеговага учурланары ол јӱрӱмде эҥ учурлу алтам болуп јат. Мындый алтамга кижини не кӱӱнзедер керек?
1. Кудайга бойыныҥ јӱрӱмин учурлаарга кижини не кӱӱнзедет?
Јӱрӱмисти Иеговага учурлаарга бисти сӱӱш кӱӱнзедет (1 Иоанн 4:10, 19). Агару Бичикте айдылат: «Иегова Кудайыҥды, бастыра јӱрегиҥле, бастыра бойыҥла, бастыра санааҥла, бастыра кӱчиҥле сӱӱп јӱр» (Марк 12:30, ЈТ). Кудайды сӱӱп турганыс јӱк ле сӧстӧрдӧҥ эмес, је керектердеҥ кӧрӱнет. Темдектезе, эр ле ӱй кижи бой-бойын чыннаҥ ла сӱӱп турган болзо, олор биле тӧзӧп јат. Анайып ла бис Кудайды чыннаҥ ла сӱӱп турган болзоос, ого јӱрӱмисти учурлап, сууга чӧҥӱрилип јадыс.
2. Иегова сууга чӧҥӱрилип калган ишчилерине нени белетеп салган?
Слер сууга чӧҥӱрилген кийнинде Кудайдыҥ нак, јаан билезине кожулып јадыгар. Анайып слер Кудайдыҥ јаан сӱӱжин бойоор сезип, ого оноҥ јуук болуп калараар. (Малахия 3:16—18 кычырыгар.) Анайда ок слерде јӱк ле теҥеридеги Адагар эмес, је бастыра јердиҥ ӱстинде Иегованы ла слерди сӱӱп турган кӧп ака-эјелер болор. (Марк 10:29, 30 кычырыгар.) Је сууга чӧҥӱрилерге јакшы белетенер керек. Иегованы јакшы билип, оны сӱӱп, оныҥ Уулына бӱдӱмјини тыҥыдар керек. Анайда ок мӱргӱӱлде Иеговага јӱрӱмеерди учурлап салар керек. Ол тушта слер сууга чӧҥӱрилерге белен болороор. Сууга чӧҥӱрилгенеердеҥ ала слер ӱргӱлји јӱрӱмниҥ јолына туруп аладаар. Кудайдыҥ Сӧзинде «слерди... сууга чӧҥӱрилери аргадайт» деп айдылат (1 Пётр 3:21, ЈТ).
ТЕРЕҤЖИДЕ КӦРӰГЕР
Нениҥ учун бойыстыҥ јӱрӱмисти Иеговага учурлап, сууга чӧҥӱрилер керек деп билип алыгар.
3. Слер кемге иштереер деп шӱӱп сананыгар
Јебрен Израильде кезик улус бир уунда Иеговага ла тӧгӱн кудайга, Ваалга, бажырарга јараар деп санангылаган. Је Иегова олордыҥ јастырып турганын кӧргӱзерге, бойыныҥ судурчызын Ильяны ийген. 1 Каандар 18:21 кычырып, суракты шӱӱжип ийигер:
-
Израильтяндарга нени талдап алар керек болгон?
Биске израильтяндарга ла чылап кемге иштеерис деп талдап алар керек. Лука 16:13 кычырып, сурактарды шӱӱжип ийигер:
-
Нениҥ учун Иеговага ла база та кемге де эмезе та неге де бир уунда бажырар арга јок?
-
Бис Иеговага бажырарыс деп талдап алганысты канайып кӧргӱзерис?
4. Иегова слерди тыҥ сӱӱп турганы керегинде сананыгар
Иегова биске баалу кӧп сыйлар эткен. А бис ого нени берер аргалу? ВИДЕОНЫ кӧрӱгер.
Иегова слерге сӱӱжин канайып кӧргӱскен? Сарын 104:14, 15 ле 1 Иоанн 4:9, 10 кычырып, сурактарды шӱӱжип ийигер:
-
Слер Иеговага анчада ла оныҥ кандый сыйлары учун быйанду?
-
Иегова слерге андый кӧп сыйлар эткенин сананып турзаар, слерде ого кандый сезимдер болот?
