46 YATICHÄWI
¿Kunatsa jakañ vidas Jehová Diosar katuyasiñasa bautisasiñasaraki?
Kunapachatï maynejj jakañ vidap Jehová Diosar katuyaski ukhajja, juma saparukiw adoräma, juman munañam lurañaw nayatakejj nayrankani sasaw mä oracionan Jehová Diosar mä promesa luri (Salmo 40:8). Ukatjja kunapachatï bautisasjje ukhajja, mayninakaruw jakañ vidap Diosar katuyasitap uñachtʼayi. Jehová Diosar vidas katuyasiñ amtañajja, taqe amtanakat sipansa wali importantewa. Niyakejjay uka amtajj wali importantëchejja, jakäwissa mayjtʼayarakiwa. ¿Kunas vidam Diosar katuyasiñamatakejj yanaptʼiristam?
1. ¿Kunas jakañ vidas Diosar katuyasiñatakejj yanaptʼistaspa?
Jehová Diosar vidas katuyasiñatakejja jupar munasiñaw yanaptʼistaspa (1 Juan 4:10, 19). Bibliajj akham siwa: “Jehová Diosamarojj taqe chuymamampi, taqe almamampi, taqe amuyumampi, taqe chʼamamampi munasiñamawa” sasa (Marcos 12:30). Jehová Diosar munasitasajja, arsutasana luratanakasanwa qhan uñjasi. Kunjamtï mä waynampi mä tawaqompejj cheqpachapun munasisajj casarasiñ amtapkejja, ukhamarakiw Jehová Diosar cheqpachapun munastan ukhajj jupar vidas katuyasiñ amttanjja, bautisasiraktanjja.
2. Bautisatäpki uka Testigonakaparojja, ¿kuna bendicionanaksa Jehová Diosajj churi?
Jumajj bautisasjjäta ukhajja Jehová Diosan familiap taypinkjjätawa, uka familia taypinkirinakajj wali kusisitäpjjewa. Ukapachaw Jehová Diosajj qhawqsa munastam uk kunaymaninakat uñjäta, juparus jukʼampiw jakʼachasïta (Malaquías 3:16-18 liytʼäta). Bautisasjjäta ukhajja Jehová Diosajj juman Awkimarakïniwa, ukatjja Diosar munasipki jumarus munasipkaraktam uka jilat kullakanak taypinkätawa, uka familiajj oraqpachanwa utji (Marcos 10:29, 30 liytʼäta). Janïr bautisaskasajja jumajj mä qhawqha mayitanakwa phoqañama. Jehová Diosaruw uñtʼañama juparojj munasiñamarakiwa, ukatjja Jesús Yoqaparus confiyañamarakiwa. Ukatsti juma saparukiw servïma sasaw Jehová Diosar mä promesa arsuñama. Jumatï taqe ukanak lurasin bautisasïtajja, jutïrin wiñayatak jakasiñatak suytʼäwinïsmawa. Diosan Arupajj akham siwa: “Bautismo taypiw [...] salvatäsipktajja” sasa (1 Pedro 3:21).
JUKʼAMP YATJJATAÑÄNI
Jehová Diosar jakañ vidam katuyasiñamasa bautisasiñamasa, kunatsa wali importantejja uka toqetwa jichhajj yatjjatañäni.
3. Khitirus serviñäni uk taqeniw amtañasa
Nayra Israel markanjja, yaqhep jaqenakajj Jehová Diosar adorkasin Baal sat falso diosar adorañajj walikïskaspasa ukhamwa amuyapjjäna. Ukampis ukham amuyasajj pantjasipjjänwa. Ukatwa Jehová Diosajj jupanakar cheqañchañatak Elías profetapar khitäna. 1 Reyes 18:21 liytʼasajja aka toqetwa parltʼapjjäta:
-
¿Kuna amtarus israelitanakajj puripjjañapäna?
Jiwasajj israelitanakjamarakiw khitirus serviñäni uk amtañasa. Lucas 16:13 liytʼasajja aka toqetwa parltʼapjjäta:
-
¿Kunatsa Jehová Diosar adorkasin yaqharu, jan ukajj mä kunar adorañajj jan walïki?
-
¿Kunjamsa jupa saparuk adorañ amtatas Jehová Diosar uñachtʼaysna?
4. Qhawqsa Jehová Diosajj munastam uk amuytʼam
Jehová Diosajj walja suma regalonakwa churawayistu. ¿Kunsa jiwasajj jupar churaraksna? VIDEO uñtapjjäta.
¿Kunjamanakatsa Jehová Diosajj jumar munasitam uñachtʼayawaytam? Salmo 104:14, 15 ukat 1 Juan 4:9, 10 liytʼasajja aka toqetwa parltʼapjjäta:
-
Jehová Diosajj churkistu taqe uka regalonakat sipansa, ¿kawkïrinakatsa jumajj wal yuspärta?
