PELAJARAN 46
Boasa Ikkon Talehon Ngolutta tu Debata jala Tardidi?
Sebelum tardidi hamu, ikkon dilehon hamu do ngolumuna tu Jahowa marhite tangiang. Di tangiang i marjanji do hamu tu Jahowa, holan Ibana nama sombaonmuna. Jala mangulahon lomo ni rohana ma na paling penting di ngolumuna. (Psalmen 40:8) Dukkon i, boi ma hamu tardidi. Tikki na tardidi i ma hamu patuduhon tu halak na asing, naung dilehon hamu ngolumuna tu Jahowa. On ma keputusan na paling penting di ngolumuna, alana boi do on mambahen muba ngolumuna. Attong, boha do carana asa boi dibahen hamu keputusan sisongon i?
1. Aha do na mambahen olo sasahalak mangalehon ngoluna tu Jahowa?
Molo holong rohatta tu Jahowa, pasti barani do hita mangalehon ngolutta tu Ibana. (1 Johannes 4:10, 19) Didok Bibel, “Ikkon haholonganmu do Jahowa Debatamuna sian nasa rohamuna, sian nasa ngolumuna, sian nasa pikkiranmuna, dohot sian nasa gogomuna.” (Markus 12:30) Molo toho do holong rohatta tu Debata, tapatudu do i sian aha na taulahon, dang holan hata. Sarupa ma i songon dua halak na marhallet. Molo toho do nasida marsihaholongan, pasti barani do nasida mamutusson menikah. Dos songon i ma, molo holong do rohatta tu Jahowa, pasti barani do hita mangalehon ngolutta tu Ibana jala tardidi.
2. Aha do pasu-pasu na lao lehonon ni Jahowa molo tardidi hamu?
Molo nga tardidi hamu, gabe bagian sian keluarga ni Jahowa ma hamu jala Jahowa ma na gabe Bapakmuna. Boi ma dihilala hamu holong ni Jahowa na massai balga. Jala lam jonok ma hubunganmuna tu Ibana, dibandingkon sebelum tardidi hamu. (Jaha Maleaki 3:16-18.) Asing ni i, dapotmuna ma keluarga na baru i ma akka dongan di liat portibi on, na makkaholongi Jahowa jala na tong makkaholongi hamu. (Jaha Markus 10:29, 30.) Alai, adong do na ikkon diulahon hamu asa boi tardidi. Porlu do hamu marsiajar taringot Jahowa, ikkon holong do rohamuna tu Ibana, jala ikkon porsea do hamu tu Anakna. Dung i boi ma dilehon hamu ngolumuna tu Jahowa jala tardidi. Molo diulahon hamu i, adong ma kesempatanmuna lao mangolu saleleng ni lelengna. Bibel mandok, ‘Pandidion i do na paluahon hamu nuaeng.’—1 Petrus 3:21.
ASA LAM TAATTUSI
Taida ma boasa ikkon talehon ngolutta tu Jahowa jala tardidi.
3. Ikkon tapillit do ise na lao tasomba
Di jaman ni halak Israel najolo, adong do halak na mandok boi do disomba nasida Jahowa huhut disomba nasida Baal. Alai disuru Jahowa do Nabi Elia lao pasingotton nasida. Jaha 1 Raja-Raja 18:21, dung i bahas ma sukkun-sukkun on:
-
Keputusan aha do na ikkon dibahen halak Israel?
Songon halak Israel, hita pe ikkon tapillit do ise na lao tasomba. Jaha Lukas 16:13, dung i bahas ma sukkun-sukkun on:
-
Menurut ayat on, boi do tasomba Jahowa huhut tasomba na asing? Boasa?
-
Boha do caratta patuduhon holan Jahowa do na tasomba?
4. Sai ingot ma balga ni holong ni Jahowa tu hamu
Nungnga godang akka na denggan naung dilehon Jahowa tu hita. Jadi, boha ma caratta mambalos i? Putar ma VIDEO.
Akka aha ma naung dilehon Jahowa tu hamu? Jaha Psalmen 104:14, 15 dohot 1 Johannes 4:9, 10, dung i bahas ma sukkun-sukkun on:
-
Sian sude na dilehon Jahowa tu hamu, na dia ma na paling berharga di hamu?