Бойыска сӱреен тыҥ јарап турган сый алзаас, та канайып та быйанысты кӧргӱзерге кӱӱнзеп јадыс. Јаҥды такыганы 16:17 кычырып, суракты шӱӱжип ийигер:
-
Иегова слерге андый кӧп сыйлар эткенин сананып турзаар, ого нени эдер кӱӱнеер келет?
5. Јӱрӱмисти Иеговага учурлазаар, кӧп алкыштар алараар
Кӧп саба улус јарлу болоры, карьера ла акча олорды ырысту эдер деп сананат. Бу чын андый ба? ВИДЕОНЫ кӧрӱп, сурактарды шӱӱжип ийигер.
-
Бу эр кижи футболды сӱреен тыҥ сӱӱген де болзо, нениҥ учун футболисттиҥ карьеразын артыргызып салган?
-
Слер канайып сананадаар, ол бойыныҥ јӱрӱмин футболго эмес, је Иеговага учурлаганы чын болгон бо? Јартап беригер.
Христиан болордоҥ озо апостол Павел јаан карьера эткен. Оны јарлу ӱредӱчи иудейлердиҥ јасактарына ӱреткен. Је ол христиан болорго ӱзе немени артыргызып салган. Качан бирде Павел мынайда не эттим деп сананган ба? Филиппыдагыларга 3:8 кычырып, сурактарды шӱӱжип ийигер:
-
Павел христиан болордоҥ озо эткен ончо немезин нениҥ учун сӱре-чӧп деп айткан?
-
Павел кандый алкыштар алган?
-
Слердиҥ санаагарла болзо, нези артык: Иеговага иштеери бе эмезе ӧскӧ амадуларга албаданары ба? Јартап беригер.
Павел христиан болорго кӧп немени артыргызып салган да болзо, је канча киреге кӧп алкыштар алган
КЕЗИК УЛУС АЙДАТ: «Тенек улус јӱрӱмин Кудайга учурлап јат».
-
А слер нени сананадаар? Јӱрӱмисти Иеговага учурлаганыс нениҥ учун калас болбос?
ТӦС ШӰӰЛТЕЗИ
Иеговага сӱӱжис јӱрӱмисти ого учурлаарга ла чӧҥӱрилерге кӱӱнзедет.
Нени билип алдыгар?
-
Биске нениҥ учун Иегованы бастыра јӱрегисле сӱӱп, јӱк ле ого бажырар керек?
-
Иегова бойыныҥ сууга чӧҥӱрилип калган ишчилерине кандый алкыштар берет?
-
Слер Иеговага јӱрӱмеерди учурлаарга кӱӱнзейдеер бе?
ШИҤДЕЙТЕН МАТЕРИАЛ
Операныҥ кожоҥчызы ла профессиональный спортчы нениҥ учун јӱрӱмин Иеговага учурлагандар?
«Јииттердиҥ сурактары. Јӱрӱмисти неге учурлаар? Ӧткӧн ӧйди сананып» (6:54)
Иеговага јӱрӱмисти учурлайтан база кандый шылтактар бар?
«Иеговага нениҥ учун јӱрӱмисти учурлаар керек?» («Каруулчы шибее», 2010 јыл, чаган ай 15)
Иеговага јӱрӱмин учурлаган улус кандый сӱӱнчи алып турганын кӧрӱгер.
«Канча јылдардыҥ туркунына мен бойымнаҥ сурагам: „Бис нениҥ учун јӱредис?“» деген биографияны кычырыгар. Бир ӱй кижи јӱрӱмин недеҥ улам солыган деп билип алараар.
«Агару Бичик улустыҥ јӱрӱмин солыйт» («Каруулчы шибее», 2012 јыл, кӱчӱрген ай 1)
Анайда ок слерге јараар болор
ЈААНТАЙЫН БЕРИЛИП ТУРГАН СУРАКТАР
Иегованыҥ Керечилериниҥ Агару Бичикти ӱренетен курсы канайып ӧдӧт?
Иегованыҥ Керечилеринде Агару Бичик неге ӱредип турганын билип аларга болужатан тузалу курс бар. Ӱредӱниҥ ӧйинде слер бойоордыҥ Агару Бичигерле тузаланар аргалу, анайда ок ӱредӱлерге бойоордыҥ билегерди ле најылараарды айдып алар аргалу.
