PES 46
Inyuki di nlama ti bésbomede nkikip, di kôs ki sôble?
I ti wemede nkikip yak Yéhôva hala a nkobla le, ikété masoohe, u mbôn nye le u ga gwélél ndik nyetama, le sômbôl yé yon y’a ba jam li bisu i niñ yoñ. (Tjémbi 40:8) I mbus, u nkôs sôble inyu unda i mbamba le u nti wemede nkikip yak Yéhôva. Makidik i ti wemede nkikip yak Yéhôva ma yé jam li nlôôha ba nseñ i niñ yoñ. Kii i nla tinde we i yoñ makidik ma ngui ma?
1. Kii i nla tinde mut i ti nyemede nkikip yak Yéhôva?
Gwéha yon i ntinde mut i yoñ makidik ma. (1 Yôhanes 4:10, 19) Bibel i nti bés makénd le: “U nlama ki gwés Yéhôva Nyambe woñ ni ñem woñ wonsôna, ni niñ yoñ yosôna, ni mahoñol moñ momasôna, yak ni ngui yoñ yosôna.” (Markô 12:30) Di ñéba le di ngwés Djob he ndik ni bibuk bé, ndi yak ni maboñok més. Nlélém kiki gwéha i ntinde mut i bii muda, hala yak nyen gwéha yon i ntinde bés i ti bésbomede nkikip yak Yéhôva ni i kôs sôble.
2. Bimbe bisai Yéhôva a nti bagwélél bé ba ba bi kôs sôble?
Sôble i nti we pôla i jôp i lihaa li Yéhôva li li yé maséé. I ngéda u nkôs sôble, u ntehe gwéha i Yéhôva ikété ngandak manjel, u nkônde ki kôôge bebee ni nye (Añ Malaki 3:16-18.) U héya hala, Yéhôva a nyila Isañ woñ, u njôp ki ikété lihaa li lôk kéé i i ngwés Yéhôva, i gwéhék ki we. (Añ Markô 10:29, 30.) Ndi ilole u nkôs sôble, u nlama ndugi boñ ngim mam. U nlama nigil i yi Yéhôva, u gwés ki nye. I mbus, u hémle ki Man wé. Sôk i nsôk, u ti wemede nkikip yak Yéhôva. I ngéda u mboñ i mam mana momasôna, ha nyen u nla kôs sôble, u bôdôl kil i njel i nkena i niñ boga. Bibel i nkal le: “Sôble . . . , yo ki yon i yé i tohol bé.”—1 Pétrô 3:21.
KÔNDE TÉM
Di béñge inyuki i yé nseñ i ti wemede nkikip yak Yéhôva ni i kôs sôble.
3. Bésbobasôna di nlama pohol njee di ngwés gwélél
I ngéda kôba, bon ba Israel ba bé hoñol le ba nla gwélél Yéhôva i nlélém ngéda ba gwéélak Baal. Ndi, Yéhôva a bi om mpôdôl wé Éliya le a kodol litehge jap li mam. Añ 1 Bikiñe 18:21, i mbus, ni kwélél mbadga ini:
-
Mambe makidik bon ba Israel ba bé lama yoñ?
Nlélém kiki bon ba Israel, yak bés di nlama pohol njee di nsômbôl gwélél. Añ Lukas 16:13, i mbus, ni kwélél mambadga mana:
-
Inyuki di nla bé kal le di ngwélél Yéhôva, i nlélém ngéda di gwéélak yom ipe?
-
Lelaa u nla éba Yéhôva le nyetama nyen u mpohol?
4. Tibil ôt pék mu mam ma ñéba le Yéhôva a ngwés we
Yéhôva a bi ti bés ngandak makébla. Lelaa yak bés di nla éba le di ngwés nye? Tuk VIDÉÔ.
Kii di nla boñ ibale di ngwés Yéhôva? Añ Tjémbi 104:14, 15 ni 1 Yôhanes 4:9, 10, i mbus ni kwélél mambadga mana:
-
Mambe makébla ma Yéhôva ma nlémél we ngandak?
-
I ngéda u nhoñol makébla ma momasôna, kii u nôgda?
I ngéda mut a nti we likébla li li nlémél we, hala a yé a tinde nga we i ti nye mayéga? Añ Ndiimba Mbén 16:17, i mbus ni kwélél mbadga ini:
-
I ngéda u nhoñol i mam malam momasôna Yéhôva a ma bôñôl we, kii u nsômbôl ti nye?
5. I ti wemede nkikip yak Yéhôva i nlona ngandak bisai
Ngandak bôt i nhoñol le i ba mut a nyiba, i bana loñge bôlô, tole ngandak moni yon i nlona maséé. Baa maliga ma? Tuk VIDÉÔ, i mbus ni kwélél mambadga mana:
-
To hala kiki Andrey a bé gwés bol, inyuki a bi tjôô yo?
-
A bi yoñ makidik i gwélél Yéhôva iloole a kee ni bisu i tuk bol. Baa makidik ma, ma bé malam? Inyuki?
Ilole ñôma Paul a nyila kristen, a bé noñ mam makeñi. Malét nkeñi wada nyen a bi niiga nye biniigana bi Lôk Yuda. A bé lama yila mut nkeñi, ndi a bi tjôô i gwom bi, a yila kristen? Añ Filipi 3:8, i mbus, ni kwélél mambadga mana:
-
Inyuki Paul a bé tehe i mam a bi tjôô kiki “ngandak binan,” tole likund?
-
Ndi kii a bi kôs i mbus?
-
We u nhoñol lelaa, kii i ga lona we maséé, i sélél Yéhôva tole yom ipe?
I ngéda Paul a bi yila kristen, a bi kôhna ngandak mam iloo ma a bi tjôô
BÔT BAPE BA NKAL LE: “Baa i yé toi nseñ i ti wemede nkikip yak Djob?”
-
Kii i nlama tinde bés i ti bésbomede nkikip yak Yéhôva?
I SEM KWEP
Gwéha yon i nlama tinde bés i ti bésbomede nkikip yak Yéhôva ni i kôs sôble.
Mambadga ma mbigda
-
Inyuki Yéhôva nyetama nyen di kôli bégés ni i gwés ni ñem wés wonsôna?
-
Lelaa Yéhôva a nsayap bagwélél bé ba ba yé nsôblege?
-
Baa u nsômbôl ti wemede nkikip yak Yéhôva?
KÔNDE YÉÑ
Béñge inyuki muda wada nu a bé tôp tjémbi ni mut wada nu a bé tuk bol ba bi ti bomede nkikip yak Yéhôva.
Boñge ba wanda ba mbadba—Kii m’a boñ ni niñ yem?—Mbigda (6:54)
Béñge manjom mape ma ma nla tinde mut i ti nyemede nkikip yak Yéhôva.
“Inyuki ni nlama ti bébomede nkikip yak Yéhôva?” (Nkum Ntat, 15 Kondoñ, 2010)
Munu hiémbi hini, béñge maséé i bet ba nti bomede nkiki yak Yéhôva ba gwé.
Munu ñañ unu le “Pendant des années, je me suis demandé pourquoi on existe” béñge kii i bi tinde muda wada i wan niñ yé inyu yi kii i nlôôha ba nseñ.
“La Bible transforme des vies” (La Tour de Garde, 1er novembre 2012)