DUNGU 46
¿Chemu hulaimi tami mongen Jehová mu ca bautizahuaimi?
Hulcünolmi tami mongen Jehová mu, ngillatun mu eipiabimi tami huenupüramabel quidu müten ca tami bemal tañi ayüquel bill antü (Salmo 40:8). Beimu bautizahulmi, caquelu che quimai tami hulün tami mongen Jehová mu. Hulal taiñ mongen Jehová mu tati doi manelbalchi dungu taiñ bemabel iñchiñ taiñ mongen mu. Beimu ¿chem raquiduamelabeimu bemal tübachi manelbalchi dungu?
1. ¿Chem nengümaimu tami hulal tami mongen Jehová mu?
Tami müna piuqueyenebel Jehová nengümaimu tami hulcünoal tami mongen Jehová mu (1 Juan 4:10, 19). Biblia eipi: “Piuqueyebinge Jehová tami Chau Ngünechen com tami piuque mu, com tami chengen mu, com tami raquiduam ca com tami nehuen mu” (Marcos 12:30). Piuqueyebilmi Jehová pengelngeai tami eipin ca tami bemquel mu. Quiñe huentru ca quiñe domüche curehuen-ngi bente tañi piuqueyehun mu, ca bemngechi iñchiñ bente taiñ piuqueyebel mu Jehová hulaiñ taiñ mongen quidu mu ca bautizahuaiñ.
2. Jehová, ¿chumngechi cümelcaquebi pu bautizaucülelu?
Bautizahulmi conaimi Jehová tañi ayüucülechi pu che mu. Beimu Jehová billque dungu mu pengelelaimu chumten tami piuqueyenetu ca eimi doi bülconaimi quidu mu (papiltunge Malaquías 3:16-18). Chauyeabimi Jehová, ca huall Mapu mu niepoaimi bentren pu peñi ca pu lamngen piuqueyebilu Jehová, cabei piuqueyeaimu engün (papiltunge Marcos 10:29, 30). Petu tami bautizaunon bemaimi quiñeque dungu, ¿chem am? Quimabimi ca piuqueyeabimi Jehová, cabei maneluucüleaimi quidu tañi Botüm mu. Beimu hula, eipicünoabimi Jehová tami hulal tami mongen quidu mu. Com tüba bemülmi ca bautizahulmi, mongen abquenolu niepoabüimi. Biblia eipi: “Tati bautizahun montulqueimünmu” (1 Pedro 3:21).
DOI CÜME QUIMNGE
¿Chemu manelbalngi hulal tami mongen Jehová mu ca bautizahual? Beula peabiiñ.
3. ¿Iñi am huenupüramabimi?
Cuibi mu, quiñeque Israel che cümelu troquibingün huenupüramabel Jehová ca quiñe coila dio Baal pingelu, huelu cümelai. Beimu Jehová huercübi Elías tañi norümatu engün. Papiltoiñ 1 Reyes 18:21. Papiltungele hula ngütramcaabiiñ tübachi ramtun:
-
Pu Israel che, ¿chumabüingün?
Pu Israel che reque, iñchiñ cabei ngümintoiñ (dulliaiñ) iñi am huenupüramabiiñ. Papiltoiñ Lucas 16:13. Papiltungele hula ngütramcaabiiñ tübachi epu ramtun:
-
Iñchiñ pepi huenupüramlaabüiñ Jehová ca caquelu dungu, ¿chemu cai?
-
Ngümintuliiñ taiñ huenupüramabel Jehová, ¿chumngechi am pengelelabüiñ?
4. Raquiduamnge chumten tami piuqueyenetu Jehová
Jehová müna cümelcaqueiñmu, beimu iñchiñ ¿chumabüiñ quidu mu? Quintulbe tati VIDEO.