-
¿Kunjamakis jumajj uka regalonak katoqasajj jikjjatasta?
Kunapachatï wal gustkistu uka regalo churapjjestu ukhajja, jupar yuspärataswa uñachtʼayañ muntanjja. Deuteronomio 16:17 liytʼasajja aka toqetwa parltʼapjjäta:
-
Kunanaktï Jehová Diosajj churawayktam ukanakat lupʼisajja, ¿jupar kun churañs munaraktati? ¿Kunsa jupar churasma?
5. Jehová Diosar vidas katuyasisajj walja bendicionanakwa katoqsna
Walja jaqenakajja kusisit jakasiñatakejj wali uñtʼatäña, suma profecionanïña, wali qollqenïñaw wakisi sasaw amuyapjje. ¿Ukampis ukanakapunit kusisitäñatakejj munaspacha? VIDEO uñtasajja aka toqetwa parltʼapjjäta:
-
Videon uñtktan uka waynarojj pelot anatañajj walsa gustkchïnjja, ¿kunatsa uk jaytäna?
-
Jupajja pelot anatañat sipansa Jehová Diosar vidap katuyasiñwa amtäna. ¿Ukham amtasajj suma amtaruw purïna sasmati? ¿Kunatsa ukham amuyta?
Janïr cristianökasajja apóstol Pablojj wali yatjjatatänwa, ukhamätapat nayraruw sartaspäna. Jupajj judionakan leyipat wali suma yatjjatatäkäna uka yatichirimpiw yatichayasïna. Ukampis cristianöñ laykuw taqe ukanak jaytäna. ¿Ukham luratapat jupajj arrepentispachänti? Filipenses 3:8 liytʼasajja aka toqetwa parltʼapjjäta:
-
Apóstol Pablojja janïr cristianökäna ukhajj kunanaktï lurkäna ukanakajj “montontʼat basuräkaspas” ukhamawa sasaw säna, ¿kunatsa ukham sispachäna?
-
¿Kuntï jaytkäna ukat sipansa kunsa katoqäna?
-
¿Jumatï Jehová Diosar vidam katuyasïta ukhajj jukʼamp sumat jakasisma? ¿Kunatsa ukham amuyta?
Pablojj cristianöjjäna ukhajja, kunanaktï jaytjkäna ukanakat sipansa jukʼamp sumanakwa jikjjatäna.
YAQHEPANAKAJJ AKHAM SAPJJEWA: “Janiw religionajj vidaman nayrankañapäkiti, jan jumajj ukar chuym uchamti” sasa.
-
¿Jehová Diosar vidas katuyasiñajj wakisiwa sasmati? ¿Kunatsa ukham amuyta?
¿KUNSA YATEQAWAYTAN?
Jehová Diosar munasitasaw jupar jakañ vidas katuyasiñatakisa bautisasiñatakis yanaptʼistaspa.
Amtañataki
-
¿Kunatsa Jehová Dios saparuk munasiñasa, jupa saparuk adorañasaraki?
-
Bautisatäpki uka Testigonakaparojja, ¿kuna regalonaksa Jehová Diosajj churi?
-
¿Jehová Diosar vidam katuyasiñ munasmati?
JUKʼAMP YATJJATAÑAMATAKI
Cantir mä warmisa pelot anatir mä waynas kunatsa Jehová Diosar vidap katuyasiñ amtapjjäna uk videon uñtam.
Jehová Diosar vidas katuyasiñasatakejj kuna razonanakas utjaraki uk yatjjatam.
“¿Kunatsa Jehová Diosar katuyasiñasa?” (Yatiyañataki enero 15, 2010)
Khitinakatï Jehová Diosar vidap katuyasipki ukanakajj kunja kusisitäpjjesa uk musican videon uñtam.
Kunatsa mä warmejj cambiañ amtäna uk yatiñatakejja, “Durante años me pregunté para qué estamos aquí” sat cheqanwa liytʼasma.
“La Biblia les cambió la vida” (La Atalaya, 1 de noviembre de 2012)
Akanakajj inas gustarakiristam
KUNANAKSA JUKʼAMP JISKTʼASIPJJE
¿Kunjamsa Jehová Diosan Testigonakapajj Bibliat yatichapjje?
Jehová Diosan Testigonakapajj gratisakiw Bibliat yatichapjje, kawknïr Bibliampis yateqañ munta ukajj jumatäjjewa. Jumamp chika yateqapjjañapatakejja, taqpach familiamaruw invittʼasma, amistadanakamarus invittʼarakismawa.