-
Boha do perasaanmuna mamboto i?
Molo adong sasahalak na mangalehon hadiah tu hita, jala lomo rohatta tu hadiahna i, pasti mandok mauliate do hita tu ibana. Jaha 5 Musa 16:17, dung i bahas ma sukkun-sukkun on:
-
Molo diingot hamu sude naung dilehon Jahowa tu hamu, boha ma caramuna mambalos haburjuonna i?
5. Godang do pasu-pasuna molo dilehon hamu ngolumuna tu Jahowa
Godang do halak na mandok, asa boi las rohatta ikkon terkenal do hita, ikkon mantap karejotta, jala ikkon godang do hepengta. Toho do i? Putar ma VIDEO, dung i bahas ma sukkun-sukkun on:
-
Boasa olo sahalak atlet sepak bola maninggalhon karejona i, nang pe lomo hian rohana tusi?
-
Ujungna dilehon ibana ma ngoluna tu Jahowa, dang tu sepak bola. Menurut hamu, keputusan na denggan do i? Boasa didok hamu songon i?
Sebelum gabe halak Kristen Apostel Paulus, diajari guru na terkenal do ibana taringot patik ni halak Jahudi. Jadi sebenarna boi do mantap karejona jala gabe halak na sangap. Alai ditinggalhon si Paulus do sudena i asa boi gabe halak Kristen. Menyesal do si Paulus tu keputusanna i? Jaha Pilippi 3:8, dung i bahas ma sukkun-sukkun on:
-
Boasa didok si Paulus songon “sampah” do sude naung ditinggalhonna i?
-
Aha do dapotna dung gabe halak Kristen ibana?
-
Menurut hamu dia do na undenggan, mamakke ngolumuna lao manomba Jahowa do manang mamakke ngolumuna lao mangalului hamoraon dohot hasangapon?
Dung gabe halak Kristen si Paulus, unggodang do dapotna sian naung ditinggalhon ibana
ADONG DO NA MANDOK: “Huboto do on na sittong. Alai dang barani dope au mangalehon ngolukku tu Debata.”
-
Menurut hamu, sanggup do memang hita mangalehon ngolutta tu Jahowa?
KESIMPULAN
Molo holong rohatta tu Jahowa, pasti olo do hita mangalehon ngolutta tu Ibana jala tardidi.
Tinjauan
-
Boasa ikkon tahaholongi Jahowa sian nasa rohatta jala tasomba Ibana?
-
Aha do pasu-pasu na lao lehonon ni Jahowa tu akka naposona na tardidi?
-
Olo do hamu mangalehon ngolumuna tu Jahowa?
LULUI MA
Ida ma boasa olo sahalak parende dohot sahalak atlet mangalehon ngoluna tu Jahowa.
Sungkunsungkun ni Angka na Poso—Aha do na Hulului di Ngolungku?—Mangingot Naung Salpu (6:54)
Parrohahon ma muse alasan na asing boasa ikkon talehon ngolutta tu Jahowa.
“Boasa Ikkon Dilehon Hamu Ngolumuna tu Jahowa?” (Joujou Paboahon, 15 Januari 2010)
Di video musik on, ida ma songon dia las ni roha ni akka halak na mangalehon ngoluna tu Jahowa.
Di kisah hidup na marjudul “Sai Sukkun-Sukkun do Rohakku, ‘Aha do Tujuan ni Ngolutta?’” parrohahon ma aha do na mambahen sahalak borua mamikkirhon dia na paling penting di ngoluna.
“Bibel Mambahen Denggan Ngolukku” (Joujou Paboahon, 1 November 2012)
Mungkin Lomo do Rohamuna Mamboto
NA JOTJOT DISUKKUN HALAK
Songon dia do Parsiajaran Bibel na Dibahen Saksi Jahowa?
Boi do dipakke Bibel terjemahan na dia pe tikki marsiajar Bibel dohot Saksi Jahowa. Boi do diajak hamu donganmuna dohot keluargamuna.