¿Chumngechi am Jehová pengeleimu tami piuqueyenetu? Papiltoiñ Salmo 104:14, 15 ca 1 Juan 4:9, 10. Papiltungele hula ngütramcaabiiñ tübachi epu ramtun:
-
Jehová bentren cümeque dungu elueimu, beimu ¿chuchi am doi mañumquebimi?
-
Jehová tañi bemquen eimi mu, ¿chum duamelqueimu?
Quiñe che eluelmu quiñe cüme yehun, pengelabüimi tami mañumcülen. Papiltoiñ Deuteronomio 16:17. Papiltungele hula ngütramcaabiiñ tübachi pu ramtun:
-
Raquiduamülmi com tami eluetu Jehová, ¿ayücülepeabüi mai tami piuque? Beimu, ¿chem eluabüimi Jehová?
5. Hulcünolmi tami mongen Jehová mu, müna cümelcangeaimi
Bentren che raquiduamqui taiñ ayüucüleal amuabüiñ universidad mu, niepoabüiñ bentren plata cam bentren che quimabeiñmu. ¿Rübngepi mai tüba? Quintulbe tati VIDEO. Quintulngele hula ngütramcaabiiñ tübachi pu ramtun:
-
Taiñ peñi müna ayüquebüi ume tañi pelotatol, ¿chemu elcünotubi?
-
Taiñ peñi elcünoi tañi pelotatun tañi huenupüramabel Jehová, beimu ¿cümepi mai tañi bemün? ¿Chemu? ¿Chem pimi?
Pablo petu tañi cristianongenon, quiñe bütra quimche quimeleleyu pu judio tañi ley, beimu Pablo balinque dungu bempoabüi. Huelu elcünoi com tañi quimquebel tañi cristianongepoal, beimu ¿huiñoraquiduamtupi mai? Papiltoiñ Filipenses 3:8. Papiltungele hula ngütramcaabiiñ tübachi pu ramtun:
-
Com tañi quimquebel Pablo petu cristianongenolu, ¿chemu balinolu troquitubi?
-
Pablo tañi elcünoel mu, ¿chem cümeque dungu lloutui?
-
Doyümbilmi huenupüramabel Jehová, ¿doi cüme mongen niepoabüimi? ¿Chem pimi cai?
Cristianongepolu Pablo quiñeque dungu elcünoi, huelu doi cümeque dungu llohui.
QUIÑEQUE CHE EIPIQUI: “Quimnen rübngi tañi quimelelngequen, huelu pepicaucülelan tañi bautizahual”.
-
¿Cümepi mai hulal tami mongen Jehová mu? ¿Chem pimi cai?
CHEM PEIÑ TÜBAMU
Bente tami piuqueyebel Jehová hulaimi tami mongen quidu mu ca bautizahuaimi.
Chem quimeleleiñmu tüba
-
¿Chemu com piuque mu büreneabiiñ ca huenupüramabiiñ Jehová?
-
¿Chem cümeque dungu Jehová eluquebi pu bautizaucülelu?
-
¿Ayüabüimi hulal tami mongen Jehová mu?
DOI QUIMABÜIMI
¿Chemu quiñe ülcatuquelu ca quiñe che deportetuquelu hulcünoingu tañi mongen Jehová mu?
Pu huechequeche tañi ramtuquel: ¿Chumabün tañi mongen mu? Raquiduamliiñ cuibi mu (6:54)
¿Ca chem dungu nengümabeimu hulal tami mongen Jehová mu?
“¿Chemu hulaimi tami mongen Jehová mu?” (Ti Huerquen 15 enero 2010)
Tübachi video mu nielu ülcatun peaimi pu che müna ayüucülelu hulcünole tañi mongen Jehová mu.
Papiltunge quiñe domüche tañi upan, cheu eipi: “Bentren tripantu mu ramtuuquebün: ‘¿Chumal am mongeliiñ?’”.
“Biblia cacünotubi tañi mongen” (Ti Huerquen 1 noviembre 2012)
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
